ABEKHIT 35:29 - AMÜSÜH HÜM CL Bible (BSI)

²⁹ Israelrü athrürü tüsho aliberübonü arünü arhimobe Mosa hode thiyukhüm jihkhi thsungkheak amulongrü alalanü mulongkhi kingaün Atungpuh kilim ludarü.

ABEKHIT 35:29 Iomraidhean Croise

1 KIUTHSÜYUKHEAN 29:14

“Tüshe isanü ha akeangnü jihchungkhukkhi ha I tüsho I mihtsürübo she a? Tümüde kukruk alala nü kilimnü arüchoh, tüsho nü yo isanü nü jihdo.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

1 KIUTHSÜYUKHEAN 29:3

Ju lang yung, ju kheak khiode amüsüh yam thsungkheak inü I Thrünpuh yam thsungkheak shuhmülanga jihmonü, I yo suna tüsho shotoyinchi rahpung jih:

1 KIUTHSÜYUKHEAN 29:6

Judüki jipürü yamkhün limberübonü mulongkhi jih, junangde Israel trükbo limberübo, chithürübo tüsho chibo wühkenorübo, kiulongthsüpuh rhimo kurungkheak atorübonü she jih.

2 KIUTHSÜYUKHEAN 35:8

Api yo atorübonü mulongsahde mihtsürübo, amükeamrübo, tüsho Levirü kilim arung jih. Hilkia, Zekaria, tüsho Thrünpuh yam atobuh Jehielnü phungho-thünio kingaün thsungkheak amükeamrübo kilim namfimihnunu le mihnu nunu 2600 tüsho moshi 300 jih.

EZRA 3:5

Ju dunglim arünü mutuklode taka kingaün tüsho khinu aso le akhukhita lakhi Atungpuh thünio kingaün, kheaküshe mihtsürü aban nihbenü amulongkhi kingaünbo Atungpuh kilim jih.

EZRA 8:28

Inü arü ki tha, “Nüsa tüsho harü kukrukbo Atungpuh miki amüsüh ah, junangde shotoyinchi le suna pungphurubo she nüsa jipürü Thrünpuh Atungpuh kilim kingaün jihchoh.

ABEKHIT 35:4

Mosanü Israel boto alala ki tha, “Atungpuhnü thiyukhüm jihkhi ju ha:

ABEKHIT 35:5

Atungpuh kilim kingaün khülang thsakhamang. Mulong salade alarünü Atungpuh kilim kingaün khülang hande arüshang: suna, shotoyinchi, tüsho müwayinchi;

ABEKHIT 36:3

Arünü arüngkhimyam rhimode ayüpü Israelrünü kingaün hande arükhi alala Mosa kheaknü leangkhi. Tüsho mihtsürübonü yapsu aban mutukzhakde arung kingaün handarü.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

1 KORINT 3:5

Dale tüsho Apollo ju tümü a? Paul ju tümü a? Atungpuhnü mihbüm aban thiyikhi nüsanü arü hode akinkhi tankihrübo lang ah.

1 KORINT 9:17

Tümüde inü ha akeangnü rhimosho, I thsambah khülang lah; tüshe akeangnü yungsho, I a le athiyikhi rhimo lang rhimochoh.

2 KORINT 9:7

Mihtsürü abannü mükünmuthsung yungsho arochihde yungde nihbuh mulongnü apungkhikhi jihang, tümüde asühde ajihrü Thrünpuhnü muzhochoh.

GALATIA 6:16

Ha yuzüng hode atsahrü alala, Thrünpuh mihtsürübo kheak mungtsü tüsho mihmüthsüm laang.

YUZÜNGTHALO 11:32

khihni inü nüsa miki zojihkhi yakzanbo tüsho thiyuzüngbo nüsanü kümkangde rhimoang.

YUZÜNGTHALO 12:32

Inü tümüpürü nüsa ki thiyukhüm jihchonü ju rhimopü kümkangang; nüsanü ju ching düyukajak yungsho yihkhita she dübah.

YUZÜNGTHALO 4:2

Inü thiyukhüm jihkhi yu kheak nüsanü alü düyuk, yungsho yihkhita dübah, junangde nüsanü inü thiyukhüm jihkhi, Atungpuh nüsa Thrünpuh yukhüm zobah.

2 PETER 1:19

Tüsho isanü alü thsüde amütsankhi ju wukihrübo yu lah, tüsho yinkhibah yapsu chining nüsa mulongbo ching makhiukyi khiungde amiting ching ayin tahyukkhi nangde nüsanü ha mulong jihde anibah.

MAHKHAPRÜ 5:2

Israel ching limberübonü abekhinü, mihtsürübonü mulongsahde nihbuh jih, Atungpuh shiang!

MAHKHAPRÜ 5:9

I mulong ju mihtsürü bolung shuhmülanga jihrü Israel yakzanshuhrü lung lah. Atungpuh shiang!