ABEKHIT 38:21 - AMÜSÜH HÜM CL Bible (BSI)

²¹ Ha amükeambuh Aron tsührü Ithamarnü khuhlangahuhkhi yande Levirünü Mosa yuzüng ching thrütyukkhi Thiyuzüng Thürü zopung arüngkhimyam thsungkheak kukrukbo khekhi ah.

ABEKHIT 38:21 Iomraidhean Croise

1 KIUTHSÜYUKHEAN 6:3

Amram tsührübo: Aron, Mosa, tüsho Miriam. Aron tsührübo: Nadab, Abihu, Eleazar, tüsho Ithamar.

2 KIUTHSÜYUKHEAN 24:6

Jumonü kiulongthsüpuhnü Jehoiada ji tüsho api ki tha, “Atungpuh yamlarü Mosanü tangzüng khimyam thsungkheak akhukhi ruk Juda tüsho Jirusalem chingnü lude arüpü tümüde nünü Levirübo yihnüpü müla le?”

JOB HU H T ANYU 11:4

Tümüde nünü tha, “Inü thsangyukhi atsangkhit ah, tüsho Thrünpuh miki I müsühlah.”

JOB HU H T ANYU 22:23

Nünü Wutobuh kilim rholosho nü lalobah, nünü nü khimyambo chingnü thiyuro mülakhi yihkhita bahsho,

JOB HU H T ANYU 26:1

Jobnü alo:

MUNGSHIKHÜN 15:1

Atungpuh nü arüngkhimyam ching she laba? Nü amüsüh wung kheak she laba?

ABEKHIT 25:16

Tüsho sangdan ching ju inü nüsa kilim jihkhi thiyukhümbo thrütkihkhi lungbeak mahne yukang.

ABEKHIT 26:33

Zhindokhim ju awuklobe kheaknü zhinang tüsho ju dunglim tangzüng sangdan zoang. Zhindokhim junü Khide Amüsüh Dangpung kheaknü Amüsüh Dangpung büthsüjihbah.

ABEKHIT 38:20

Arüngkhimyam tüsho limkhuh alala mükamde achingsang ju müwayinchi lakheah.

ABEKHIT 38:22

Juda trük Hur tsührü, Uri tsührü Bezalelnü Atungpuhnü Mosa ki thiyukhüm jihkhi alala rhimo;

ABEKHIT 40:3

Thiyuzüngbo zahkhi tangzüng sangdan ju ching zoang tüsho ju miki zhindokhim yukang.

ABEKHIT 6:23

Aronnü Amminadab tsührü tüsho Nashon niurü Elisheba aniube thsüpü lu; tüsho alibenü api kilim Nadab, Abihu, Eleazar tüsho Ithmar zübejih.

WÜHKHE 1:50

tüshe nünü Levirübo a I lapung khimyam tüsho kukrukbo kurungkheak akheahrü mokhitang. Arünü arüngyam tüsho kukruk hande ju ching tankihbah, tüsho ju mühi arü binkheampungbo thsübah.

WÜHKHE 1:53

tüshe Levirübo a kingaün yam neakde ju mühi arü binkheampungbo thsübah, junangde shenü phünide marü tüsho Israelrü kheak shikpü I bukmakhiukshih.”

WÜHKHE 10:11

Mahnepü kam, khinu mahne, nimung mukupü ching arüngyam kumungnü amo akhinabah,

WÜHKHE 18:2

Kheaküshe nü lung nü keoniorü Levirübo, nü buhtsüh chingnü bebah arang, junangde nü tüsho nü tsührübo tangzüng arüngyam ching tankihchoki arübo nüsa lung bebah.

WÜHKHE 24:5

O Jakob, nü khimyambo küdükhüh atsü, O Israel, nü lapung küdükhüh atsü!

WÜHKHE 9:15

Arüngyam thsü nimung amonü tangzüng khimyam ju liudo; tüsho arelim arüngyam kumung amo ju mo nangde akhiukbah yapsu khiungde la.

MATHI 17:4

Peternü Jisu ki tha, “Atungpuh, isa ha ching lapü tsülah. Nünü mulongsho, nü thsungkheak khülang, Mosa thsungkheak khülang tüsho Elija thsungkheak khülang de inü yünshim mahsam thsanü.”

YUNIRÜBO RHIMO 7:44

“Isa jipürübo sunglo ching ashorupung khimyam lakheah. Ha Thrünpuhnü Mosa ki khuhlangahuhkhi yande thsü.

2 KORINT 5:1

Kheakü isa lakhi alomi khimyam thsümünimsho, mihtsürü khahnü müthsükhi yinmi ching lün yam Thrünpuh kilimnü lah de isanü mükheahlah.

IBRI 8:2

Apinü mihtsürü yungde, Atungpuhnü athsükhi thiyuro arüngkhimyam yo arüngakopung ching tankihchoh.

IBRI 9:11

Tüshe ha ching lakhi atsübo dünkheaknü, atobe tüsho khide athülün, mihtsürü khahnü müthsükhi, ha thrüta lakhi ching mübekhi arüngkhimyam hode Khrista ju achangbe amükeamrü thsüde arü.

2 PETER 1:13

I ha pang ching la khiungdüa, inü nüsa ki lümkhitshihkhi ju dükdü ah de inü lümchoh,

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

AMIKHEAKAKHIUKKHI 15:5

Ha dunglim inü kheah, tüsho yinmi ching thiyumütsan khimyam, arüngyam ju khimshuh,

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;