ABEKHIT 9:27 - AMÜSÜH HÜM CL Bible (BSI)

²⁷ Tüsho Pharaonü Mosa le Aron jibah tha, “Ha kim ching inü neak yihbeakdo. Atungpuh ju thiyurolungki tüsho I mihtsürübo le I mihbukmuyuk ah.

ABEKHIT 9:27 Iomraidhean Croise

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

2 KIUTHSÜYUKHEAN 12:6

Judüki Israel atorübo tüsho kiulongthsüpuhnü azhihayihde kam tüsho tha, “Atungpuh alungki ching lah.”

MUNGSHIKHÜN 129:4

Atungpuh ju thiyuro-lungki ah; apinü mihbukmuyuk liubo khapthünakdo.

MUNGSHIKHÜN 145:17

Atungpuh ju api limrobo alala ching thiyuro-lungki ah, api rhimobo alala ching amüthsüm lah.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

ABEKHIT 10:16

Judüki Pharaonü niokheamde Mosa tüsho Aron jibah tha, “Inü Atungpuh nüsa Thrünpuh tüsho nüsa azhihde neak yihbeakdo.

ABEKHIT 10:17

Jumonü kheakü, muzhobah khülang ki I neak bahjang, tüsho Atungpuh nüsa Thrünpuh ki tamkhüntamnüang, junangde apinü ha ashebe I kheaknü lude atsobah.”

ABEKHIT 8:25

Judüki Pharaonü Mosa tüsho Aron jibah tha, “Yüang, ha lomi ching nüsa Thrünpuh ki laksah-a kingaünang.”

ABEKHIT 8:8

Judüki Pharaonü Mosa le Aron jibah tha, “I tüsho I mihtsürübo kheaknü kheangbo lude atsopü Atungpuh ki tamkhüntamnüang; tüsho inü mihtsürübo Atungpuh ki laksah-a kingaünpü yüshihbah.”

TÜZHOKHI 1:18

Atungpuh alungki ching lah, tümüde inü api yu azhihdo; tüshe aniang, nüsa mihtsürü alala, tüsho I thsünükhi kheahang; I yo anünürü tüsho athrününgtsüng mihtsürübo aramkhi ching yüdo.

DANIEL 9:14

Atungpuhnü isa kheak thsümütsü handarüpü lüm müshangmang, tümüde Atungpuh isa Thrünpuh ju apinü arhimokhi lüpdükhi ching thiyuro-lungki lah; tütüshe isanü api ki mihyumani.

WÜHKHE 21:7

Jumonü mihtsürübonü Mosa kilim arübah tha, “ Isanü Atungpuh tüsho nü azhihde athakhi hode neak yihbeakdo; isa kheaknü phuruto tsoabahshihpü Atungpuh ki tamkhüntamnüjang.” Jumonü Mosa nü mihtsürübo thsungkheak tamkhüntamnü.

WÜHKHE 22:34

Tüsho Balaamnü Atungpuh yunirü ki tha, “ Inü neak yihbeakdo, tümüde I azhihde nü limro ching zhipkhi inü mümükheah. Jumonü nü miki amülim thsüa lasho, I alode ayübah.”

MATHI 27:4

Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

JIHUSUA 7:20

Akhannü alo, “ Ju thiyuro, inü Atungpuh Israel Thrünpuh azhihde neak yihbeakdo, tüsho inü ha rhimo:

1 SAMUEL 15:24

Saulnü Samuel ki tha, “Inü neak yihbeakdo; tümüde inü Atungpuh yukhüm tüsho nü yubo lakmihdo, tümütüsho inü mihtsürübo kheak trede arü yu anido.

1 SAMUEL 15:30

Judüki Saulnü tha, “Inü neak yihbeakdo; judüalalashe kheakü I mihtsürü azothsürü tüsho Israel miki I wüntre jihang, tüsho I kilim rholoang, junangde inü Atungpuh nü Thrünpuh kingaünbah.”

1 SAMUEL 26:21

Judüki Saulnü tha, “Inü amülim rhimodo; I tsührü David alode arang, tümüde kheaküa inü nü müthsümünim, tümütüsho khihni I rhangdung nü miki shoto lakheah; I bünkeangbünrudo, tüsho amülim ato khülang thsüdo.”