ABEKHIT 34:16 - AMÜSÜH HÜM CL Bible (BSI)

¹⁶ Tüsho küyimki nüsa tsührü niuberü thsüpü arü tsührübebo lujihbanü arü thrünpuhbo kheak müzammüramkhinü nüsa tsührübo junangde arhimoshihbah.

ABEKHIT 34:16 Iomraidhean Croise

THRÜNTAN 24:3

junangde I lakhi bolung Kananberü lungnü nünü I tsührü niube mulushihpü Atungpuh , yinmi tüsho alomi Thrünpuh tamde thiyuchihchimshihbah;

1 KIULONG THSÜRÜ 11:1

Kiulongthsüpuh Solomonnü Pharao tsührü lungnü khiungkerü liberü ahihdo muzho: Moabberü, Amonberü, Edomberü, Sidonberü, tüsho Hitberü.

1 KIULONG THSÜRÜ 21:25

(Judüki Ahabnü aniube Jezebelnü thsurangde Atungpuh miki amütsü rhimopü azangrü yinkhi nangde sheshe mülakheah.

2 KIUTHSÜYUKHEAN 21:11

Kheaküshe apinü Juda awung lomi ching achang dangpungbo thsü, tüsho Jirusalem ching larü müthülünde kamshih, tüsho Juda ju bahkhide tsoshih.

EZRA 9:12

Jumonü nüsa tsührübo arü ki dürhangshih yungsho arü tsührü nüsanü dulu, tüsho küyimkishe arü ki mungtsü tüsho lakhit düyim, junangde nüsa sühmüh lade alo chingnü akhiukkhi atsü tsühbah, tüsho ju nüsa tsührübo kilim lünnü yamrüplurüp labah.’

EZRA 9:2

Jihudarü athrürübonü khiungkerü liberü yihlu; jumonü Thrünpuh mihtsürü amüsüh müneanabah. Limberü tüsho atorübonü alübe thsüde lakmih.

NEHEMIA 10:30

Isa lo ching larü khiungkerü kheak isanü müyihluachih.

NEHEMIA 10:31

Mürangkhüh khiungkerünü hi yungsho tümükhüh handarü Amuni yungsho püpü amüsüh nimung isa ki yinsho muthulo. Kam athünepü ching isanü thulu müthsü, shozüng alala mulude abahbah.

NEHEMIA 13:23

Judüki Jihudarü ahihdonü Ashdod, Amon tüsho Moabberübo yihlukhi inü yimkhit.

NEHEMIA 13:25

Inü athruajide mihtsürübonü küyimkishe khiungkeberü ki müyihlushihpü Thrünpuh mung chingnü thiyuchihchim lushih.

MUNGSHIKHÜN 106:39

Hanangde arü nihbuh rhimobo hode arü müneanabah, tüsho arü nihbuh rhimobo hode müzammüram thsü.

HOSEA 1:2

Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.”

LEVI 21:15

yungsho apinü api mihtsürü bolung nihbuh keoniorü mümüneanjihbeah; tümüde I Atungpuh , inü api müsühkhit.

JIHUSUA 23:12

Tümüde nüsanü rholode yübah nüsa lung aninga larü trükbo lung thsürude yihluachihsho,

JIHUSUA 23:13

Atungpuh nüsa Thrünpuhnü kheakü harü trükbo nüsa müngühnü yana mübahjih dükhi nüsanü tsükjide mükheahang; tüshe nüsa thsungkheaknü arü lang atrebe qimürip tüsho azheang tüsho nüsa düthsün kheak rhapbe liu tüsho nüsa mük ching ayang zahkhi nangde, Atungpuh nüsa Thrünpuhnü ajihkhi lo atsü ching nüsa müdükheakkhamyi khiungde alabah.

MAHKHAPRÜ 14:3

Judüki abuh le abe bünenü api ki tha, “Nüsa keoniorü yungsho I mihtsürü alala bolung aliberü mülade nünü tsütamübahkhi Filistiarü kilim yübah nü niube thsüpü lupü?” Tüsho Samsonnü abuh ki tha, “ Alibe I thsungkheak lujang, tümüde inü anihbe mürühlah.”

MAHKHAPRÜ 3:5

Junangde Israelrü ju Kananrü, Hivrü, Amorrü, Perizrü, Hitrü tüsho Jebusrü lung lakheah.

MAHKHAPRÜ 3:6

Arünü arü tsührü aliberübo yamkhün thsüpü lu tüsho arü tsührübebo arü tsührü kilim jih, tüsho arünü arü thrünpuhbo tankih.

MAHKHAPRÜ 8:27

Gideonnü sunanü sangthsü khülang thsüa api lapung kiuto, Ophra ching zo. Israel alalanü Thrünpuh bahyuk tüsho yübah sangthsü kingaün. Gideon tüsho api yamkhün thsungkheaknü ju qimürip kamabah.