ABEKHIT 35:21 - AMÜSÜH HÜM CL Bible (BSI)

²¹ Tüsho mulongde alarünü arüngkhimyam rhimo mukhungmüdan, tüsho amüsüh khimmihbo thsungkheak Atungpuh kilim kingaün handarü.

ABEKHIT 35:21 Iomraidhean Croise

2 SAMUEL 7:27

Tümüde, O Wuto Atungpuh , Israel Thrünpuh nünü ha nü yamlarü ki amikheak akhiukde tha, ‘Inü nü khilim thüyam khülang thsüjihbah’; jumonü nü yamlarünü ha nü ki tamkhüntamnüpü mulong ato thsüdo.

1 KIUTHSÜYUKHEAN 28:2

Judüki kiulongthsüpuh Davidnü wusubah arü miki zhip tüsho tha: “I ki aniang, I keoniorübo tüsho I mihtsürübo. Atungpuh tangzüng sangdan zopü, isa Thrünpuh jing dubopung thsungkheak inü thüyam khülang thsüpü lümkhi thsüdo; tüsho athsüpü thsungkheak inü tsanglungdo.

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

1 KIUTHSÜYUKHEAN 29:14

“Tüshe isanü ha akeangnü jihchungkhukkhi ha I tüsho I mihtsürübo she a? Tümüde kukruk alala nü kilimnü arüchoh, tüsho nü yo isanü nü jihdo.

1 KIUTHSÜYUKHEAN 29:3

Ju lang yung, ju kheak khiode amüsüh yam thsungkheak inü I Thrünpuh yam thsungkheak shuhmülanga jihmonü, I yo suna tüsho shotoyinchi rahpung jih:

1 KIUTHSÜYUKHEAN 29:8

Shotolungbo larünü Atungpuh yam rahpung ching, Gershonrü Jehiel khah ching jih.

1 KIUTHSÜYUKHEAN 29:9

Judüki mihtsürübonü asühachih tümütüsho arünü künsahde jih, tümüde arü lümkhi khülangnü Atungpuh kilim akeangnü jih; kiulongthsüpuh David she khitode asüh.

EZRA 2:68

Alungrü bolung azothsürü khürünü Jirusalem ching Atungpuh arüngyam awün yampung ching thsüloshihpü thsüde mulongsahde arungbo jih.

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

ABEKHIT 25:2

“I kilim kingaün hande arüpü Israelrü ki thaang. Mihbüm abannü mulongsahde ajihkhi I thsungkheaknü leangkhiang.

ABEKHIT 35:20

Judüki Israel boto alala Mosa mikinü müzüt.

ABEKHIT 35:22

Mulongde alarü athrürü tüsho aliberü ahihdonü nüpübo, nupung-nüpübo khahrihbo, lakbo, suna kukrukbo alala, jurü ju mihtsürübonü suna kingaün ATUNGPUH kilim jihkhi lubah arü.

ABEKHIT 35:26

Aliberü amulongrü alalanü mihnu namnü she chiyim.

ABEKHIT 35:29

Israelrü athrürü tüsho aliberübonü arünü arhimobe Mosa hode thiyukhüm jihkhi thsungkheak amulongrü alalanü mulongkhi kingaün Atungpuh kilim ludarü.

ABEKHIT 35:5

Atungpuh kilim kingaün khülang thsakhamang. Mulong salade alarünü Atungpuh kilim kingaün khülang hande arüshang: suna, shotoyinchi, tüsho müwayinchi;

ABEKHIT 36:2

Judüki Mosanü Bezalel le Aholiab, tüsho arübah rhimoshihpü Atungpuhnü lümlung jihrü tüsho mulong qiurü thsüsonungnürü alala ji.

MÜCHITMUDU 4:23

Nü lümzülümdokhi kümkangang; tümütüsho ju kenü ah.

JEREMIA 30:21

Arü kovünor arü bolung chingnü alabah, arü yakzanshuhrü arü bolungnü arübah; inü api phünide bedarübah, tüsho api I ki arübah tümüde shepünü müjide I ki arükhukpü? Atungpuhnü thachoh.

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

2 KORINT 8:12

Tümüde thsakhama lasho, amülakhi yande yungde, mihtsürü ju tümü lanü ju yande aleangkhikhukbe lah.

2 KORINT 9:7

Mihtsürü abannü mükünmuthsung yungsho arochihde yungde nihbuh mulongnü apungkhikhi jihang, tümüde asühde ajihrü Thrünpuhnü muzhochoh.

MAHKHAPRÜ 5:12

Wusuang, wusuang, Debora! Wusuang, wusuang, khün thsang! Asürang Barak, nü yo aramrübo bede tsoang, O Abinoam tsührü.

MAHKHAPRÜ 5:3

Soang, O kiulongthsürübo; aniang, O yakzanshuhrübo; inü Atungpuh ki khün thsübah, inü Atungpuh , Israel Thrünpuh kilim khün düsheak thsübah.

MAHKHAPRÜ 5:9

I mulong ju mihtsürü bolung shuhmülanga jihrü Israel yakzanshuhrü lung lah. Atungpuh shiang!