ABEKHIT 4:5 - AMÜSÜH HÜM CL Bible (BSI)

⁵ Atungpuhnü tha, “Israelrübo ki nüsa jipürü Abraham, Isak tüsho Jakob Thrünpuhnü nüsa miki akhiukdo de amütsan thsüpü ha rhimoang.”

ABEKHIT 4:5 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 18:1

Animuro api khimyam ripit ki binde alachoki, Mamre arüngako sangdungbo thüninde Atungpuh ju Abraham ki akhiuk.

THRÜNTAN 26:2

Judüki Atungpuh api ki akhiuk tüsho tha, “Ijip lim düyüki; inü nü ki thapü lakhi lomi ching laang.

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 48:15

Apinü Josep müngühjih, tüsho tha: “Thrünpuh shepü müngüh I buh pürü Abraham tüsho Isak tsahkhea, Thrünpuh shepünü I rhangdung amuyung khihni ha khiungde abekhea,

THRÜNTAN 48:3

Judüki Jakobnü Josep ki tha: “Wuto Thrünpuh Kanan lomi Luz ching I ki akhiuk tüsho I müngühjih,

1 KIULONG THSÜRÜ 18:36

Animuro kingaün jihkhi kim ching wukihbuh Elija phünide arü tüsho tha, “O Atungpuh , Abraham, Isak, tüsho Israel Thrünpuh, nü Israel ching Thrünpuh tüsho I nü yamlarü tüsho nü yukhüm hode harü alala rhimodo de khihni mükheahshang.

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

ABEKHIT 19:9

Tüsho Atungpuhnü Mosa ki tha, “Kheahang, inü nü ki asukkhi mihtsürübonü sobah nü kheak lünnü akin lapü thsüde I nü kilim amo akheah ching arükheah.” Junangde Mosanü mihtsürübo yu Thrünpuh ki tha.

ABEKHIT 3:15

Kheaküshe Thrünpuhnü Mosa ki tha, “Israelrübo ki ha thaang: Atungpuh nüsa jipürü Abraham, Isak tüsho Jakob Thrünpuhnü I nüsa kilim arüshihkheah. Ha kamruhroro thsungkheak I mung ah, tüsho arübe lün alala thsungkheak ha I mung labah.

ABEKHIT 3:16

Yüang tüsho Israel azothsürübo bemukhungbah thaang, Atungpuh nüsa jipürü Abraham, Isak tüsho Jakob Thrünpuh I ki akhiukbah tha, I nüsa kilim arükheah tüsho Ijiprübonü nüsa kheak rhimokhi alala ngüdo.

ABEKHIT 3:18

Nünü athakhi I mihtsürübonü anibah, judüki nü tüsho azothsürübo alala Ijip kiulongthsüpuh ki yübah thaang, ‘Atungpuh Ibrirü Thrünpuh isa ki akhiuka huhdo. Jumonü isanü Atungpuh isa Thrünpuh ki kingaünpü sunglo ching nimung mahsam hantsah yüshang de mushuchoh.’

ABEKHIT 3:4

Mosa thüninde arükhi küyimki Atungpuhnü angükhea, sangrung phulung chingnü Atungpuhnü Mosa jide tha, “ Mosa! Mosa!” Apinü alo, “I ha kheak lah.”

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

ABEKHIT 4:1

Judüki Mosanü alo tüsho tha, “Tüshe mihtsürübonü I yu kheak akin mülade, Atungpuh nü miki makhiuk de thasho küde?”

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

ABEKHIT 4:4

Judüki Atungpuhnü Mosa ki tha, “Nü khah chungbah ju mo kheak tholoang.” Mosanü akhah chungbah phuruto ju tholo tüsho ju akhah ching tso khülang kam.

ISAIA 7:9

Ephraim ku ju Samaria, tüsho Samaria ku ju Remalia tsührü. Nünü akin ching düküngde müzhipsho, nü judü lang müzhip.

JEREMIA 31:3

Atungpuhnü adüsonü api ki akhiuka huh. Inü akheam müla amuzhonü nü muzhokheah; jumonü mutuklode inü nü ki amuzho huh.

JOHAN 11:15

Tüsho nüsanü akinshihpü thsüde nüsa thsungkheaknü I ju ching mülakhi asühchoh. Judüalalashe, isanü api kilim yüanü.”

JOHAN 11:42

Tüsho nünü kamruhroro I ki sojihchoh de inü mükheahlah, tüshe ha kheak zhipkhi mihtsürübonü nünü I thiyikheah de akinshihpü thsüde inü ha thachoh.”

JOHAN 20:27

Judüki apinü Thoma ki tha, “Ha ching nü khah chungang, tüsho I khahbo kheak kheahang, tüsho ju I rheang ching yukang. Mükinde düla, tüshe kinang.”

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 5:36

Tüshe Johan kheaknü I thiyumütsan atobe lah; tümüde abanshihpü I Buhnü ajihkhi rhimo, tüsho inü rhimode alakhinü Abuhnü I thiyikheah de thiyumütsan thsüchoh.

YUNIRÜBO RHIMO 7:2

Tüsho Stephennü tha: “Keoniorü tüsho buhrübo, I ki aniang. Api Haran ching mülayide, Mesopotamia ching lachoki, müretahkhi Thrünpuhnü isa abuh Abraham ki akhiuk,

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.