ABEKHIT 4:31 - AMÜSÜH HÜM CL Bible (BSI)

³¹ Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

ABEKHIT 4:31 Iomraidhean Croise

THRÜNTAN 17:3

Abramnü amiro mükhümbah khukning, tüsho Thrünpuhnü api ki tha:

THRÜNTAN 24:26

Judüki mihtsürünü aku mükhüm tüsho Atungpuh kingaün.

THRÜNTAN 29:32

Jumonü Lea mübünkeangde kambah tsührü khülang zübe, tüsho anihbenü api mung Reuben de ji; tümüde alibenü tha, “Atungpuhnü tsükjide I küpkhuk ngüdo. Jumonü kheakü I niubuhnü I muzhobah.”

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

2 KIUTHSÜYUKHEAN 20:18

Judüki Jehoshaphatnü amiro alo lim kheahde mükhüm, tüsho Judarü tüsho Jirusalem ching larü alala Atungpuh miki kingaünde mükhüm.

2 KIUTHSÜYUKHEAN 32:8

Api lung bekhi ju shih yo bonungrü ah; isa lung bekhi a Atungpuh isa Thrünpuh, isa rungpü tüsho isa thsung thsüde keochihjihpü lah.” Juda kiulongthsüpuh Hezekianü athakhi yubo hode mihtsürübo mulong tode kam.

2 KIUTHSÜYUKHEAN 7:3

Küyimki mo tüsho Atungpuh müretah akikhi Israel mihtsürü alalanü angükhea, arünü jing tsahpung kheak arü miro alo lim mükhümde kingaün tüsho Atungpuh ki makshe jihde tha, “Tümütüsho api tsülah, tümütüsho api muzho lünnü lah.”

NEHEMIA 8:6

Ezranü tha, “Wuto Thrünpuh, Atungpuh shiang!” Mihtsürübonü khah shuhkihde alo, “Amen, Amen!” Arü miro alo lim kheahbah, khukningde kingaün.

JOB HU H T ANYU 1:20

Judüki Jobnü asürü, api yo shulünkhim thorüp, api ku hüt, tüsho alo kheak khukningbah kingaün.

ABEKHIT 12:27

Nüsanü athabah, ‘Ijip ching apinü Ijiprü laksahchoki Israelrü yambo phunghode yübah isa yambukbo khümkhitkhi Atungpuh kilim phungho-thünio laksah-a kingaünkhi ah.’ ” Jumonü mihtsürübonü khukning tüsho kingaün.

ABEKHIT 14:31

Hanangde Atungpuhnü Ijip ching ato rhimokhi Israelnü ngü; jumonü mihtsürübonü Atungpuh tre tüsho Atungpuh le api yamlarü Mosa kheak kin.

ABEKHIT 19:8

Judüki mihtsürü alala rukhühnü alo tüsho tha, “Atungpuhnü athakhi yu alala isanü arhimobah.” Jumonü Mosanü mihtsürübo yu Atungpuh kilim lulode arü.

ABEKHIT 19:9

Tüsho Atungpuhnü Mosa ki tha, “Kheahang, inü nü ki asukkhi mihtsürübonü sobah nü kheak lünnü akin lapü thsüde I nü kilim amo akheah ching arükheah.” Junangde Mosanü mihtsürübo yu Thrünpuh ki tha.

ABEKHIT 2:25

Thrünpuhnü Israelrübo azhorü kuhi ching lakhi ngübah arü thsungkheak lümrhihjih.

ABEKHIT 3:16

Yüang tüsho Israel azothsürübo bemukhungbah thaang, Atungpuh nüsa jipürü Abraham, Isak tüsho Jakob Thrünpuh I ki akhiukbah tha, I nüsa kilim arükheah tüsho Ijiprübonü nüsa kheak rhimokhi alala ngüdo.

ABEKHIT 3:18

Nünü athakhi I mihtsürübonü anibah, judüki nü tüsho azothsürübo alala Ijip kiulongthsüpuh ki yübah thaang, ‘Atungpuh Ibrirü Thrünpuh isa ki akhiuka huhdo. Jumonü isanü Atungpuh isa Thrünpuh ki kingaünpü sunglo ching nimung mahsam hantsah yüshang de mushuchoh.’

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ABEKHIT 33:10

Küyimki mihtsürübonü amo dungto khimyam ripit ki zhipde angübanü, arü alala nihbuh khimyam ripit ki wusurü tüsho kingaün.

ABEKHIT 34:8

Mosanü khülang ki alo kheak khukning tüsho kingaün.

ABEKHIT 4:5

Atungpuhnü tha, “Israelrübo ki nüsa jipürü Abraham, Isak tüsho Jakob Thrünpuhnü nüsa miki akhiukdo de amütsan thsüpü ha rhimoang.”

ZEPHANIA 2:7

Kemungyean ju Juda yamkhün aningkhi yamalo thsüde, ju kheak arünü mihnu boto yimkipbah, tüsho Ashkelon yambo ching arünü azhing ching yapbah. Tümüde Atungpuh arü Thrünpuhnü arü kümbah tüsho arü kuhibo jihlobah.

LUKNÜ ATHRÜTKHI THIYUSHEAK-ATSÜ HUHTANYU 1:68

“Atungpuh Israel Thrünpuh shiang, tümüde apinü rhuakheahdo tüsho api mihtsürü rhokhit,

LUKNÜ ATHRÜTKHI THIYUSHEAK-ATSÜ HUHTANYU 8:13

Tüsho lungmi kheak hiukihkhi ju thiyu sobah asühde aleangkhirü ah; tüshe harü aying müla, arünü anükhüh kheak kinchoh tüsho rükaki kim ching ayoabahchoh.

RUTH 1:6

Judüki Atungpuhnü amihtsürübo kilim latsühlayung müngühjih-a lah de Naominü so; jumonü atsühmeakbe büne bebah Moab lomi chingnü rholodarüpü thsakham.