ABEKHIT 40:18 - AMÜSÜH HÜM CL Bible (BSI)

¹⁸ Jumonü Mosanü arüngkhimyam ju thsübah athranyukbebo yuk, sangbeakbo zhipshih, akhrihbebo yuk, tüsho dungjingbo zhipshih.

ABEKHIT 40:18 Iomraidhean Croise

2 SAMUEL 7:6

Inü Israel mihtsürü Ijip chingnü bekhitkinü khihni khiungde I thüyam ching mülaakheah, tüshe I a khimyam tüsho arüngkhimyam ching lang yüla arüla de alakheah.

ABEKHIT 40:17

Tüsho kam mahnepü akhuhbe khinu, atan nimung arüngkhimyam ju thsü.

ABEKHIT 40:19

Tüsho Atungpuhnü thiyukhüm jihkhi nangde apinü arüngkhimyam kumung kheak phukih tüsho ju kheak amuhiudobe yihkih.

ABEKHIT 40:2

“Akhuhbe khinu atan nimung Atungpuh shorupung arüngkhimyam thsüa zhipshang.

ISAIA 33:24

Tüsho lomi ching larü shenü, “ I tukthsülah” de mütha; ju ching larü mihtsürübo arü mülimkhi neak bahjihbah.

LEVI 26:11

Inü I lapung nüsa bolung zobah, tüsho inü nüsa mübahyuk.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

GALATIA 4:4

Tüshe küyimki kimkhiukkhi arükhea, Thrünpuhnü api tsührü, aliberünü azübekhi, yakzan bukkhüp zübekhi,

1 TIMOTHI 3:15

I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;