ABEKHIT 34:26 - AMÜSÜH HÜM CL Bible (BSI)

²⁶ Nüsa lo chingnü akhiukkhi akhuh asokhi sangaso atsüdakbe Atungpuh nüsa Thrünpuh yam ching hande arang. Mihnu nunu abe niuhke ching dükhiung.”

ABEKHIT 34:26 Iomraidhean Croise

NEHEMIA 10:35

Kam aban akhuh yimlukhi hi tüsho sangdung chingnü akhuh asokhi sangaso isanü arüngyam ching kingaün jihbah.

ABEKHIT 23:19

Nüsa lo chingnü akhuh asokhi sangaso Atungpuh nüsa Thrünpuh yam ching hande arang. Mihnu nunu abe niuhke ching dükhiung.

LEVI 23:10

Israel mihtsürübo ki thaang: Küyimki nüsanü inü ajihkhi lo ching arüba, tüsho yimlubanü, nüsanü akhuhde yimlukhi hi phung amükeambuh kilim handarünü jihang;

LEVI 23:14

Nüsanü ju nimungnü nüsa Thrünpuh kilim kingaün handarü müjihyi khiungde yikhap thsüthsü, angukhi hi thsüthsü yungsho aso hi thsüthsü nüsanü mütsüh; ha nüsa tsühsoniuso lün ching lapung abande thiyukhüm labah.

WÜHKHE 15:20

Nüsanü hi akhuh chukhi chingnü yikhap jihang tüsho ju rhimopung ching yo kingaün jihkhi nangde jihang.

WÜHKHE 18:13

Arü lo ching sangaso akhuhde amünkhi arünü Atungpuh kilim hande arükhi ju nüsa yo thsübah. Nüsa yamkhün ching müsühde alarübonü ju tsühpü kuklah.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

1 KORINT 15:20

Tüshe atsütsü asherü she arhang kamlobah dükhi amütsan Khrista ashe chingnü arhang kamlodo.

YUZÜNGTHALO 14:21

Nüsanü tümükhüh akeangnü ashekhi dütsüh; nüsanü ju nüsa kiuto ching lakhi hanrü ki jihpü kuklah, junangde apinü ju tsühbah, yungsho nüsanü ju khiungkerü ki yinjang; tümüde nüsa ju Atungpuh nüsa Thrünpuh kilim amüsüh mihtsürü ah. Nüsanü mihnu nunu abe niuhke ching dükhiung.

YUZÜNGTHALO 26:10

Tüsho kheahang, O Atungpuh , kheakü nünü I kilim jihkhi lo chingnü akhuh asokhi sangaso hande arüchoh.’ Muluk ju Atungpuh nü Thrünpuh miki zojang tüsho api miki khukningang.

YUZÜNGTHALO 26:2

nünü alo chingnü akhuh akhiukkhi luang, ju Atungpuh nüsa Thrünpuhnü nüsa kilim jihkhi lo chingnü hande arang, tüsho ju muluk ching yukbahle Atungpuh nüsa Thrünpuhnü api mung zopü mokhitkhi dangpung ching nahde yüang.

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.