AMIKHEAKAKHIUKKHI 1:11 - AMÜSÜH HÜM CL Bible (BSI)

¹¹ hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:11 Iomraidhean Croise

ISAIA 30:8

Kheakü yüang, ha arü miki lungbeak khülang kheak thrütang, tüsho hüm ching thrütyukang, junangde lünnü arübe thsungkheak thiyumütsan labah.

JEREMIA 30:2

Atungpuh , Israel Thrünpuhnü ha thachoh: Inü nü ki asukkhi yubo alala hüm khülang ching thrütang.

HABAKKUK 2:2

Judüki Atungpuhnü I ki alo tüsho tha: Michih ju lungbeakbo kheak müzhide thrütkihang, junangde ashanrünü ju khekhukbah.

YUNIRÜBO RHIMO 16:14

Isa ki anide alarü bolung aliberü khülang amung Lydia, Thyatira kiuto chingnü, mürümmuchu khimmih yinrü Thrünpuh kingaünrü lakheah. Paulnü athakhi anipü Thrünpuhnü anihbe mulong khimshuhjih.

YUNIRÜBO RHIMO 18:24

Kheakü Alexandria chingnü asürükhi Jihudarü amung Apollo ju Efisia ching arü. Api thiyu thasorü tüsho amüsühyu tsüde mükheahde alakheah.

YUNIRÜBO RHIMO 20:17

Tüsho apinü Mileta chingnü Efisia ching yüshihbah api kilim borü azothsürübo jide arüshih.

1 KORINT 15:32

Mihtsürü lümkhi ayannü langa inü Efisia ching mütüm shiwüh bolung keochihsho, I tümü alü thsüba? Asherü arhang mükamlobasho, “Isanü tsühanü tüsho yunganü, tümüde shido isa ashebah.”

1 KORINT 16:8

Tüshe I thünimni-thünio khiungde Efisia ching mungbah,

EFISIA 1:1

Thrünpuh lümkhi hode Jisu Khrista amüsüh-thsangyurü Paul kilimnü, Jisu Khrista ching thiyuro lakhi amüsührü kilim:

YUZÜNGTHALO 31:19

“Jumonü kheakü, nünü ha khün thrütang, tüsho Israel tsührübo ki thsangyuang; ha arü mün ching yukjang, junangde I thsungkheaknü Israelrü tsührü azhihde hanü thiyumütsan thsübah.

KOLOSI 2:1

Nüsa tüsho Laodikea ching larü le I miro müngürü alala thsungkheak inü küdükhüh tode mürangchonü nüsanü mükheahshihnelah,

1 TIMOTHI 1:3

I Macedonia lim yüde alachoki nü ki tuthsukkhi nangde inü nü Efisia ching lashihnelah. Ju ching mihtsürü khürünü arükchih kingaünyakzan thsangyuchoh tüsho nünü arü tukloshihpü thiyukhüm jihbeah,

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

AMIKHEAKAKHIUKKHI 1:19

Kheakü nünü tümü ngücho, tümü la tüsho ha dunglim tümü dünjipü lanü thrütang.

AMIKHEAKAKHIUKKHI 1:2

apinü anihbuhnü angükhi alala ki Thrünpuh yu tüsho Jisu Khrista thiyumütsan thsü.

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 1:4

Johan kilimnü, Asia ching lakhi borü thüne kilim: Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang,

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”

AMIKHEAKAKHIUKKHI 10:4

Küyimki tsüngmuk thüne arungkheanü inü athrütpü thsü, tüshe yinmi chingnü athakhi düsheak inü so, “Tsüngmuk thünenü tümü thakheanü yümdoa zoang, tüsho ju düthrüt.”

AMIKHEAKAKHIUKKHI 14:13

Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.” “Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”

AMIKHEAKAKHIUKKHI 19:9

Yunirünü I ki tha, “Ha thrütang: Namfimihnunu yamkhün kamkhi thünio ching jiyukrü müngühmühi.” Tüsho apinü I ki tha, “Harü ha Thrünpuh thiyuro yubo ah.”

AMIKHEAKAKHIUKKHI 2:1

“Efisia borü ching yunirü kilim thrütang: ‘Api khah tsülim thüne shuhbuh, tsünpung dubopung thüne bolung tsahbuh yubo.

AMIKHEAKAKHIUKKHI 2:12

“Tüsho Pergamum ching borü yunirü ki thrütang: ‘Khülim khülim ahüyuk nukshang labuh yubo.

AMIKHEAKAKHIUKKHI 2:18

“Tüsho Thyatira borü ching yunirü kilim thrütang: ‘Amükbo motru nangde, tüsho ajing müwayinchi phezhingzhingkhi nangde alakhi Thrünpuh tsührü yubo.

AMIKHEAKAKHIUKKHI 2:24

Kheakü Thyatira ching nüsa aningkhi, anihbe thsangyukhi müramrihrü tüsho Arimri rük asük de ajikhi manikhitrü ki inü thachoh, inü nüsa kheak hahmülang püpü tümü müyihkihjih;

AMIKHEAKAKHIUKKHI 2:8

“Tüsho Smyrna borü ching yunirü kilim thrütang: ‘Atankih tüsho akheam, shebah arhang kambuh yubo.

AMIKHEAKAKHIUKKHI 21:5

Tüshe kiulongthsü-binkiu kheak binbuhnü tha, “Kheahang, inü alala aso kamshihchoh.” Apinü thalo, “Ha thrütang, tümüde harü yubo akin labe tüsho thiyuro.”

AMIKHEAKAKHIUKKHI 22:10

Tüsho apinü I ki tha, “Ha hüm ching müchitkhi yubo yümdoa düzo, tümüde kim thüninde lah.

AMIKHEAKAKHIUKKHI 22:16

“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”

AMIKHEAKAKHIUKKHI 3:1

“Tüsho Sardis ching borü yunirü kilim thrütang: ‘Thrünpuh mebo thüne tüsho chining thüne labuh yubo. “ ‘Inü nü rhimobo mükheahlah; nü arhang larü mung lah, tüshe nü a shea lah.

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.

AMIKHEAKAKHIUKKHI 3:4

Tütüshe nü arü khimmihbo mümüneankhi Sardis ching khürü lah; tüsho arünü amüye yihbah I lung tsahbah, tümüde arü thülünlah.

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.