ABEKHIT 7:23 - AMÜSÜH HÜM CL Bible (BSI)

²³ Pharaonü rholobah ayam ching yü, tüsho ha she api mulong ching mühan.

ABEKHIT 7:23 Iomraidhean Croise

JOB HU H T ANYU 7:17

Nünü api shuhkihpü nü lümkhi api kheak zopü thsüde mihtsürü ha tümü a,

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

ABEKHIT 7:22

Tüshe Ijip wurük-huhrübonü arü wurüknü ju ruk thsü; jumonü Pharao mulong müküpde kamlo, tüsho Atungpuhnü athakhi nangde apinü ane ki mani.

ABEKHIT 7:24

Jumonü Ijiprü alalanü ke yungpü thsungkheaknü ayung mükamde kiu, tümütüsho arünü ayung ke ju muyungkhukde alakheah.

ABEKHIT 9:20

Pharao yamlarü bolung shepünü Atungpuh yu trekheanü ayamlarübo tüsho akam-shiwüh thüyambo ching yüzahshih.

ABEKHIT 9:21

Tüshe shepünü Atungpuh yu akin mülakheanü api yamlarübo tüsho akam-shiwühbo aleangkheak zojih.

MÜCHITMUDU 22:17

Nü nükhün muphoang tüsho lümlung larü yubo aniang, tüsho I mükheahmudu lim nü mulong jihang;

MÜCHITMUDU 24:32

Küyimki inü ju ngükhea, inü tsüde lümakheah; inü kheah tüsho thsangdankhi leangkhi:

MÜCHITMUDU 28:14

Shepünü kamruhroro Atungpuh trechonü müngühmühi mihtsürü, tüshe shepü nihbuh mulong müküpchonü thsümütsü ching keamyukbah.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 47:7

Nünü tha, “ I lünnü kiulongthsüberü thsübah,” jumonü nünü harü mulong ching muzo yungsho akheampü mülümkhit.

JEREMIA 36:24

Tütüshe kiulongthsüpuh yungsho api yamlarü harü yu sorü shenü she mütre, yungsho arü khimmih muthonak.

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

EZEKIEL 40:4

Mihtsürünü I ki tha, “Mihtsürü tsührü, kheahkihde kheahang tüsho tsüde aniang, tüsho inü nü ki huhkhi alala kheak nü lümkhi zoang, tümüde inü ha nü ki huhpü thsüde nü ha ching bedarükheah; nünü angükhi alala Israel yamkhün ki thaang.”

HABAKKUK 1:5

Trükshihbo kheak mürüngang, tüsho kheahang! Tode müyinnimang! Tümüde nü ki thatha she nünü akin mülapü thsüde nü nimungbo ching rhimo rhimodo.

MALAKI 2:2

Nüsanü manisho, nüsanü I mung müretahshihpü mulong ching muzhosho, Wuto Atungpuhnü thachoh, inü nüsa kheak muthrumünean arüshihbah tüsho inü nüsa müngühmühibo muthrumüneanbah; atsütsü inü arübo muthrumüneana bahdo, tümütüsho nüsanü ju mulong ching muzo.

YUZÜNGTHALO 32:46

tüsho apinü arü ki tha, “Inü khihni thiyumütsan jihkhi kheak nüsa mulong zoang, ha yakzan Israel tsührübonü kümkangde anishihpü nüsanü thiyukhüm jihang.

1 SAMUEL 4:20

Alibe ashepü thsüde alachoki, anihbe shorupü arükhi aliberünü tha, “Dütre, tümüde nünü athrürü khülang zübejihdo.” Tüshe anihbenü malo yungsho mani.