ABEKHIT 8:15 - AMÜSÜH HÜM CL Bible (BSI)

¹⁵ Tüshe küyimki Pharaonü keamramkhi ngükhea, apinü amulong müküplo tüsho Atungpuhnü athakhi nangde, apinü ane ki mani.

ABEKHIT 8:15 Iomraidhean Croise

ABEKHIT 14:5

Küyimki mihtsürübo tsokhi kiulongthsüpuh ki thakhea, Pharao tüsho api yamlarübo lümkhi mihtsürübo kilim müthri tüsho tha, “Israel isa tankihkhi chingnü atsoshihkhi ha isanü tümü rhimokhea?”

ABEKHIT 4:21

Atungpuhnü Mosa ki tha, “Küyimki nü Ijip lomi lim alode ayübanü inü nü kilim sühmüh jihkhi nangde Ijip kiulongthsüpuh miki khinthiyinbe rhimo alala rhimoang. Tüshe inü api mulong müküpde kamshihbah tüsho mihtsürübo ju müyüshih.

ABEKHIT 7:4

Pharaonü nü ki manide alabah; judüki inü Ijip kheak I khah jipkihbah tüsho I yo bonungrü I mihtsürü Israelrü mahkhapkhi atonü Ijip lomi chingnü abekhitbah.

ABEKHIT 8:14

Arünü jurübo wumujung tüsho alo ju shuhrhüm münim.

ABEKHIT 8:16

Judüki Atungpuhnü Mosa ki tha, “Aron ki thaang, ‘Nü tso shuhkihang, tüsho alo rhapang, junangde Ijip lomi alala ching asungthulung ju kurheakbo kambah.’”

ABEKHIT 8:28

Tüsho Pharaonü tha, “Inü nüsa yüshihanü, junangde nüsanü sunglo ching Atungpuh nüsa Thrünpuh kilim laksah-a kingaünbah; nüsanü limshudü lang düyü. I thsungkheak tamkhüntamnüjang.”

ABEKHIT 8:29

Judüki Mosanü tha, “Kheahang, I nü kinü wukhiukchoh, tüsho inü Atungpuh ki tamkhüntamnübah, junangde Pharao, ayamlarübo, tüsho api mihtsürübo kheaknü shido somünak boto tsoabahbah. Tüshe kheaküa Pharaonü akeangyu thade mihtsürübo Atungpuh kilim laksah-a kingaünpü müyüshihde düthsü.”

ABEKHIT 8:32

Tüshe ha kim ching she Pharaonü amulong müküplode kam tüsho mihtsürübo müyüshih.

ABEKHIT 8:8

Judüki Pharaonü Mosa le Aron jibah tha, “I tüsho I mihtsürübo kheaknü kheangbo lude atsopü Atungpuh ki tamkhüntamnüang; tüsho inü mihtsürübo Atungpuh ki laksah-a kingaünpü yüshihbah.”

MÜCHITMUDU 26:11

Khihnunü nihbuhnü amülümkhi lim rholokhi nangde makharünü nihbuh makhakhi rhimolochoh.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

T H S AN GYU T H S AN GR ARÜ 8:11

Tümütüsho amütsü-rhimo azhihde nahde müthsümüchimonü, mihtsürü mulong ju amütsü rhimopünü milah.

ISAIA 26:10

Mihbukmuyuk ki amuzho huhsho, arünü thiyuro-lungki mümükheah; alungki lakhi lomi ching arünü bephülapchoh tüsho Atungpuh wüntre-müretah mükheah.

HOSEA 6:4

Inü nü ki tümü thsüba, O Ephraim? Inü nü ki tümü thsüba, O Juda? Nü muzho a yapsu shumuliu nangde, yapsu ayinke nahde dükheakabahkhi nangde lah.

IBRI 3:15

Amüsühyunü ha thachoh, “Khihni, nüsanü api düsheak sochoki azhihkhi ching nangde nüsa mulong dümüküp.”

IBRI 3:8

sunglo ching rükakheahkhi nimung, azhihkhi ching nangde nüsa mulong dümüküp,

AMIKHEAKAKHIUKKHI 16:9

mihtsürübo ju khide alamlamnü tak, tüsho arünü harü arümbo kurungkheak wu labuh Thrünpuh mung athru, arünü mulong mümüthri tüsho api kilim müremütah.

1 SAMUEL 6:12

Moshibonü limto khülang yande langakindo Bethshemesh lim yü, arü yü yande koyude, arünü tsülim yungsho huzulim she manguh, tüsho Filistia kiulongthsürübonü arü dunglim Beth-shemesh aredungyean khiungde yü.

1 SAMUEL 6:3

Arünü tha, “Nüsanü Israel Thrünpuh sangdan dükhea tsoshihpü thsüsho, akeangkeang düyüshih, tüshe küdüküdü she amülimkhi kingaün jihloa yüshang. Jushu nüsa thsüngubah tüsho tümü thsükhi api khah nüsa kheaknü muluakhinkheanü nüsanü amükheahbah.”

1 SAMUEL 6:6

Tümüde nüsanü Ijiprü tüsho Pharaonü mulong müküpkhi nangde nüsa mulong müküpcho? Apinü arü kheak thsümüchishu lang arünü mihtsürü chamkhibah mutsoshihkhea de?

1 SAMUEL 6:9

Tüsho kheahang; mürangkhüh nihbuh lomi limro lim, Beth-shemesh lim wutusho, isa kheak tode athsümüchikhi ju api ah; tüshe jude yungsho isa kheak shikkhi ju api khah yung de isanü amükheahbah; isa kheak ha limmekhühnü dünjia lah.”