ABEKHIT 34:9 - AMÜSÜH HÜM CL Bible (BSI)

⁹ Apinü tha, “O Atungpuh , I nü miki mihmüthsüm ngüa lasho, isa anihnih mihtsürü thsüa lalashe Atungpuh isa lung yüang de inü tamkhüntamnüchoh; isanü alakmihkhi tüsho isa neak bahjang tüsho nü yamrüplurüp nangde isa luang.”

ABEKHIT 34:9 Iomraidhean Croise

MUNGSHIKHÜN 135:4

Tümüde Atungpuhnü anihbuh thsungkheak Jakob, büthsükhi api rahpung thsüpü Israel mokhitdo.

MUNGSHIKHÜN 25:11

O Atungpuh , nü mung chingnü I mülimkhi bahjang, tümüde ha tode lah.

MUNGSHIKHÜN 28:9

Nü mihtsürü khümkhitang, tüsho nü yamrüplurüp müngühjang; nü arü neakrü thsang tüsho lünnü arü kümang.

MUNGSHIKHÜN 33:12

Apinü ayamrüplurüp thsüde mokhitkhi trükshih, shepü Thrünpuh ju Atungpuh lanü müngühmühi.

MUNGSHIKHÜN 78:62

Apinü api mihtsürü nukshang kilim jih; tüsho api yamrüplurüp kheak bukakhiuk.

MUNGSHIKHÜN 94:14

Tümüde Atungpuhnü api mihtsürü yana mübah, yungsho api yamrüplurüp mübahyuk.

ABEKHIT 19:5

Jumonü kheakü nüsanü atsütsü I yu anisho tüsho I tangzüng zosho, mihtsürü alala kurungkheak nüsa I lakhit atsübe thsübah; tümüde alomi alala I yo ah.

ABEKHIT 32:9

Tüsho Atungpuhnü Mosa ki tha, “Inü ha mihtsürübo ngüdo, tüsho arübo anihnih mihtsürü ah.

ABEKHIT 33:12

Mosanü Atungpuh ki tha, “Harü mihtsürü bepü nünü I ki thade la, tüshe I lung shepü yübanü nünü I ki mümükheahshih. Inü nü mungnü mükheahlah tüsho I miki mihmüthsüm ngüdo de nünü tha.

ABEKHIT 34:7

chithürü ki amuzho lachoh, tüsho mihbukmuyuk, azhihkhi tüsho neak bahjihchoh. Tütüshe apinü mülimkhi müthsümüchidüa müdükhe; apinü arü bebuhrü neak dünkheak arü tsührü tüsho tsührü-tsührü lün mahsam tüsho phüyi khiungde thsümüchichoh.”

ISAIA 48:4

Tümütüsho nü anihnih ah de inü mükheahlah, nü hung ju yinchi-süh ah tüsho nü kingkang ju khahrih-yinchi,

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEKARIA 2:12

Atungpuhnü Juda ju amüsüh lomi ching api shihcham thsüde yamrüplurüp lubah, tüsho Jirusalem mokhitlobah.

WÜHKHE 14:19

Nü mihmüthsüm tokhi tüsho Ijip chingnü kheakü khiungde harü mihtsürü neak bahjihkhi nangde, harü mihtsürü neak bahjang de inü tamkhüntamnüchoh.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

YUZÜNGTHALO 32:9

Tümüde Atungpuh lupü shihcham ju api mihtsürübo, Jakob ju apinü achamkhitkhi yamrüplurüp. @SP ACE=

YUZÜNGTHALO 4:20

Tüshe Atungpuhnü nüsa yinchi trukhi, Ijip chingnü nüsa khihni lakhi ruk api mihtsürü thsüpü tüsho api yamrüplurüp thsüpü bekhit.

YUZÜNGTHALO 9:18

Akhuhlim nangde, nimung yirü tüsho tsüngre yirü inü Atungpuh miki khukning; tümütüsho nüsanü Atungpuh miki mütsüde neak yihbeakbah api bukakhiukshihkhi hode inü yikhap mütsüh yungsho ke she muyung.

YUZÜNGTHALO 9:26

Tüsho inü Atungpuh ki tamkhüntamnü, O Wuto Atungpuh , nü tokhinü rhokhitkhi, nü khah sühmüh atonü Ijip chingnü abekhitkhi, nü mihtsürü tüsho nü yamrüplurüp düdükheakshih.

YUZÜNGTHALO 9:29

Judüalalashe arübo, nü wu-sühmüh tüsho nü khah chunghuhde abekhitkhi, nü mihtsürü tüsho nü yamrüplurüp ah.