ABEKHIT 8:28 - AMÜSÜH HÜM CL Bible (BSI)

²⁸ Tüsho Pharaonü tha, “Inü nüsa yüshihanü, junangde nüsanü sunglo ching Atungpuh nüsa Thrünpuh kilim laksah-a kingaünbah; nüsanü limshudü lang düyü. I thsungkheak tamkhüntamnüjang.”

ABEKHIT 8:28 Iomraidhean Croise

1 KIULONG THSÜRÜ 13:6

Kiulongthsüpuhnü Thrünpuh mihtsürü ki tha, “ Kheakü Atungpuh nü Thrünpuh ki mihmuzho mushuang, tüsho I thsungkheak tamkhüntamnüjang, junangde I khah I kilim alodarübah.” Jumonü Thrünpuh mihtsürünü Atungpuh ki mushu; tüsho kiulongthsüpuh khah api kilim alode arü, tüsho atan nangde kamlo.

EZRA 6:10

Jude athsükhinü arünü yinmi Thrünpuh kilim arhümthüneade kingaünshihbah, tüsho Api müngühmühi I tüsho I tsührübo kheak lashihpü tamkhüntamnüshihbah.

ABEKHIT 10:17

Jumonü kheakü, muzhobah khülang ki I neak bahjang, tüsho Atungpuh nüsa Thrünpuh ki tamkhüntamnüang, junangde apinü ha ashebe I kheaknü lude atsobah.”

ABEKHIT 3:19

Wuto khahnü api ki münimkihsho, Ijip kiulongthsüpuhnü nüsa müyüshih de inü mükheahlah.

ABEKHIT 7:13

Tütüshe Atungpuhnü athakhi nangde Pharao mulong müküpde kam tüsho apinü ane ki mani.

ABEKHIT 8:15

Tüshe küyimki Pharaonü keamramkhi ngükhea, apinü amulong müküplo tüsho Atungpuhnü athakhi nangde, apinü ane ki mani.

ABEKHIT 8:29

Judüki Mosanü tha, “Kheahang, I nü kinü wukhiukchoh, tüsho inü Atungpuh ki tamkhüntamnübah, junangde Pharao, ayamlarübo, tüsho api mihtsürübo kheaknü shido somünak boto tsoabahbah. Tüshe kheaküa Pharaonü akeangyu thade mihtsürübo Atungpuh kilim laksah-a kingaünpü müyüshihde düthsü.”

ABEKHIT 8:8

Judüki Pharaonü Mosa le Aron jibah tha, “I tüsho I mihtsürübo kheaknü kheangbo lude atsopü Atungpuh ki tamkhüntamnüang; tüsho inü mihtsürübo Atungpuh ki laksah-a kingaünpü yüshihbah.”

ABEKHIT 9:28

Atungpuh ki tamkhüntamnüang, junangde kheaküa tsüngmuk ato tüsho arulung mülade alabah, tümüde ha suhdo. Inü nüsa atsoshihbah, tüsho nüsa kheaküa mülalo.”

T H S AN GYU T H S AN GR ARÜ 6:10

Tümüpürü dünjichonü adüsonü lümakheahdo, tüsho mihtsürü ju tümüanü mükheahlah tüsho mihtsürü khülangnü api kheaknü sühmüh labuh kheak matsangachihkhuk.

JEREMIA 42:2

wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

HOSEA 10:2

Arü mulong amülim lah; kheakü arünü mülimkhi hanbeah. Atungpuhnü arü kingaün sadambo lukkheambah, tüsho arü dungjingbo thsümünimbah.

YUNIRÜBO RHIMO 8:24

Tüsho Simonnü alo, “Nünü athakhi tümü she I kheak marüpü I thsungkheak Atungpuh ki tamkhüntamnüjang.”