ABEKHIT 9:15 - AMÜSÜH HÜM CL Bible (BSI)

¹⁵ Kheakü I khah chungkihbah nü tüsho nü mihtsürü kheak arümnü shikkhülaa, nüsa lomi ching dükheaka labah.

ABEKHIT 9:15 Iomraidhean Croise

2 SAMUEL 7:23

Thrünpuhnü api mihtsürü müngühnü trükshih tüsho ju thrünpuhbo yankhitde api mung thsüa lupü tüsho arü thsungkheak ato tüsho atrebe rhimopü, api mihtsürü thsüpü rhokhitpü yükhi, nünü Ijip chingnü rhokhitkhi nü mihtsürü Israel nangde alomi ching püpü trükshih she la?

1 KIULONG THSÜRÜ 13:34

Hadürü ha Jeroboam yamkhün kilim neak kamabah, junangde tsükkhita bahpü tüsho alomi chingnü adükheakshihpü kam.

2 KIULONG THSÜRÜ 17:36

tüshe nüsanü nüsa Ijip lomi chingnü wu-sühmüh ato tüsho khah chungkhitde abekhitbuh Atungpuh kingaünbah; nüsanü api ki khukningbah, tüsho laksah-a kingaünbah.

2 KIULONG THSÜRÜ 19:35

Ju tsüngrenü Atungpuh yunirü tsahmusu tüsho Asiria binpung ching 1,85,000 kinga lungshih; küyimki yapsu kamkhea, arü alala ashemi lakheah.

ABEKHIT 14:28

Judüki kebo alodarübah khora-lolungbebo, khoraberübo, tüsho arü dunglim keto ching arükhi Pharao bonungrü alala zündo.

ABEKHIT 3:20

Tüshe inü I khah chungde Ijip kheak lakbah, junangde khinthiyinbebo rhimobah. Jushu apinü nüsa yüshihbah.

ABEKHIT 9:14

tümütüsho hakhip a inü arüm ju nü mulong ching, nü yamlarübo le nü mihtsürübo kheak arüshihbah, junangde alomi alala ching I ruk müla de nünü amükheahbah.

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

ABEKHIT 9:3

kheahang, Atungpuh khahnü thulu ching nü moshibo, khorabo, donkibo, kemelbo, moshipungbo, tüsho namfimihnubo kheak atrebe arüm hande arübah.

ABEKHIT 9:6

Junangde ashidopü Atungpuhnü ha rhimo, tüsho Ijip akam-shiwüh alala sheabah; tüshe Israelrü akam-shiwüh khülang she müshe.

MÜCHITMUDU 2:22

tüshe mihbukmuyuk a alomi chingnü adükheakshihbah tüsho thiyuro mülarü ju chingnü arukkhitbah.