ABEKHIT 40:34 - AMÜSÜH HÜM CL Bible (BSI)

³⁴ Judüki amonü arüngkhimyam shodo, tüsho Atungpuh müretahkhinü mide kam.

ABEKHIT 40:34 Iomraidhean Croise

2 SAMUEL 7:6

Inü Israel mihtsürü Ijip chingnü bekhitkinü khihni khiungde I thüyam ching mülaakheah, tüshe I a khimyam tüsho arüngkhimyam ching lang yüla arüla de alakheah.

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

2 KIUTHSÜYUKHEAN 7:2

Amükeamrübonü Atungpuh yam ching müyüzahkhuk, tümütüsho Atungpuh müretahkhi Atungpuh yam mide kam.

MUNGSHIKHÜN 26:8

O Atungpuh , inü nü lapung yam, tüsho nü müretah lakhi dangpung muzholah.

ABEKHIT 14:24

Ayinkhipü müngüh Atungpuhnü mo dungto tüsho amo chingnü Ijip bonungrü kheak abinkhia kheah tüsho arübo yingyingde kamshih.

ABEKHIT 16:10

Kheakü Aronnü Israel boto alala ki asukchoki, arünü sunglo limpeang kheah, tüsho Atungpuh müretahkhi amo ching akhiuk.

ABEKHIT 25:8

Tüsho arünü I khilim arüngakopung khülang thsüshang, junangde I arü bolung labah.

ABEKHIT 29:43

ju ching inü Israelrü she ashorubah, tüsho ju dangpung I müretahkhinü atsangkhitbah.

ABEKHIT 33:9

Küyimki Mosa khimyam ching yüzahbanü, amo dungto akibah khimyam ripit ki zhip tüsho Atungpuhnü Mosa ki asukachih.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 6:4

Arü jikhi düsheaknü dungjingbo tüsho khimtanbo aniungshih tüsho mokhühnü thüyam mi.

EZEKIEL 10:4

Judüki Atungpuh müretahkhi cherubim kumungnü wusu tüsho arüngyam ripit ki yü. Amonü arüngyam mide kam, tüsho Atungpuh müretahkhi zhingzhingnü khikzhakpung mide alakheah.

LEVI 16:2

apinü tha, “ Khide Amüsüh Dangpung ching zhinkhi khim miki kim yancho ching darü de nü khiung Aron ki thaang, tümüde ju tangzüng sangdan khidopü kumung amo ching I akhiukchoh. Apinü mihyumanisho, api asheshihbah.

HAGGAI 2:7

tüsho inü trükshih alala niukbah, junangde trükshih rahpungbo arübah, tüsho lakhitnü ha yam inü amishihbah, Wuto Atungpuhnü thachoh.

HAGGAI 2:9

Ha yam ashulim lakhit ju adüso kheaknü atobe labah, Wuto Atungpuhnü thachoh; tüsho ha dangpung ching inü lalim atsü jihbah, Wuto Atungpuhnü thachoh.

WÜHKHE 7:89

Küyimki Mosanü Atungpuh ki asukachihpü ashorupung khimyam ching yüzahkhea, tangzüng sangdan kheak lakhi akhidobe cherubim mahne dükeaknü api ki thakhi düsheak so; ha ruk apinü anihbuh kheak asuk.

ROMRÜ KILIM PAULNÜ ATHRÜTKHI KIHÜM HUHTANYU 9:4

Arü ju tsührü kamkhi müretah, tangzüng, yakzan jihkhi, kingaün, tüsho alokhikhi lakhi ah;

AMIKHEAKAKHIUKKHI 15:8

arüngyam ju Thrünpuh müretahkhi tüsho api wu ching yo mokhühnü mide kam, tüsho yunirü thüne yo arüm thüne mükheamyikia shenü she arüngyam ching müyüzahkhuk.

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;