ABEKHIT 34:29 - AMÜSÜH HÜM CL Bible (BSI)

²⁹ Küyimki Mosa Sinai Müzüng kheaknü khah ching thiyuzüng lungbeak mahne shuhbah akikhea, api miro zhingzhingkhi anihbuhnü mümükheah, tümütüsho apinü Atungpuh lung asukachih.

ABEKHIT 34:29 Iomraidhean Croise

ABEKHIT 16:15

Jumonü küyimki Israelrünü ju ngükhea, arü khülangnü khülang ki thaachih, “Ha tümü a?” Tümütüsho ju tümüanü arünü mümükheah. Tüsho Mosanü arü ki tha, “Ha Atungpuhnü nüsa tsühshihpü yikhap jihkheah.

ABEKHIT 31:18

Tüsho küyimki apinü Sinai Müzüng kheak Mosa ki asukachihkhamkhea, apinü anihbuh kilim Thrünpuhnü thiyukhüm thrütkihkhi lungbeak mahne jih.

ABEKHIT 32:15

Mosanü rholobah müzüng chingnü aki, tüsho thiyuzüng lungbeak mahne api khah ching lakheah. Lungbeakbo ju thrip aban thrütkih-a lakheah.

ABEKHIT 34:35

Tüsho Israelrünü Mosa kheahchoki api jak zhingzhingde la; tüsho Mosanü api ki asukachihpü müyüzahyi khiungde kudukiube ajak kheak yihkihlo.

T H S AN GYU T H S AN GR ARÜ 8:1

Shepü lümlung larü mihtsürü nangde la? Tüsho tümükhüh thanakkhi shepünü mükheahla? Lümlungnü khürü miro yinshihchoh, tüsho miro mitingkhi müthrishihchoh.

MATHI 17:2

Ju ching arü miki api jak müthriabah. Api miro ju ani nangde tah, tüsho api khimmihbo ayinatrüm nangde yinde kam.

MARK 14:40

Tüsho küyimki api alode arükhea, apinü arübo kheaküshe yapa ngü, tümüde arü mük mürheakkhuk; tüsho arünü api ki tümü alobanü mümükheah.

MARK 9:6

Tümütüsho apinü tümü thabanü mümükheah, tümüde arü khide trede alakheah.

LUKNÜ ATHRÜTKHI THIYUSHEAK-ATSÜ HUHTANYU 2:49

Tüsho apinü arü ki tha, “Küde thsah nüsanü I yimkhea? I ju I Buh yam ching labah de nüsanü mümükheahkhea de?”

LUKNÜ ATHRÜTKHI THIYUSHEAK-ATSÜ HUHTANYU 9:29

Tüsho api tamkhüntamnüde alachoki, miro müthriabah, tüsho api khimmihbo müyedo tüsho zhingzhing kam.

JOHAN 5:13

Tüshe thsüngua labuhnü api sheanü mümükheah, tümüde ju ching lakhi boto ching tsoabah.

YUNIRÜBO RHIMO 12:9

Apinü wukhiuk tüsho api yande yü; yunirübonü arhimokhi ju atsütsülim ah de apinü mümükheah, tüshe apinü michih ngüchoh de lüm.

YUNIRÜBO RHIMO 23:5

Tüsho Paulnü tha, “Keoniorübo, api achangbe amükeamrü ah de inü mükheah-a müla; tümüde ha thrüta lah, ‘Nünü nüsa mihtsürü yakzanshuhrü dünkheak amütsü dasuk.’ ”

YUNIRÜBO RHIMO 6:15

Kiuthsü-binkiu ching binrü alalanü Stephen kheak kheahkihde kheah, tüsho amiro ju yunirü miro nangde ngü.

2 KORINT 3:13

Isa a azhingzhing kheamde alachoki Israelrünü mükheahshihpü api miro muhiudokhi Mosa nangde yung.

YUZÜNGTHALO 10:5

Jushu inü rholobahle müzüng chingnü aki, tüsho lungbeakbo ju inü athsükhi sangdan ching yuk; tüsho Atungpuhnü I ki thiyukhüm jihkhi nangde jurübo ju ching lah.”

JIHUSUA 2:4

Tüshe alibenü mihtsürü mahne jikabahshihbah tha, “Dükde, mihtsürü I kilim arükheah, tüshe küchingnü arükheanü inü mümükheah;

JIHUSUA 8:14

Küyimki Ai kiulongthsüpuhnü ju ngükhea, api tüsho kiuto ching lakhi amihtsürübonü yapsu mükikde Araba limpeang Israel bede keochihpü ashoruachihpung niokheamde yü; tüshe api azhihde kiuto dunglim thüram thsüa binlah de apinü mümükheah.

AMIKHEAKAKHIUKKHI 1:16

api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.

AMIKHEAKAKHIUKKHI 10:1

Judüki inü püpü wuto yunirü amo ching hingbah, aku kheak mürechin kihde thüning chingnü akide ngü, tüsho amiro ju ani nangde, tüsho ajingbo ju mo dungtobo nangde alakheah.

MAHKHAPRÜ 16:20

Tüsho alibenü tha, “Samson! Filistiarü arüchoh.” Jumonü apinü ayapkhi chingnü asürü, tüsho tha, “Püpüki nangde inü awukhiukbah tüsho zuzu thsüde aphapbah!” Tüshe Atungpuh api kheaknü chamachihdo de apinü mümükheah.