ABEKHIT 34:20 - AMÜSÜH HÜM CL Bible (BSI)

²⁰ Akhuh anukhi donki a nünü namfimihnunu khülangnü rhokhitang, tüshe nünü mürhokhitsho ahung yihshakang. Nü tsührü athrürü adüji alala nünü arhokhitbah. Tüsho sheshe I miki khahkeang darü.

ABEKHIT 34:20 Iomraidhean Croise

2 SAMUEL 24:24

Tüshe kiulongthsüpuhnü Arauna ki tha, “Yung, tüshe inü jurü adün jihbah nü kheaknü athulobah; adün tümü müjihde inü Atungpuh I Thrünpuh ki taka mükingaün.” Jumonü Davidnü hinitpung tüsho moshipung ju shotoyinchi 50nü thulo.

ABEKHIT 13:10

Jumonü nüsanü ha arüngako kam aban akheahmünchi ching laang.

ABEKHIT 13:12

akhuhde anukhi pung Atungpuh kilim jihang. Nüsa shiwüh akhuh anukhi pung Atungpuh yo ah.

ABEKHIT 13:13

Tüshe donki akhuh anukhi aban namfimihnunu khülangnü nünü rhokhitang; nünü ju mürhokhitsho, nünü ahung yihshakbah. Tüsho nü tsührü bolung adüjirü athrürü nünü arhokhitbah.

ABEKHIT 13:15

Küyimki Pharaonü isa tsoshihpü nihnihkheanü, Atungpuhnü Ijip lomi ching akhuh zübekhi mihtsürü tüsho shiwüh laksah. Jumonü shiwüh akhuh anukhi pungbo Atungpuh kilim jihchoh, tüshe akhuh zübekhi I tsührübo a inü rhokhitchoh.’

ABEKHIT 22:29

“Nünü akhuh yimlukhi tüsho sangaso-kebo kingaün jihpü dashu. Nü tsührü adüjibuh I kilim jihang.

ABEKHIT 23:15

Nüsanü phaüm muyukkhi yikhap thünio mungang; inü nüsa ki thiyukhüm jihkhi nangde Abib khinu akhukhitkhi nimungbo ching nüsanü nimung thüne phaüm muyukkhi yikhap tsühbah, tümüde ha khinu ching nüsa Ijip chingnü akhiukkheah. Sheshe I miki khahkeang darü.

WÜHKHE 18:15

Mihtsürü thsüthsü shiwüh thsüthsü akhuhde angükhi küpü arünü Atungpuh kilim handarübanü ju nüsa yo thsübah; tüshe akhuh zübekhi mihtsürü nüsanü rhokhitbah tüsho akhuh anukhi mümüsühkhi shiwühbo she nüsanü rhokhitbah.

YUZÜNGTHALO 16:16

“Kam chingnü mahsam ki nüsa athrürü alala apinü amokhitkhi dangpung ching Atungpuh nüsa Thrünpuh miki mukhungbeah: Phaüm muyukkhi yikhap thünio ching, yimlukhi thünio ching tüsho arüngkhimyam thünio ching; tüsho arünü khahkeangnü Atungpuh miki marübeah.