ABEKHIT 8:32 - AMÜSÜH HÜM CL Bible (BSI)

³² Tüshe ha kim ching she Pharaonü amulong müküplode kam tüsho mihtsürübo müyüshih.

ABEKHIT 8:32 Iomraidhean Croise

ABEKHIT 4:21

Atungpuhnü Mosa ki tha, “Küyimki nü Ijip lomi lim alode ayübanü inü nü kilim sühmüh jihkhi nangde Ijip kiulongthsüpuh miki khinthiyinbe rhimo alala rhimoang. Tüshe inü api mulong müküpde kamshihbah tüsho mihtsürübo ju müyüshih.

ABEKHIT 8:15

Tüshe küyimki Pharaonü keamramkhi ngükhea, apinü amulong müküplo tüsho Atungpuhnü athakhi nangde, apinü ane ki mani.

ABEKHIT 8:31

Tüsho Atungpuhnü Mosa yu yande rhimo; apinü somünak boto Pharao, ayamlarübo, tüsho api mihtsürübo kheaknü tsoshih. Khülang she maning.

ABEKHIT 8:8

Judüki Pharaonü Mosa le Aron jibah tha, “I tüsho I mihtsürübo kheaknü kheangbo lude atsopü Atungpuh ki tamkhüntamnüang; tüsho inü mihtsürübo Atungpuh ki laksah-a kingaünpü yüshihbah.”

ABEKHIT 9:7

Pharaonü yimakheahpü thiyia yüshih, tüsho Israelrü akam-shiwüh khülang she müshede alakheah. Tüshe Pharao mulong müküpde kam, tüsho apinü mihtsürübo müyüshih.

ISAIA 63:17

Tümüde, O Atungpuh , nünü isa nü limro chingnü tsoshihcho tüsho isanü nü mütrepü thsüde isa mulong müküpshihcho? Nü yamlarübo mung chingnü, nü yamrüplurüp trükbo mung chingnü rholoang.

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

1 SAMUEL 6:6

Tümüde nüsanü Ijiprü tüsho Pharaonü mulong müküpkhi nangde nüsa mulong müküpcho? Apinü arü kheak thsümüchishu lang arünü mihtsürü chamkhibah mutsoshihkhea de?