ABEKHIT 34:13 - AMÜSÜH HÜM CL Bible (BSI)

¹³ Arü kingaün sadam lukkheamjang, amüsüh dungjing kingkheamang, tüsho sangthsübo kiukheamang.

ABEKHIT 34:13 Iomraidhean Croise

1 KIULONG THSÜRÜ 14:15

“ Ke ching kiupung niukkhi nangde Atungpuhnü Israel shikbah; apinü arü jipürü kilim jihkhi lo atsü chingnü apinü Israel rukkhita bahbah, tüsho Euphra hode arü hiumüzütshihbah, tümütüsho arünü Atungpuh bukakhiukshihde amüsüh Ashera thsüdo.

2 KIULONG THSÜRÜ 10:27

Jushu arünü Baal dungjing tüsho arüngyam thsümünim, tüsho khihni khiungde müsümülüpung thsülah.

2 KIULONG THSÜRÜ 18:4

Apinü achang dangpung lukde dungjingbo lukkheam, tüsho Ashera sangthsü kiukheam. Apinü Mosanü athsükhi müwayinchi phuruto adütre kamde yihnak, tümüde ju nimungbo khiungde Israel mihtsürübonü ju ki kingaünde alakheah; ju Nehushtan de ajikheah.

2 KIULONG THSÜRÜ 23:14

Apinü dungjingbo adütre kamde yihthünak, Ashera sangthsübo kiushak, tüsho ju dangpungbo ching mihtsürü robonü danglo.

2 KIUTHSÜYUKHEAN 14:3

Apinü khiungkerü kingaün sadambo tüsho achang dangpungbo lude tso, dungjingbo kingkheam, Ashera thrünbebo kiukheam,

2 KIUTHSÜYUKHEAN 15:16

Kiulongthsüpuh Asanü abe Maaka she kiulongthsüberü chingnü yihkhita bah tümütüsho alibenü Ashera thsungkheaknü athraneanbe sangthsü khülang thsü. Asanü anihbe sangthsü kiukheam, züthünak, tüsho Kidron ayung chingnü takabah.

2 KIUTHSÜYUKHEAN 17:6

Api mulong ju Atungpuh limrobo ching düküngde alakheah; kheaküshe apinü achang dangpungbo tüsho Ashera thrünbebo Juda chingnü yihkhita bah.

2 KIUTHSÜYUKHEAN 24:18

Arünü Atungpuh arü jipürü Thrünpuh yam bahyuk, tüsho Ashera sangthsübo tankih. Tüsho arü amülim ha dünkheaknü Juda tüsho Jirusalem kheak Thrünpuh bukakhiukkhi arü.

2 KIUTHSÜYUKHEAN 31:1

Kheakü küyimki ha alala bankhea, bede alarü Israel alala Juda kiutobo ching wukhiuk tüsho dungjingbo yihshak, Ashera sangthsübo kiukheam, tüsho arünü alala müthsümünimyi khiungde Juda tüsho Benjamin, Ephraim tüsho Manase alala ching achang dangpungbo thokheam. Jushu Israel mihtsürü alala arü kiutobo, arü nihbuh yamalo kukruk lim rholo.

2 KIUTHSÜYUKHEAN 33:19

Api tamkhüntamnü, tüsho künangde Thrünpuhnü api tamkhüntamnü leangkhikhea, api neak alala tüsho api akin mülakhi, api mulong mümüthrichoki achang dangpungbo thsübah Ashera sangthsübo zhipshihkhi lopungbo angürü yukhean ching thrüta lah.

ABEKHIT 23:24

Nüsanü arü thrünpuhbo ki mukhukning, yungsho mütankih, yungsho arü yande mürhimo; tüshe nüsanü arü shahde lahyuka bahang tüsho amüsüh dungjingbo abümnü yihkheamjang.

ISAIA 17:8

arünü arü khahnü athsükhi kingaün sadambo mükheah, tüsho arünü arü yingkhingbonü athsükhi, Ashera sangthsü yungsho rhümthüneabe kingaün sadam wüntre müjih.

ISAIA 27:9

Jumonü hanü Jakob amülim dün shaklobah tüsho ha api neak yihkhita bahkhi sangaso labah: Küyimki apinü lung kingaün sadambo alala athrütbe-lung nangde adütre kamde züthünakbanü, Ashera sangthsü yungsho rhümthüneabe kingaün sadambo tümü aninga müzhip.

JEREMIA 17:2

arü tsührübonü she arü kingaün sadam tüsho Ashera sangthsübo lümkhitchoh, sangdung phüyak aban ki tüsho awung achangbo kheak,

MIKA 5:14

tüsho inü Ashera sangthsübo nüsa bolungnü arukkhitbah tüsho nüsa kiutobo thsümünimbah.

WÜHKHE 33:52

nüsanü ju lo ching larü alala yankhitbah lungnü kikiukkhi sangthsübo, tüsho dangpungbo alala thsümünimjang;

YUZÜNGTHALO 16:21

“Nünü Atungpuh nü Thrünpuh kingaün sadam thsükhi ki sangthsü tümü dükhim.

YUZÜNGTHALO 16:22

Atungpuh nü Thrünpuhnü athraneankhi amüsüh dungjing nünü dükhim.

YUZÜNGTHALO 7:5

Tüshe ha ruk nüsanü arü ki rhimoang: nüsanü arü yo kingaün sadam khapkheamjang, dungjingbo kingkheamjang, Ashera dungjingbo kiukheamjang, tüsho sangthsübo monü takabahjang.

MAHKHAPRÜ 2:2

Tüsho nüsanü ha lomi ching larü ki tangzüng müthsü; nüsanü arü kingaün sadam thsümünima keamshihbah.’ Tüshe nüsanü I yu mani. Tümüde nüsanü ha rhimokhea?

MAHKHAPRÜ 6:25

Ju tsüngre Atungpuhnü api ki tha, “Nü buh moshipung tüsho mahnepü moshipung kam thüne thsükhi luang, tüsho nü buh yo Baal kingaün sadam lukkheamang, tüsho ju ki sangthsü kiukheamang;

MAHKHAPRÜ 6:26

tüsho ha lungto mi kheak tsüde tsanglungbah Atungpuh nü Thrünpuh kilim kingaün sadam khülang thsüang, tüsho mahnepü moshipung lubah nünü sangthsü kiukheamkhi sangnü Atungpuh kilim laksah-a taka kingaünkhi jihang.”