ABEKHIT 8:1 - AMÜSÜH HÜM CL Bible (BSI)

¹ Tüsho Atungpuhnü Mosa ki tha, “Pharao ki yübah thaang, ‘Atungpuhnü ha thachoh: I mihtsürü yüshang, junangde arünü I tankihbah.

ABEKHIT 8:1 Iomraidhean Croise

MUNGSHIKHÜN 105:30

Arü lomi kheangbonü, arü kiulongthsübo khiungshakbo ching she mithülamde kam.

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

ABEKHIT 3:18

Nünü athakhi I mihtsürübonü anibah, judüki nü tüsho azothsürübo alala Ijip kiulongthsüpuh ki yübah thaang, ‘Atungpuh Ibrirü Thrünpuh isa ki akhiuka huhdo. Jumonü isanü Atungpuh isa Thrünpuh ki kingaünpü sunglo ching nimung mahsam hantsah yüshang de mushuchoh.’

ABEKHIT 4:23

Jumonü inü nü ki tha, I tsührünü I tankihshihpü yüshang, tüshe nünü api müyüshih, jumonü inü nü tsührü adüjibuh laksahbah.”

ABEKHIT 5:1

Ju dunglim Mosa tüsho Aron Ijip kiulongthsüpuh kilim yübah tha, “Israel Thrünpuh, Atungpuhnü hade thachoh, ‘I mihtsürübo yüshang, junangde arünü sunglo ching I thsungkheaknü thünio thsübah.’”

ABEKHIT 5:3

Judüki anenü alo, “Ibrirü Thrünpuh isa miki akhiukdo; Atungpuh isa Thrünpuh ki kingaünpü thsüde sunglo ching nimung mahsam limtsah yüpü isa ki mülüjang, jude yungsho apinü isa tukthsü yungsho nukshangnü alaksahbah.”

ABEKHIT 7:16

Tüsho nünü api ki thabah, Atungpuh Ibrirü Thrünpuhnü I nü kilim thiyia arüshih, I mihtsürü yüshang, junangde arünü sunglo ching I tankihbah; tüshe kheakü khiungde nünü mani.”

ABEKHIT 7:25

Tüshe Atungpuhnü Nile rhapbah nimung thüne bankhit.

ABEKHIT 8:2

Tüshe nünü arü müyüshihsho, kheahang, inü nü lomi alala kheangbonü athsümüchibah.

ABEKHIT 8:20

Atungpuhnü Mosa ki tha, “Yapsu mükikde asürang tüsho api ke lim yüchoki Pharao miki zhipang, tüsho api ki thaang, ‘Atungpuhnü ha thachoh, “I mihtsürü yüshang, junangde arünü I tankihbah.

ABEKHIT 9:1

Judüki Atungpuhnü Mosa ki tha, “Pharao ki yüang tüsho thaang, ‘Atungpuh Ibrirü Thrünpuhnü ha thachoh: “I mihtsürübo yüshang, junangde arünü I tankihbah.

JIHUSUA 8:18

Atungpuhnü Jihusua ki tha, “Nü khah ching lakhi thsüh Ai limpeang chungang; tümüde inü ju nü khah ching jihchoh.” Apinü athakhi nangde Jihusuanü rhimo,