ABEKHIT 40:9 - AMÜSÜH HÜM CL Bible (BSI)

⁹ Amujube müdangke luang tüsho arüngkhimyam le ju ching lakhi alala mujude-müsühkhitang; nünü kukruk alala müsühkhitbah tüsho amüsüh labah.

ABEKHIT 40:9 Iomraidhean Croise

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

ABEKHIT 37:29

Apinü thüneabe nangde düsahde mujude-müsühkhitbe müdangke amüsüh tüsho thüneabebonü jinjinlak müthsün thsü.

ABEKHIT 39:39

müwayinchi aphidung bede taka kingaünpung sadambo, akhrihbebo tüsho kukruk alala; adubopung bede müwayinchi müsühmüra-phuru;

ABEKHIT 40:8

Alala mükamde khikzhakpung thsang tüsho ripit kheak zhindokhim zhinang.

ISAIA 11:2

Atungpuh me api kheak labah, lümlung tüsho anikhitkhi me, lümthiyan tüsho Wuto me, mükheahmudu tüsho Atungpuh wüntrekhi me.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

EZEKIEL 28:14

mujude-mokhitkhi cherub khülangnü inü nü binshih; nü a Thrünpuh amüsüh müzüng kheak lakheah; nü azhingzhing shotolung bolung tsah.

LEVI 8:10

Jushu Mosanü amujube müdangke lubahle arüngyam tüsho ju ching lakhi alala kheak mujukih, tüsho junangde apinü jurü Atungpuh kilim müsühkhit.

WÜHKHE 7:1

Küyimki Mosanü kingaünpung thsükhea, apinü kingaünpung kukruk alala tüsho pungphuru müsühkhit; junangde apinü mujudemüsühkhit.

MATHI 3:16

Küyimki Jisu baptikhea, apinü ke chingnü nahde akhiuk; tüsho kheahang, api kilim yinmibo khimshuh, tüsho Thrünpuh Me müthrithrümpü nangde api kheak aki keamde apinü ngü.

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

2 KORINT 1:22

apinü isa kheak mütsanyüm yihkih tüsho mütsanmükhi thsüde isa mulong ching api Me jih.

2 KORINT 1:4

shepünü isa thsümütsü alala ching isa mulong shukheamcho, junangde Thrünpuhnü isa mulong shukheamkhi junü thsümütsü ching larü isanü mulong shukheampü kukbah.

IBRI 9:21

Tüsho ju ruk apinü arüngkhimyam le kingaün ching ahoribe kukrukbo alala kheak thiyih rhakkih.

1 JOHAN 2:20

Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah.