ABEKHIT 5:1 - AMÜSÜH HÜM CL Bible (BSI)

¹ Ju dunglim Mosa tüsho Aron Ijip kiulongthsüpuh kilim yübah tha, “Israel Thrünpuh, Atungpuhnü hade thachoh, ‘I mihtsürübo yüshang, junangde arünü sunglo ching I thsungkheaknü thünio thsübah.’”

ABEKHIT 5:1 Iomraidhean Croise

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

MUNGSHIKHÜN 119:46

Inü nü yukhümbo kiulongthsüpuh miki thabah, tüsho achih müngüde alabah.

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

ABEKHIT 10:4

Nünü I mihtsürübo mütsoshihsho, kheahang, inü shido nü lomi ching tangkhobo hande arübah.

ABEKHIT 10:9

Tüsho Mosanü alo, “Isa azürü tüsho azorü alala tsobah; isa tsührübo le tsührübebo, mihnu le moshi boto bebah atsobah, tümütüsho isanü Atungpuh kilim thüniopü lah.”

ABEKHIT 3:18

Nünü athakhi I mihtsürübonü anibah, judüki nü tüsho azothsürübo alala Ijip kiulongthsüpuh ki yübah thaang, ‘Atungpuh Ibrirü Thrünpuh isa ki akhiuka huhdo. Jumonü isanü Atungpuh isa Thrünpuh ki kingaünpü sunglo ching nimung mahsam hantsah yüshang de mushuchoh.’

ABEKHIT 33:13

Jumonü inü tamkhüntamnüchoh, I nü miki mihmüthsüm lasho, kheakü I ki nü limro huhang, junangde inü nü mükheahbah tüsho nü miki I mihmüthsüm ngübah. Tüsho ha trükshih nü mihtsürü ah de lümang.”

ABEKHIT 4:23

Jumonü inü nü ki tha, I tsührünü I tankihshihpü yüshang, tüshe nünü api müyüshih, jumonü inü nü tsührü adüjibuh laksahbah.”

ABEKHIT 6:11

“Yüzahang, Israel mihtsürü api lomi chingnü awukhiukshihpü Pharao kiulongthsüpuh ki thaang.”

ABEKHIT 6:27

Mosa tüsho Aron anenü Israel mihtsürü Ijip chingnü bekhitpü dünkheak Ijip kiulongthsüpuh Pharao ki thakheah.

ABEKHIT 7:16

Tüsho nünü api ki thabah, Atungpuh Ibrirü Thrünpuhnü I nü kilim thiyia arüshih, I mihtsürü yüshang, junangde arünü sunglo ching I tankihbah; tüshe kheakü khiungde nünü mani.”

ABEKHIT 7:2

Inü nü ki thiyukhüm jihkhi alala nünü athabah; tüsho nü khiung Aronnü Israel mihtsürü api lo chingnü awukhiukshihpü Pharao ki thabah.

ABEKHIT 8:1

Tüsho Atungpuhnü Mosa ki tha, “Pharao ki yübah thaang, ‘Atungpuhnü ha thachoh: I mihtsürü yüshang, junangde arünü I tankihbah.

ABEKHIT 8:16

Judüki Atungpuhnü Mosa ki tha, “Aron ki thaang, ‘Nü tso shuhkihang, tüsho alo rhapang, junangde Ijip lomi alala ching asungthulung ju kurheakbo kambah.’”

ABEKHIT 8:17

Tüsho arünü jude thsü; tümüde Aronnü api tso shuhkihbah alo rhap tüsho asungthulungnü kurheakbo kambah mihtsürü le shiwüh kheak yükih. Ijip lomi alala ching asungthulung ju kurheakbo kamabah.

ABEKHIT 8:20

Atungpuhnü Mosa ki tha, “Yapsu mükikde asürang tüsho api ke lim yüchoki Pharao miki zhipang, tüsho api ki thaang, ‘Atungpuhnü ha thachoh, “I mihtsürü yüshang, junangde arünü I tankihbah.

ABEKHIT 8:27

Isanü nimung mahsam limtsahde sunglo ching yüanü tüsho apinü isa ki thiyukhüm jihkhi yande Atungpuh isa Thrünpuh kilim laksah-a kingaünanü.”

ABEKHIT 9:1

Judüki Atungpuhnü Mosa ki tha, “Pharao ki yüang tüsho thaang, ‘Atungpuh Ibrirü Thrünpuhnü ha thachoh: “I mihtsürübo yüshang, junangde arünü I tankihbah.

ABEKHIT 9:2

Tüshe nünü arü müyüshihde judü lang tholosho,

ISAIA 25:6

Ha wung kheak Wuto Atungpuhnü mihtsürü alala thsungkheak ala-tsühyungpü thünio, ashuh-yukhu, alütlüt-shih, düshihde achangkhi yukhu-thünio khülang thsakhambah.

EZEKIEL 2:6

Tüsho mihtsürü tsührü, nünü arü ki yungsho arü yubo dütre. Nü mühide ayangsang tüsho ayangbo lalashe tüsho lungthsühribo lung nü lalashe nünü dütre. Arü ju azhih yamkhün thsüthsü she, arünü athakhi yungsho arünü müzünkhi dütre.

MATHI 10:18

Tüsho I dünkheaknü nüsabo ju kovünorbo tüsho kiulongthsürübo miki arü le khiungkerü ki amütsan thsüde bede arübah.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

YUNIRÜBO RHIMO 4:29

Atungpuh, arünü amüzünkhi kheakü mükheahjang tüsho nü yamlarübonü khide mulong tode nü yubo thakhukshang.

1 KORINT 5:8

Jumonü isanü lungchihkhi tüsho amütsü awün phaümnü yung tüshe atsangkhitkhi tüsho thiyuro phaüm muyukkhi yikhap bede thünio leangkhianü.