ABEKHIT 5:2 - AMÜSÜH HÜM CL Bible (BSI)

² Pharaonü tha, “Inü api düsheak anide Israelrü yüshihpü thsüde Atungpuh ju she a? Inü Atungpuh mümükheah tüsho inü Israelrübo müyüshih.”

ABEKHIT 5:2 Iomraidhean Croise

2 KIULONG THSÜRÜ 18:35

Atungpuhnü Jirusalem I khah chingnü bekhitpü thsüde, lomi alala thrünpuh bolung arü lomi I khah chingnü abekhitkhi ju she a?’ ”

2 KIUTHSÜYUKHEAN 32:14

I jirüpürünü shahde adükheakshihkhi trükshihbo thrünpuhbo bolung shepünü api mihtsürü I khah chingnü khümkhitkhukkhi, nüsa Thrünpuhnü I khah chingnü nüsa khümkhitkhukba?

2 KIUTHSÜYUKHEAN 32:15

Kheakü jumonü, Hezekianü hanangde nüsa dümülapyukshih yungsho dübemüchihshih, tüsho api kheak dükin; tümüde tümü trükshih yungsho kiulongthsü thrünpuhnü api mihtsürü I yungsho I jirüpürü khah chingnü bekhitkhukde mülakheah. Nüsa Thrünpuhnü nüsa I khah chingnü dükde mübekhitkhuk!”

2 KIUTHSÜYUKHEAN 32:19

Arünü Jirusalem Thrünpuh dünkheak mihtsürü khahnü athsükhi lomi mihtsürü thrünpuhbo nangde asuk.

NEHEMIA 9:10

Pharao kiulongthsüpuh, atorü tüsho ju lo mihtsürü azhihde mükheahmihbe tüsho khinthiyinbe yüshih, tümüde arünü nü mihtsürü küde junokheanü nünü mükheah. Nünü nü mungthukhi khihni khiungde lah.

JOB HU H T ANYU 15:25

Tümütüsho apinü Thrünpuh azhihde khah chungkihchoh, tüsho Wutobuh ki mütre,

JOB HU H T ANYU 15:26

api azhihde akheahmüngüp tsung shuhbah chungthülangdo alihchoh;

JOB HU H T ANYU 21:15

Isanü api tankihpü thsüde Wuto ju she a? Tüsho isanü api ki tamkhüntamnükhinü isa tümü alü ngücho?”

MUNGSHIKHÜN 10:4

Mihbukmuyuknü api kükheangkhi chingnü Thrünpuh müyim; api lüm ching Thrünpuh müla.

MUNGSHIKHÜN 12:4

arünü tha, “Isa mulonü isanü akukbah, isa münküp isa lung lah; isa putungrü she a?”

MUNGSHIKHÜN 12:5

“Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

MUNGSHIKHÜN 14:1

Makharünü api mulong ching thachoh, “Thrünpuh müla.” Arü athsümünim lah, arünü athraneanbe rhimochoh, atsü rhimorü she müla.

ABEKHIT 3:19

Wuto khahnü api ki münimkihsho, Ijip kiulongthsüpuhnü nüsa müyüshih de inü mükheahlah.

ABEKHIT 7:17

Atungpuhnü ha thachoh, “Ha hode I Atungpuh ah de nünü amükheahbah: Kheahang, I khah ching shuhkhi tsonü inü Nile ke rhapbah, tüsho ju thiyih kambah,

MÜCHITMUDU 30:9

jude yungsho hihde alabah tüsho nü reanglode athabah, “Atungpuh ju she a?” Yungsho I zhochihbah tüsho ahühbah, tüsho I Thrünpuh mung müneanjihbah.

JEREMIA 42:13

Tüshe nüsanü mutuklode, “ Isa ha lomi ching müla,” de thasho, hanü Atungpuh nüsa Thrünpuh yu manide

JEREMIA 48:26

Moab müshangshang, tümütüsho apinü Atungpuh azhihde müretahdo; anihbuhnü mülümkhi ching Moab awuhshang; api she münedung kambah.

DANIEL 3:15

Kheakü nüsanü küyimki shihjuh, khungpi, hulipungpung, bingkhung, bingshang, huhpung tüsho khün düsheak aphuaphu sobanü inü athsükhi mejak kingaünpü thsüde khukningpü thsakhama lasho khide tsülah. Tüsho nüsanü ju mükingaünsho, judüchokinü nüsa motru ching ramyukbah. Judüki tümü thrünpuhnü nüsa I khah chingnü khümkhitkhukba?”

JOHAN 16:3

Tüsho arünü harü nüsa ki rhimobah, tümütüsho arünü I Buh yungsho l mümükheah.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

MAHKHAPRÜ 2:10

Küyimki ju lün alala arü bebuhrü ki mukhungkhea, Atungpuh mümükheahkhi yungsho Israel thsungkheaknü rhimokhi mümükheahkhi, arü dunglim lün püpü asürü.

1 SAMUEL 2:12

Kheakü Eli tsührübo mihyuchi ching mülarü lakheah; arünü Atungpuh mümükheah.

1 SAMUEL 25:10

Tüshe Nabalnü David yamlarübo ki alo, “David ju shepü a? Jesse tsührü ju she a? Khihni nihbuh putungrü kheaknü chamkhide atsokhi yamlarübo ahihdo lah.