ABEKHIT 7:11 - AMÜSÜH HÜM CL Bible (BSI)

¹¹ Tüshe Pharaonü she lümlung larü mihtsürü tüsho wurük-huhrü jide arü; junangde Ijip wurük-huhrübonü she arü wurüknü ju ruk thsü.

ABEKHIT 7:11 Iomraidhean Croise

THRÜNTAN 41:8

Jumonü yapsu api me küpkhukde alakheah; apinü thiyia yüshihbah Ijip wurük-huhrü tüsho lümlung lakhi mihtsürü alala ji. Pharaonü arü ki api milim tha, tüshe Pharao thsungkheak jurü thanakpü she mülakheah.

ABEKHIT 7:12

Tümütüsho mihtsürü abannü nihbuh tso ayoshih tüsho jurübo phurutobo kam. Tüshe Aron tsonü arü tsobo muyuabah.

ABEKHIT 7:22

Tüshe Ijip wurük-huhrübonü arü wurüknü ju ruk thsü; jumonü Pharao mulong müküpde kamlo, tüsho Atungpuhnü athakhi nangde apinü ane ki mani.

ABEKHIT 8:18

Kheakü wurük-huhrübonü arü wurük hode kurheakbo ludarüpü thsü, tüshe arünü mukuk. Jumonü kurheakbo ju mihtsürü tüsho shiwühbo kheak lakheah.

ABEKHIT 8:3

Junangde kheangbonü Nile mithülambah, ju wukhiukbah tüsho nü yam ching, nü yo akhiungshakbo ching, nü yapkiu kheak, nü yamlarübo le nü mihtsürübo yam ching, tüsho phuru le phühbo ching arübah.

ABEKHIT 8:7

Tüshe wurükhuhrübonü arü wurük hode ju ruk thsü, tüsho Ijip lomi kheak kheangbo hande arü.

DANIEL 2:2

Jumonü apinü anihbuh ki amilim thanakshihpü kuhikheahrü, wurük-huhrü tüsho Kaldearü, thümürübo jide arüpü yüshih. Küyimki arü arükhea tüsho kiulongthsüpuh miki zhipkhea,

DANIEL 2:27

Danielnü kiulongthsüpuh ki alo, “ Lümlung larü mihtsürü, kuhikheahrü, wurük-huhrü yungsho müchitrü shenü she kiulongthsüpuhnü akeokhikhi amüthakhukkhi aramyu muhuhkhuk,

DANIEL 4:6

Jumonü I ki milim thanakpü thsüde Babilon lümlung larü mihtsürü alala I miki bedarüpü inü thiyuzüng thsü.

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

DANIEL 5:7

Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.”

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

GALATIA 3:1

O makhakhi Galatiarü! Nüsa mük ki Jisu Khrista yümkihkhi mütsande ngübahle shenü nüsa bephülapkhea?

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

2 TESALONIKA 2:9

Amünean rhimo hode mihbukmuyuk arükhi ju wu alala bede tüsho arükchih amütsanbo tüsho amüyinsahbebo,

2 TIMOTHI 3:8

Jannea tüsho Jambrea bünenü Mosa azhihkhi nangde lümkhi amütsü tüsho akin thsümünimkhi mihtsürübonü she thiyuro azhihchoh;

2 TIMOTHI 3:9

tüshe arübo limshude müyü, tümütüsho mihtsürü mahne nangde arü makhakhi alala ki mütsanbah.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

1 SAMUEL 6:2

Judüki Filistiarünü amükeamrü le thümürübo ji tüsho tha, “Isanü Atungpuh sangdan küde athsüba? Isanü tümü bebah azopung ching alode ayüshihbanü isa ki thaang.”