ABEKHIT 9:14 - AMÜSÜH HÜM CL Bible (BSI)

¹⁴ tümütüsho hakhip a inü arüm ju nü mulong ching, nü yamlarübo le nü mihtsürübo kheak arüshihbah, junangde alomi alala ching I ruk müla de nünü amükheahbah.

ABEKHIT 9:14 Iomraidhean Croise

2 SAMUEL 7:22

Jumonü nü ato ah, O Atungpuh T HRÜNPU H ; tümüde nü nangde she müla, tüsho isa nükhünnü asokhea nü hobah Thrünpuh müla.

1 KIULONG THSÜRÜ 8:38

tümüpürü tamkhüntamnü, yungsho zhoshekhi langzü yungsho nü mihtsürü Israel alalanü arü mulong ching thsümüchi lakhi mükheahde ha yam lim arü khah chungkihbanü;

1 KIUTHSÜYUKHEAN 17:20

Nü kiphahde she müla, O Atungpuh , tüsho isa nükhünnü asokhi alala yande, nü hobah Thrünpuh she müla.

MUNGSHIKHÜN 86:8

Thrünpuhbo lung nü nangde she müla, O Atungpuh ; tümüde rhimonü she nü rhimo kheak makekhuk.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ABEKHIT 8:10

Tüsho Pharaonü tha, “Shido.” Mosanü tha, “Nünü athakhi ruk thsang, junangde Atungpuh isa Thrünpuh nangde she müla de nünü amükheahbah.

ABEKHIT 8:6

Jumonü Aronnü Ijip kebo kurungkheak akhah shuhkih; tüsho kheangbo atubah Ijip lomi lüpchimabah.

ABEKHIT 9:15

Kheakü I khah chungkihbah nü tüsho nü mihtsürü kheak arümnü shikkhülaa, nüsa lomi ching dükheaka labah.

ISAIA 45:5

I Atungpuh tüsho püpü müla; I hobah thrünpuh müla. Nünü I mümükheahkheah she inü nü düjitlobah,

ISAIA 46:9

Adüso dünjikhibo lümkhitang; tümüde I Thrünpuh ah, tüsho püpürü müla; I Thrünpuh ah, tüsho I nangde she müla,

JEREMIA 10:6

Nü nangde she müla, O Atungpuh ; nü ato ah, tüsho wu-sühmüh ching nü mung tolah.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JEREMIA 19:8

Tüsho inü ha kiuto atrebe, ish thsübe khülang kamshihbah; ha chingnü ahorü abannü ha thsümütsü dünkheaknü atrebah tüsho ish thsübah.

DANIEL 5:21

Api ju mihtsürü boto chingnü yanabah, tüsho api lümkhi ju shiwüh nangde kamshih. Api lapung mütüm donki lung lashih, moshipung nangde rim tsühshih, tüsho Khide Achang Thrünpuhnü mihtsürü kiulongthsü kurungkheak yakzan shuhchoh, tüsho apinü alümkhi kheak zojihchoh de apinü manikhityi khiungde api pang ayinkenü pangshih.

LEVI 26:18

Harübo dünjishu she nüsanü I yu manisho, kheaküshe nüsa neak dünkheak inü thüne ki thsümüchibah.

LEVI 26:21

Kheaküshe nüsanü I azhihsho tüsho I yu manisho, nüsa neak dünkheak thüne ki mutuklode athsümüchibah.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

MIKA 6:13

Jumonü inü nü neakbo dünkheaknü nü shikpü tankihkheah.

YUZÜNGTHALO 3:24

O Atungpuh Thrünpuh, nünü nü yamlarü ki nü tokhi tüsho wu-sühmüh khah huhpü tankih, tümüde thüning yungsho alo ching lakhi tümü thrünpuhnü amüyinsahbe nü rhimo nangde arhimokhukpü?

YUZÜNGTHALO 4:35

Atungpuh ju Thrünpuh ah de ahuhpü thsüde ha nüsa ki rhimodo; api hode sheshe müla.

AMIKHEAKAKHIUKKHI 18:8

Jumonü anihbe arümbo, tukthsübo, tüzhopü tüsho khümzung nimungkhühnü arübah, tüsho anihbe monü aniuabahbah; tümüde anihbe mahkhapbuh ju Atungpuh Thrünpuh wuto ah.”

AMIKHEAKAKHIUKKHI 22:18

Ha hüm ching müchitkhi yubo sorü aban ki inü atünadoyu thachoh: Khürünü ju ching yukajaksho, ha hüm ching thakhi arümbo api kheak Thrünpuhnü yukajakjihbah,

1 SAMUEL 4:8

Isa are! Harü wuto thrünpuhbo khah chingnü shenü isa bekhitkhukba? Harü thrünpuhbonü sunglo ching Ijiprü arüm aphuaphunü asheshihkheah.