ABEKHIT 4:21 - AMÜSÜH HÜM CL Bible (BSI)

²¹ Atungpuhnü Mosa ki tha, “Küyimki nü Ijip lomi lim alode ayübanü inü nü kilim sühmüh jihkhi nangde Ijip kiulongthsüpuh miki khinthiyinbe rhimo alala rhimoang. Tüshe inü api mulong müküpde kamshihbah tüsho mihtsürübo ju müyüshih.

ABEKHIT 4:21 Iomraidhean Croise

THRÜNTAN 6:3

Tüsho Atungpuhnü tha, “Inü mihtsürü lünnü alapü mümülüjih, tümüde api shih ah; api kam 120 labah.”

1 KIULONG THSÜRÜ 22:22

Atungpuhnü api ki keokhi, ‘ Küde thsah?’ Apinü alo, ‘Inü awukhiukbah tüsho anihbuh wukihrübo mün ching akeangyu tharü me thsübah.’ Judüki Atungpuhnü tha, ‘Nünü api mulomülapbah, tüsho nünü api bephülapbah; wukhiukang tüsho ju rhimoang.’

MUNGSHIKHÜN 105:25

Apinü arü mulong api mihtsürü thraneande, api yamlarübo ki mülapmüjide kamshih.

MUNGSHIKHÜN 78:43

küyimki apinü Ijip ching api amütsanbo, tüsho Zoan mükeak ching amüyinsahbebo rhimokhea;

ABEKHIT 10:1

Kheakü Atungpuhnü Mosa ki tha, “Pharao kilim yüang; tümüde inü api tüsho ayamlarübo mulong müküpshihdo, junangde inü api miki harü amütsanbo huhbah,

ABEKHIT 10:20

Tüshe Atungpuhnü Pharao mulong müküploshih, tüsho Israelrübo mütsoshih.

ABEKHIT 10:27

Tüshe Atungpuhnü Pharao mulong müküpde kamshih, tüsho arü mütsoshih.

ABEKHIT 11:10

Jumonü Mosa le Aron bünenü harü khinthiyinbebo alala Pharao miki rhimo; tüshe Atungpuhnü Pharao mulong müküpde kamshih, tüsho Israelrü api lomi chingnü mütsoshih.

ABEKHIT 11:9

Tüshe Atungpuhnü Mosa ki tha, “Pharaonü nü ki mani, junangde I yo khinthiyinbebo Ijip lomi ching alü kamshihbah.”

ABEKHIT 14:17

Tüsho inü Ijiprü mulong müküpshihbah, junangde arünü arü dunglim yüzahbah, tüsho Pharao le api bonungrü, api khora-lolungbebo, tüsho api khoraberü hode I müretahbah.

ABEKHIT 14:4

Judüki inü Pharao mulong müküpshihbah apinü nüsa müshambah; Pharao tüsho api bonungrü hode I müretahbah, junangde Ijiprünü I Atungpuh de amükheahbah.” Tüsho Israelrünü jude rhimo.

ABEKHIT 14:8

Atungpuhnü Ijip kiulongthsüpuh Pharao mulong müküpshih tüsho mulong tode ayürü Israelrü müsham.

ABEKHIT 3:19

Wuto khahnü api ki münimkihsho, Ijip kiulongthsüpuhnü nüsa müyüshih de inü mükheahlah.

ABEKHIT 3:20

Tüshe inü I khah chungde Ijip kheak lakbah, junangde khinthiyinbebo rhimobah. Jushu apinü nüsa yüshihbah.

ABEKHIT 7:13

Tütüshe Atungpuhnü athakhi nangde Pharao mulong müküpde kam tüsho apinü ane ki mani.

ABEKHIT 7:3

Tüshe inü Pharao mulong müküpde akamshihbah, tüsho inü Ijip lo ching amütsanbo tüsho khinthiyinbebo alü kamshihshih she,

ABEKHIT 8:11

Kheangbonü nü le nü yambo tüsho nü yamlarübo le nü mihtsürübo kheaknü chamachihbah; arübo Nile ching lang aninga alabah.”

ABEKHIT 8:15

Tüshe küyimki Pharaonü keamramkhi ngükhea, apinü amulong müküplo tüsho Atungpuhnü athakhi nangde, apinü ane ki mani.

ABEKHIT 8:32

Tüshe ha kim ching she Pharaonü amulong müküplode kam tüsho mihtsürübo müyüshih.

ABEKHIT 9:12

Tüshe Atungpuhnü Pharao mulong müküpde kamshih; tüsho Atungpuhnü Mosa ki asukkhi nangde apinü ane ki mani.

ABEKHIT 9:35

Junangde Pharao mulong müküpde alakheah; Atungpuhnü Mosa hode athakhi nangde apinü Israelrü mütsoshih.

ISAIA 6:10

Ha mihtsürü lümkhi zhazhade kamshang, tüsho arü nükhünbo peangshang, tüsho arü mükbo yihdojang, junangde arünü arü mükbonü mükheah, tüsho arü nükhünbonü mani tüsho arü lümkhibonü manikhit, tüsho rholode müthsüngu.”

ISAIA 63:17

Tümüde, O Atungpuh , nünü isa nü limro chingnü tsoshihcho tüsho isanü nü mütrepü thsüde isa mulong müküpshihcho? Nü yamlarübo mung chingnü, nü yamrüplurüp trükbo mung chingnü rholoang.

JOHAN 12:40

“Apinü arü mük tukshih tüsho arü mulong müküpshih, jude yungsho arü mükbonü angübah tüsho mulongnü anikhitbah, tüsho rholode arübah inü arü thsüngubah.”

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

ROMRÜ KILIM PAULNÜ ATHRÜTKHI KIHÜM HUHTANYU 9:18

Junangde apinü amulongrü kheak mihmüthsüm lah, tüsho apinü amulongrü mulong müküpshihchoh.

2 KORINT 2:16

Khülang kilim isa ju ashekhi shuhrhüm ah; püpü kilim rhangdung rhümthüneabe ah. Shepü harü thsungkheak suhdahla?

YUZÜNGTHALO 2:36

Arnon jindükhün chinkheam kheak lakhi Aroer jindükhün ching lakhi kiuto, Gilead khiungde, kiuto khülang lang she isa thsungkheaknü chipi müküpde mülakheah; Atungpuh isa Thrünpuhnü alala isa khah ching jih.

JIHUSUA 11:20

Israelrü bede keochihshihpü Atungpuhnü arü ki lümkihshih, junangde arübo shahde thsümünimde tüsho mihmuzho mülade laksahkhamshihpü thsü. Ha Atungpuhnü Mosa ki thiyukhüm jihkhi ah.

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.