ABEKHIT 7:5 - AMÜSÜH HÜM CL Bible (BSI)

⁵ Tüsho Ijip kheak I khah chungkihbah Israelrü arü bolungnü abekhitchoki Ijiprünü I Atungpuh de amükheahbah.”

ABEKHIT 7:5 Iomraidhean Croise

MUNGSHIKHÜN 138:7

I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

ABEKHIT 10:2

tüsho nü tsührü le nü tsührütsührünü sode inü Ijip ching arü bolung amütsanbo ato rhimokhi thaang, junangde I Atungpuh de nüsanü amükheahbah.”

ABEKHIT 10:7

Judüki Pharao yamlarübonü api ki tha, “Külokhüh ha mihtsürü isa ki qimürip laba? Mihtsürübo tsoshang, junangde arünü Atungpuh arü Thrünpuh tankihbah. Ijip thsümünima lah de nünü mümükheah de?”

ABEKHIT 14:18

Küyimki inü Pharao, api khora-lolungbebo, tüsho api khoraberü kurungkheak müretah ngübanü Ijiprünü I Atungpuh de amükheahbah.”

ABEKHIT 14:4

Judüki inü Pharao mulong müküpshihbah apinü nüsa müshambah; Pharao tüsho api bonungrü hode I müretahbah, junangde Ijiprünü I Atungpuh de amükheahbah.” Tüsho Israelrünü jude rhimo.

ABEKHIT 18:8

Tüsho Mosanü Pharao tüsho Ijiprü kheak Israel thsungkheak Atungpuhnü arhimokhi alala, limro ching küpkhuk arübo kheak arükhi alala, tüsho Atungpuhnü arü bekhitkhi akü ki thaa huh.

ABEKHIT 3:20

Tüshe inü I khah chungde Ijip kheak lakbah, junangde khinthiyinbebo rhimobah. Jushu apinü nüsa yüshihbah.

ABEKHIT 6:1

Atungpuhnü Mosa ki tha, “Kheakü inü Pharao kheak tümü rhimobanü nünü angübah. I mihtsürübo tsoshihpü inü api kheak ningkihbah. Atsütsü, api lomi chingnü apinü arübo yankhita bahshihpü inü api kheak ningkihbah.”

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ABEKHIT 7:17

Atungpuhnü ha thachoh, “Ha hode I Atungpuh ah de nünü amükheahbah: Kheahang, I khah ching shuhkhi tsonü inü Nile ke rhapbah, tüsho ju thiyih kambah,

ABEKHIT 8:10

Tüsho Pharaonü tha, “Shido.” Mosanü tha, “Nünü athakhi ruk thsang, junangde Atungpuh isa Thrünpuh nangde she müla de nünü amükheahbah.

ABEKHIT 8:19

Judüki wurük-huhrübonü Pharao ki tha, “Ha Thrünpuhnü rhimoa lah.” Tüshe Atungpuhnü athakhi nangde Pharao mulong müküplode kam tüsho ane ki mani.

ABEKHIT 8:22

Tüsho ju nimung ching inü I mihtsürü lapung Goshen lomi somünak boto mülapü thsüde aningshihbah, junangde ha lo ching I Atungpuh de nüsanü amükheahbah.

EZEKIEL 25:17

Inü mulong zhipzhip thsümüchinü arü kheak tode royimbah. Judüki inü arü kheak I royimkhi lachoki I Atungpuh de arünü mükheahbah.

EZEKIEL 28:22

tüsho thaang, Atungpuh Thrünpuhnü ha thachoh: Inü nü azhihde lah, O Sidon, tüsho nü phulung ching inü müretahbah. Küyimki inü ju ching mahkhapba, tüsho ju ching I amüsüh akhiukba, arünü I Atungpuh de mükheahbah;

EZEKIEL 32:15

Küyimki inü Ijip zhikrangkhündo kamshihba tüsho lomi chingnü lüpdükhi phüta bahba, küyimki inü ju ching larü alala kingmülünba, judüki arünü I Atungpuh de mükheahbah.

EZEKIEL 36:23

Trükshih bolung nünü müneankhi I mung ato inü müsühkhitbah, tüsho nü hode arü mük ki inü I amüsüh huhchoki trükshihbonü I Atungpuh de mükheahbah, Atungpuh Thrünpuhnü thachoh.

EZEKIEL 39:22

Ju nimungnü ründe I Atungpuh arü Thrünpuh de Israel yamkhünnü mükheahbah.

EZEKIEL 39:7

Inü I mihtsürü Israel bolung I mung amüsüh mükheahshihbah; tüsho inü kheaküa I mung amüsüh mümüneanshih; tüsho trükshihbonü I Atungpuh Israel ching Amüsüh Khülang de mükheahbah.