ABEKHIT 8:9 - AMÜSÜH HÜM CL Bible (BSI)

⁹ Mosanü Pharao ki tha, “Nü tüsho nü yamlarübo le nü mihtsürübo thsungkheak tamkhüntamnüpü I ki asühde thiyukhüm jihang, junangde kheangbo ju nü kheak le nü yambo chingnü adükheakbah tüsho Nile ching lang aninga labah.”

ABEKHIT 8:9 Iomraidhean Croise

1 KIULONG THSÜRÜ 18:25

Judüki Elijanü Baal wukihrübo ki tha, “Nüsa thsungkheak moshipung khülang mokhitang tüsho ju akhuhde thsakhamang, tümüde nüsa hihlah; jushu nüsa thrünpuh mung jiang, tüshe ju kheak mo tümü düyuk.”

ABEKHIT 7:25

Tüshe Atungpuhnü Nile rhapbah nimung thüne bankhit.

ABEKHIT 8:10

Tüsho Pharaonü tha, “Shido.” Mosanü tha, “Nünü athakhi ruk thsang, junangde Atungpuh isa Thrünpuh nangde she müla de nünü amükheahbah.

ABEKHIT 8:11

Kheangbonü nü le nü yambo tüsho nü yamlarübo le nü mihtsürübo kheaknü chamachihbah; arübo Nile ching lang aninga alabah.”

ABEKHIT 8:8

Judüki Pharaonü Mosa le Aron jibah tha, “I tüsho I mihtsürübo kheaknü kheangbo lude atsopü Atungpuh ki tamkhüntamnüang; tüsho inü mihtsürübo Atungpuh ki laksah-a kingaünpü yüshihbah.”

ISAIA 10:15

Awünü alangzü achebuh kumung yükihba de, yungsho sangrhütbenü arhütbuh azhihde kükheangba de? Shitso khülangnü mihtsürü khülang mushuhkih; mihtsürü khülangnü shitso shuhkihchoh!

WÜHKHE 14:20

Tüsho Atungpuhnü tha, “Nü yu yande, inü neak bahjihdo;

MAHKHAPRÜ 7:2

Atungpuhnü Gideon ki tha, “I thsungkheaknü Midiarü arü khah ching jihpü thsüde nü mihtsürü khide hihlah. Junangde anihbe sühmühnü api khümkhitkheah de Israelnü I azhihde mükükheang,