ABEKHIT 8:8 - AMÜSÜH HÜM CL Bible (BSI)

⁸ Judüki Pharaonü Mosa le Aron jibah tha, “I tüsho I mihtsürübo kheaknü kheangbo lude atsopü Atungpuh ki tamkhüntamnüang; tüsho inü mihtsürübo Atungpuh ki laksah-a kingaünpü yüshihbah.”

ABEKHIT 8:8 Iomraidhean Croise

1 KIULONG THSÜRÜ 13:6

Kiulongthsüpuhnü Thrünpuh mihtsürü ki tha, “ Kheakü Atungpuh nü Thrünpuh ki mihmuzho mushuang, tüsho I thsungkheak tamkhüntamnüjang, junangde I khah I kilim alodarübah.” Jumonü Thrünpuh mihtsürünü Atungpuh ki mushu; tüsho kiulongthsüpuh khah api kilim alode arü, tüsho atan nangde kamlo.

MUNGSHIKHÜN 66:3

Thrünpuh ki thaang, “Nü rhimobo küdükhüh atrebe la! Nü wu tokhi hode nü riribonü nü ki mükhümbah.

ABEKHIT 10:16

Judüki Pharaonü niokheamde Mosa tüsho Aron jibah tha, “Inü Atungpuh nüsa Thrünpuh tüsho nüsa azhihde neak yihbeakdo.

ABEKHIT 10:17

Jumonü kheakü, muzhobah khülang ki I neak bahjang, tüsho Atungpuh nüsa Thrünpuh ki tamkhüntamnüang, junangde apinü ha ashebe I kheaknü lude atsobah.”

ABEKHIT 10:18

Jumonü apinü Pharao kinü wukhiuk tüsho Atungpuh ki tamkhüntamnü.

ABEKHIT 14:5

Küyimki mihtsürübo tsokhi kiulongthsüpuh ki thakhea, Pharao tüsho api yamlarübo lümkhi mihtsürübo kilim müthri tüsho tha, “Israel isa tankihkhi chingnü atsoshihkhi ha isanü tümü rhimokhea?”

ABEKHIT 32:11

Judüki Mosanü Atungpuh api Thrünpuh ki mushude tha, “ATUNGPUH , tümü thsükhi nünü nü wu ato tüsho wuto khahnü Ijip lomi chingnü bekhitkhi nü mihtsürü kheak bukakhiukcho?

ABEKHIT 5:2

Pharaonü tha, “Inü api düsheak anide Israelrü yüshihpü thsüde Atungpuh ju she a? Inü Atungpuh mümükheah tüsho inü Israelrübo müyüshih.”

ABEKHIT 8:15

Tüshe küyimki Pharaonü keamramkhi ngükhea, apinü amulong müküplo tüsho Atungpuhnü athakhi nangde, apinü ane ki mani.

ABEKHIT 8:29

Judüki Mosanü tha, “Kheahang, I nü kinü wukhiukchoh, tüsho inü Atungpuh ki tamkhüntamnübah, junangde Pharao, ayamlarübo, tüsho api mihtsürübo kheaknü shido somünak boto tsoabahbah. Tüshe kheaküa Pharaonü akeangyu thade mihtsürübo Atungpuh kilim laksah-a kingaünpü müyüshihde düthsü.”

ABEKHIT 8:32

Tüshe ha kim ching she Pharaonü amulong müküplode kam tüsho mihtsürübo müyüshih.

ABEKHIT 8:9

Mosanü Pharao ki tha, “Nü tüsho nü yamlarübo le nü mihtsürübo thsungkheak tamkhüntamnüpü I ki asühde thiyukhüm jihang, junangde kheangbo ju nü kheak le nü yambo chingnü adükheakbah tüsho Nile ching lang aninga labah.”

ABEKHIT 9:27

Tüsho Pharaonü Mosa le Aron jibah tha, “Ha kim ching inü neak yihbeakdo. Atungpuh ju thiyurolungki tüsho I mihtsürübo le I mihbukmuyuk ah.

ABEKHIT 9:28

Atungpuh ki tamkhüntamnüang, junangde kheaküa tsüngmuk ato tüsho arulung mülade alabah, tümüde ha suhdo. Inü nüsa atsoshihbah, tüsho nüsa kheaküa mülalo.”

ABEKHIT 9:33

Jumonü Mosanü Pharao kinü kiuto ching wukhiuk tüsho Atungpuh kilim akhahbo chungkih; jushu tsüngmuk tüsho arulung keamlo, tüsho alo kheak tsüng makide kam.

WÜHKHE 21:7

Jumonü mihtsürübonü Mosa kilim arübah tha, “ Isanü Atungpuh tüsho nü azhihde athakhi hode neak yihbeakdo; isa kheaknü phuruto tsoabahshihpü Atungpuh ki tamkhüntamnüjang.” Jumonü Mosa nü mihtsürübo thsungkheak tamkhüntamnü.

YUNIRÜBO RHIMO 8:24

Tüsho Simonnü alo, “Nünü athakhi tümü she I kheak marüpü I thsungkheak Atungpuh ki tamkhüntamnüjang.”

1 SAMUEL 12:19

Mihtsürü alalanü Samuel ki tha, “Nü yamlarübo thsungkheaknü Atungpuh nü Thrünpuh ki tamkhüntamnüjang, junangde isa müshe; tümüde isa thsungkheaknü kiulongthsürü khülang kheangkhi hode isa neakbo kheak yukajakde alü yihbeaklodo.”