AMIKHEAKAKHIUKKHI 1:16 - AMÜSÜH HÜM CL Bible (BSI)

¹⁶ api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.

AMIKHEAKAKHIUKKHI 1:16 Iomraidhean Croise

JOB HU H T ANYU 38:7

küyimki yapsu chiningbonü rukhüh khün thsücho, tüsho Thrünpuh tsührübo alalanü asühachihde zhicho?

MUNGSHIKHÜN 45:3

Nü müretah tüsho nü wüntre-müretah, nü nukshang nü chim kheak rümkihang, O Wutobuh!

KHÜNBOLUNGKHÜN 6:10

“Yapsu kheah-a yüshihkhi, khinu atsü, ani nangde ayinkhi, bonungrünü riphin shuhbah alakhi atrebe nangde la ha shepü a?”

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

ISAIA 49:2

Apinü I mün nukshang ayuk nangde kamshih, api khah alamme ching I jika zo; apinü I ananshahshah hühzo khülang kamshih, api hühzopung ching I jika zo.

DANIEL 12:3

Sherü lümlung lanü thüning nangde ayinbah tüsho sherünü thiyuro-lungki lim ahihdo bechonü lünnü chiningbo nangde ayinbah.

DANIEL 8:10

Hoju yinmi bonungrü lokhüh zokih. Junü bonungrü khürü tüsho chiningbo alomi ching jipkhi, tüsho arü kheak jung.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

MATHI 17:2

Ju ching arü miki api jak müthriabah. Api miro ju ani nangde tah, tüsho api khimmihbo ayinatrüm nangde yinde kam.

YUNIRÜBO RHIMO 26:13

O kiulongthsüpuh, animuro thüning chingnü ani kheaknü ayinbe ayin khülangnü I tüsho l lung hantsahrü mükamde tah.

EFISIA 6:17

Akhümkhit kuthran luang, tüsho küpü Thrünpuh yu lanü, Me nukshang luang.

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 10:1

Judüki inü püpü wuto yunirü amo ching hingbah, aku kheak mürechin kihde thüning chingnü akide ngü, tüsho amiro ju ani nangde, tüsho ajingbo ju mo dungtobo nangde alakheah.

AMIKHEAKAKHIUKKHI 12:1

Tüsho thüning kheak amütsan ato akhiuk; aliberü khülangnü ani phuyu, ajing khüp khinu la, tüsho aku kheak chining thürükheak mahne kuthran lakheah.

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.

AMIKHEAKAKHIUKKHI 19:21

Tüsho aningkhibo ju khora kheak binbuh mün chingnü akhiukkhi nukshangnü laksah, tüsho arü shihnü wuhnubo alala bukthsü.

AMIKHEAKAKHIUKKHI 2:1

“Efisia borü ching yunirü kilim thrütang: ‘Api khah tsülim thüne shuhbuh, tsünpung dubopung thüne bolung tsahbuh yubo.

AMIKHEAKAKHIUKKHI 2:12

“Tüsho Pergamum ching borü yunirü ki thrütang: ‘Khülim khülim ahüyuk nukshang labuh yubo.

AMIKHEAKAKHIUKKHI 2:16

Jumonü mulong müthriang. Jude yungsho, I nü kilim arübah tüsho I mün chingnü akhiukkhi nukshangnü arü azhihde thirithsübah.

AMIKHEAKAKHIUKKHI 3:1

“Tüsho Sardis ching borü yunirü kilim thrütang: ‘Thrünpuh mebo thüne tüsho chining thüne labuh yubo. “ ‘Inü nü rhimobo mükheahlah; nü arhang larü mung lah, tüshe nü a shea lah.

MAHKHAPRÜ 3:16

Ehudnü nuk khülang thripkhüh thripkhüh ahüyuk, ashanglim khahnap 1nü thsü; tüsho apinü akhim alunglimnü achim tsülimpeang rüma lu.

MAHKHAPRÜ 5:31

Jumonü nü riri alala dükheakshang, O Atungpuh ! Tüshe nü muzhorü a ani müzhakde akhiukchoki nangde lashang. Judüki lomi ju kam yirü thsungkheak mungtsü la.