ABEKHIT 9:16 - AMÜSÜH HÜM CL Bible (BSI)

¹⁶ Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

ABEKHIT 9:16 Iomraidhean Croise

2 SAMUEL 7:23

Thrünpuhnü api mihtsürü müngühnü trükshih tüsho ju thrünpuhbo yankhitde api mung thsüa lupü tüsho arü thsungkheak ato tüsho atrebe rhimopü, api mihtsürü thsüpü rhokhitpü yükhi, nünü Ijip chingnü rhokhitkhi nü mihtsürü Israel nangde alomi ching püpü trükshih she la?

2 KIULONG THSÜRÜ 19:35

Ju tsüngrenü Atungpuh yunirü tsahmusu tüsho Asiria binpung ching 1,85,000 kinga lungshih; küyimki yapsu kamkhea, arü alala ashemi lakheah.

1 KIUTHSÜYUKHEAN 16:24

Api müretahkhi trükshih bolung, api amüyinsahbe atsü rhimobo mihtsürü bolung khipkhitang.

NEHEMIA 9:10

Pharao kiulongthsüpuh, atorü tüsho ju lo mihtsürü azhihde mükheahmihbe tüsho khinthiyinbe yüshih, tümüde arünü nü mihtsürü küde junokheanü nünü mükheah. Nünü nü mungthukhi khihni khiungde lah.

MUNGSHIKHÜN 106:8

Judüalalashe api mung chingnü apinü arü khümkhit, junangde apinü api wu ato mükheahshihpü lakheah.

MUNGSHIKHÜN 64:9

Mihtsürü alalanü atrebah, tüsho Thrünpuh rhimo khipkhitbah; tümüde arünü api rhimo lümlung lade lümakheahbah.

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

ABEKHIT 14:17

Tüsho inü Ijiprü mulong müküpshihbah, junangde arünü arü dunglim yüzahbah, tüsho Pharao le api bonungrü, api khora-lolungbebo, tüsho api khoraberü hode I müretahbah.

ABEKHIT 14:4

Judüki inü Pharao mulong müküpshihbah apinü nüsa müshambah; Pharao tüsho api bonungrü hode I müretahbah, junangde Ijiprünü I Atungpuh de amükheahbah.” Tüsho Israelrünü jude rhimo.

ABEKHIT 18:11

Kheakü thrünpuhbo alala kheaknü Atungpuh atobe ah de inü mükheahlah; tümütüsho arünü kükheangde arhimochoki arü kumung api lakheah.”

ABEKHIT 9:15

Kheakü I khah chungkihbah nü tüsho nü mihtsürü kheak arümnü shikkhülaa, nüsa lomi ching dükheaka labah.

ABEKHIT 9:17

Kheakü khiungde nünü I mihtsürübo azhihchoh tüsho arü müyüshih.

MÜCHITMUDU 16:4

Atungpuhnü lüpdükhi api thsungkheak thsü, am, thsümütsü nimung thsungkheak mihbukmuyuk she ah.

JEREMIA 32:20

Nünü amütsanbo tüsho khinthiyinbebo Ijip lomi ching tüsho khihni nimung ching Israel tüsho mihtsürü alala ki huhdo, tüsho khihni nimung khiungde nü mung lashihlah.

EZEKIEL 39:21

Inü trükshih bolung I müretah huhbah; tüsho inü mahkhapkhi tüsho arü kheak I khah yihkihkhi trükshihbonü angübah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

WÜHKHE 14:21

tüshe tsükjide I lale, alomi athrünkhi I müretahkhinü amibah–

ROMRÜ KILIM PAULNÜ ATHRÜTKHI KIHÜM HUHTANYU 9:17

Tümüde amüsühyunü Pharao ki thachoh, “Alomi alala ching I mung zhiyukshihpü thsüde nü kheak I wu huhpü inü nü asürüshih.”

ROMRÜ KILIM PAULNÜ ATHRÜTKHI KIHÜM HUHTANYU 9:22

Tüsho Thrünpuhnü tümü rhimokheanü dükdü ah. Apinü api bukakhiukkhi tüsho api wu huhpü kün. Tüshe athsümünimpü lakhi api bukakhiukkhi kukruk kheak apinü khide arümkheam.

JIHUSUA 4:24

Ha hode alomiküp ching mihbüm abannü Atungpuh wu-sühmüh ato mükheahbah, tüsho Atungpuh nüsa Thrünpuh nüsanü lünnü wüntre jihbah.”

1 PETER 2:19

Mihtsürü khürünü alim-mülakhi thsünü ching arümsho api athülünkhi lah tümütüsho apinü Thrünpuh anikhitlah.

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

1 SAMUEL 4:8

Isa are! Harü wuto thrünpuhbo khah chingnü shenü isa bekhitkhukba? Harü thrünpuhbonü sunglo ching Ijiprü arüm aphuaphunü asheshihkheah.