ABEKHIT 9:29 - AMÜSÜH HÜM CL Bible (BSI)

²⁹ Tüsho Mosanü api ki tha, “I kiuto chingnü awukhiuk müleangnü, inü Atungpuh kilim I khahbo chungkihbah; tsüngmuk kheambah tüsho arulung mülade akambah, junangde alomi ju ATUNGPUH yo ah de nünü amükheahbah.

ABEKHIT 9:29 Iomraidhean Croise

1 KIULONG THSÜRÜ 8:22

Solomonnü Atungpuh kingaün sadam müngüh, Israel amukhungrü miki zhip, tüsho api khah thüning lim chungkih.

1 KIULONG THSÜRÜ 8:38

tümüpürü tamkhüntamnü, yungsho zhoshekhi langzü yungsho nü mihtsürü Israel alalanü arü mulong ching thsümüchi lakhi mükheahde ha yam lim arü khah chungkihbanü;

EZRA 9:5

Tüsho arelim kingaün kim ching I atüzhokhi chingnü asürü, tüsho khim rukrüpkhi yihbah tamkhüntamnüde khukning tüsho Atungpuh I Thrünpuh ki I khah chunghuh,

JOB HU H T ANYU 11:13

Nünü nü mulong langakinde zosho, tüsho api kilim nü khahbo chungkihsho;

MUNGSHIKHÜN 135:6

Atungpuhnü tümüpürü mulongchonü apinü rhimochoh, yinmi tüsho alomi ching, ketobo tüsho asük dangpungbo alala ching.

MUNGSHIKHÜN 143:6

Inü nü kilim I khahbo chungkihchoh; akung lo nangde I menü nü mürheangchoh.

MUNGSHIKHÜN 50:12

I khümde lakhülaa, inü nü ki mütha; tümüde alomiküp tüsho ju ching lakhi alala I yo ah.

ABEKHIT 19:5

Jumonü kheakü nüsanü atsütsü I yu anisho tüsho I tangzüng zosho, mihtsürü alala kurungkheak nüsa I lakhit atsübe thsübah; tümüde alomi alala I yo ah.

ABEKHIT 20:11

Tümütüsho Atungpuhnü nimung thuruk chingnü thüningbo tüsho alomi, keto tüsho ju ching lakhi alala thrün, tüsho thüne nipü sühakhim. Jumonü Atungpuhnü amunimung müngühjih tüsho müsühkhit.

ABEKHIT 8:22

Tüsho ju nimung ching inü I mihtsürü lapung Goshen lomi somünak boto mülapü thsüde aningshihbah, junangde ha lo ching I Atungpuh de nüsanü amükheahbah.

ABEKHIT 8:6

Jumonü Aronnü Ijip kebo kurungkheak akhah shuhkih; tüsho kheangbo atubah Ijip lomi lüpchimabah.

ABEKHIT 9:33

Jumonü Mosanü Pharao kinü kiuto ching wukhiuk tüsho Atungpuh kilim akhahbo chungkih; jushu tsüngmuk tüsho arulung keamlo, tüsho alo kheak tsüng makide kam.

ISAIA 1:15

Küyimki nüsanü nüsa khah chungkhitbanü, nüsa kheaknü I mükbo jikabahbah; nüsanü khide tamkhüntamnünü she, inü mani; nüsa khahbo thiyihnü milah.

1 KORINT 10:26

Tümüde alomi tüsho ju ching lüpdükhi Atungpuh yo ah.

1 KORINT 10:28

Tüshe khürünü nü ki, “Ha shuhmülanga kingaünkhi ching jihkheah,” de thasho nü ki thabuh mihtsürü tüsho lümzülümdo dünkheaknü ju dütsüh–

YUZÜNGTHALO 10:14

Kheahang, thüning tüsho yinmi bolung yinmi, alomi tüsho ju ching lakhi athrünkhi Atungpuh nü Thrünpuh yo ah.