ABEKHIT 8:22 - AMÜSÜH HÜM CL Bible (BSI)

²² Tüsho ju nimung ching inü I mihtsürü lapung Goshen lomi somünak boto mülapü thsüde aningshihbah, junangde ha lo ching I Atungpuh de nüsanü amükheahbah.

ABEKHIT 8:22 Iomraidhean Croise

THRÜNTAN 46:34

Nüsanü alobah, ‘Isa le isa abuh chido isa athunuchokinü isa rhimo ju shiwüh kümde arükheah,’ junangde nüsa Goshen lomi ching labah; tümüde namfimihnu neakrübo ju Ijiprü ki athraneanbe lah.”

MUNGSHIKHÜN 110:2

Atungpuhnü Zion chingnü nü sühmüh tso yüshihbah. Nü riribo phulung yakzan shuhang!

MUNGSHIKHÜN 74:12

Tümütüsho adüsonü Thrünpuh ju I kiulongthsüpuh, alomi bolung ching akhümkhit rhimochoh.

ABEKHIT 10:23

Arü khülangnü khülang müngüachih; yungsho sheshe nihbuh dangpung chingnü nimung mahsam matrüt. Tüshe Israelrü alala arü lapungbo ching ayin lakheah.

ABEKHIT 12:13

Kheakü nüsa lakhi yambo kheak thiyih ju nüsa thsungkheak amütsan khülang thsübah. Küyimki inü thiyih ngübanü inü nüsa phunghode ayübah; tüsho inü Ijip shikchoki nüsa dükheakpü arüm ju nüsa kheak mülade alabah.

ABEKHIT 19:5

Jumonü kheakü nüsanü atsütsü I yu anisho tüsho I tangzüng zosho, mihtsürü alala kurungkheak nüsa I lakhit atsübe thsübah; tümüde alomi alala I yo ah.

ABEKHIT 20:11

Tümütüsho Atungpuhnü nimung thuruk chingnü thüningbo tüsho alomi, keto tüsho ju ching lakhi alala thrün, tüsho thüne nipü sühakhim. Jumonü Atungpuhnü amunimung müngühjih tüsho müsühkhit.

ABEKHIT 7:17

Atungpuhnü ha thachoh, “Ha hode I Atungpuh ah de nünü amükheahbah: Kheahang, I khah ching shuhkhi tsonü inü Nile ke rhapbah, tüsho ju thiyih kambah,

ABEKHIT 7:5

Tüsho Ijip kheak I khah chungkihbah Israelrü arü bolungnü abekhitchoki Ijiprünü I Atungpuh de amükheahbah.”

ABEKHIT 8:10

Tüsho Pharaonü tha, “Shido.” Mosanü tha, “Nünü athakhi ruk thsang, junangde Atungpuh isa Thrünpuh nangde she müla de nünü amükheahbah.

ABEKHIT 8:21

Nünü I mihtsürü müyüshihsho, inü nü le nü yamlarübo, nü mihtsürübo kheak tüsho nü yambo ching somünak boto arüshihbah. Ijiprü yambo tüsho arü zhipkhi alo alala somünakbonü amibah.

ABEKHIT 8:23

Inü I mihtsürü le nü mihtsürü dükeak büthsübah. Ha amütsan shido labah.”’”

ABEKHIT 9:26

Israelrü lapung Goshen lo ching lang arulung mülakheah.

ABEKHIT 9:29

Tüsho Mosanü api ki tha, “I kiuto chingnü awukhiuk müleangnü, inü Atungpuh kilim I khahbo chungkihbah; tsüngmuk kheambah tüsho arulung mülade akambah, junangde alomi ju ATUNGPUH yo ah de nünü amükheahbah.

ABEKHIT 9:4

Tüsho Atungpuhnü Israel akam-shiwüh tüsho Ijip akam-shiwüh dükeak büthsübah. Junangde Israelrü yo tümü she müshede alabah.”’”

ABEKHIT 9:6

Junangde ashidopü Atungpuhnü ha rhimo, tüsho Ijip akam-shiwüh alala sheabah; tüshe Israelrü akam-shiwüh khülang she müshe.

EZEKIEL 30:19

Hanangde inü Ijip kheak mahkhapbah. Judüki I Atungpuh de arünü mükheahbah.

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.