ABEKHIT 7:3 - AMÜSÜH HÜM CL Bible (BSI)

³ Tüshe inü Pharao mulong müküpde akamshihbah, tüsho inü Ijip lo ching amütsanbo tüsho khinthiyinbebo alü kamshihshih she,

ABEKHIT 7:3 Iomraidhean Croise

NEHEMIA 9:10

Pharao kiulongthsüpuh, atorü tüsho ju lo mihtsürü azhihde mükheahmihbe tüsho khinthiyinbe yüshih, tümüde arünü nü mihtsürü küde junokheanü nünü mükheah. Nünü nü mungthukhi khihni khiungde lah.

MUNGSHIKHÜN 135:9

Apinü nüsa bolung amütsanbo tüsho amüyinsahbebo, Pharao tüsho api yamlarübo alala kheak arüshih, O Ijip.

MUNGSHIKHÜN 78:12

Apinü Ijip lomi Zoan mükeak ching arü jipürü miki amüyinsahbebo rhimo.

ABEKHIT 11:10

Jumonü Mosa le Aron bünenü harü khinthiyinbebo alala Pharao miki rhimo; tüshe Atungpuhnü Pharao mulong müküpde kamshih, tüsho Israelrü api lomi chingnü mütsoshih.

ABEKHIT 11:9

Tüshe Atungpuhnü Mosa ki tha, “Pharaonü nü ki mani, junangde I yo khinthiyinbebo Ijip lomi ching alü kamshihbah.”

ABEKHIT 14:4

Judüki inü Pharao mulong müküpshihbah apinü nüsa müshambah; Pharao tüsho api bonungrü hode I müretahbah, junangde Ijiprünü I Atungpuh de amükheahbah.” Tüsho Israelrünü jude rhimo.

ABEKHIT 3:20

Tüshe inü I khah chungde Ijip kheak lakbah, junangde khinthiyinbebo rhimobah. Jushu apinü nüsa yüshihbah.

ABEKHIT 4:21

Atungpuhnü Mosa ki tha, “Küyimki nü Ijip lomi lim alode ayübanü inü nü kilim sühmüh jihkhi nangde Ijip kiulongthsüpuh miki khinthiyinbe rhimo alala rhimoang. Tüshe inü api mulong müküpde kamshihbah tüsho mihtsürübo ju müyüshih.

ABEKHIT 4:29

Judüki Mosa le Aron ane yübah Israel azothsürübo alala bemukhung.

ABEKHIT 4:7

Tüsho apinü tha, “Kheaküshe nü khah ju pangkhümpü ching chungyukang.” Jumonü Mosanü api khah pangkhümpü ching yuklo, tüsho küyimki apinü akhah thokhitkhea püpü shihtsü ruk kama lakheah.

ABEKHIT 7:13

Tütüshe Atungpuhnü athakhi nangde Pharao mulong müküpde kam tüsho apinü ane ki mani.

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

MIKA 7:15

Nünü isa Ijip chingnü bekhitkhi nimungbo ching nangde, isa ki amüyinsahbebo huhang.

JOHAN 4:48

Judüki Jisunü api ki tha, “Nüsabonü amüyinsahbebo tüsho khinthiyinbebo müngüyikia küdüküdü she akinpü yung.”

YUNIRÜBO RHIMO 2:22

“Israel mihtsürübo, harü yubo aniang: Nazarethrü Jisu ju khinthiyinbebo, amüyinsahbebo tüsho amütsanbo hode Thrünpuhnü nüsa kilim jih, ju nüsa küdah thsüde mükheahlah.

YUNIRÜBO RHIMO 7:36

Apinü Ijip ching, Amürüm keto, tüsho sunglo ching kam yirü khinthiyinbe tüsho amüyinsahbebo rhimode bekhit.

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

ROMRÜ KILIM PAULNÜ ATHRÜTKHI KIHÜM HUHTANYU 9:18

Junangde apinü amulongrü kheak mihmüthsüm lah, tüsho apinü amulongrü mulong müküpshihchoh.

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

YUZÜNGTHALO 7:19

nüsa müknü angükhi rükakikhi ato, amükheahmihbe, khinthiyinbe, tüsho Wuto khahnü chunghuhde Atungpuh nüsa Thrünpuhnü nüsa bekhit; jumonü Atungpuh nüsa Thrünpuhnü nüsanü trede alakhi mihtsürü alala ju ruk rhimobah.