ABEKHIT 8:19 - AMÜSÜH HÜM CL Bible (BSI)

¹⁹ Judüki wurük-huhrübonü Pharao ki tha, “Ha Thrünpuhnü rhimoa lah.” Tüshe Atungpuhnü athakhi nangde Pharao mulong müküplode kam tüsho ane ki mani.

ABEKHIT 8:19 Iomraidhean Croise

THRÜNTAN 41:24

Tüsho adüsükkhi aye thünenü aye atsü thüne ju muyuabah. Jumonü inü ha wurük-huhrübo ki tha, tüshe I ki thanakkhukpü she mülade alakheah.”

MUNGSHIKHÜN 8:3

Küyimki inü nünü athsükhi thüning kheahba, nünü arü dangpung lashihkhi khinu tüsho chiningbo–

ABEKHIT 10:23

Arü khülangnü khülang müngüachih; yungsho sheshe nihbuh dangpung chingnü nimung mahsam matrüt. Tüshe Israelrü alala arü lapungbo ching ayin lakheah.

ABEKHIT 10:7

Judüki Pharao yamlarübonü api ki tha, “Külokhüh ha mihtsürü isa ki qimürip laba? Mihtsürübo tsoshang, junangde arünü Atungpuh arü Thrünpuh tankihbah. Ijip thsümünima lah de nünü mümükheah de?”

ABEKHIT 11:7

Tüshe Israel mihtsürü yungsho shiwüh azhihde khihnunü she müchi, junangde Ijiprü tüsho Israel dükeak Atungpuhnü büthsülah de nüsanü amükheahbah.

ABEKHIT 7:13

Tütüshe Atungpuhnü athakhi nangde Pharao mulong müküpde kam tüsho apinü ane ki mani.

ABEKHIT 7:4

Pharaonü nü ki manide alabah; judüki inü Ijip kheak I khah jipkihbah tüsho I yo bonungrü I mihtsürü Israelrü mahkhapkhi atonü Ijip lomi chingnü abekhitbah.

ABEKHIT 7:5

Tüsho Ijip kheak I khah chungkihbah Israelrü arü bolungnü abekhitchoki Ijiprünü I Atungpuh de amükheahbah.”

ABEKHIT 9:26

Israelrü lapung Goshen lo ching lang arulung mülakheah.

ABEKHIT 9:4

Tüsho Atungpuhnü Israel akam-shiwüh tüsho Ijip akam-shiwüh dükeak büthsübah. Junangde Israelrü yo tümü she müshede alabah.”’”

DANIEL 2:19

Judüki amüthakhukkhi aramyu ju azhing michih ching Daniel ki akhiuka huh tüsho Danielnü yinmi Thrünpuh shijih.

MATHI 12:28

Tüshe Thrünpuh me hode inü amünean me yankhita lasho, Thrünpuh kiulongthsü nüsa kheak arüdo.

LUKNÜ ATHRÜTKHI THIYUSHEAK-ATSÜ HUHTANYU 11:20

Tüshe inü Thrünpuh yingkhing hode amünean mebo yankhita lasho, tsükjide Thrünpuh kiulongthsü nüsa kheak arüdo.

JOHAN 11:47

Judüki amükeam putungrü tüsho Pharisirünü kiuthsü-binkiu bemukhungbah tha, “Isanü küde athsüba? Tümütüsho ha mihtsürünü khinthiyinbe hihde rhimochoh.

YUNIRÜBO RHIMO 4:16

“Isanü harü mihtsürübo ki tümü rhimoba? Atsütsü anenü münchi hode khinthiyinbe rhimokhi Jirusalem ching larü alalanü mütsanlah, tüsho isanü ju mükhenokhuk.

1 SAMUEL 6:3

Arünü tha, “Nüsanü Israel Thrünpuh sangdan dükhea tsoshihpü thsüsho, akeangkeang düyüshih, tüshe küdüküdü she amülimkhi kingaün jihloa yüshang. Jushu nüsa thsüngubah tüsho tümü thsükhi api khah nüsa kheaknü muluakhinkheanü nüsanü amükheahbah.”

1 SAMUEL 6:9

Tüsho kheahang; mürangkhüh nihbuh lomi limro lim, Beth-shemesh lim wutusho, isa kheak tode athsümüchikhi ju api ah; tüshe jude yungsho isa kheak shikkhi ju api khah yung de isanü amükheahbah; isa kheak ha limmekhühnü dünjia lah.”