ABEKHIT 34:12 - AMÜSÜH HÜM CL Bible (BSI)

¹² Nüsa yüpü lakhi lomi ching larü kheak binthrüm müthsüpü kümkangang, jude yungsho nüsa bolung arübo ju qimürip labah.

ABEKHIT 34:12 Iomraidhean Croise

1 KIULONG THSÜRÜ 11:2

Arübo ju trükshihbo chingnü, küpü thsungkheak Atungpuhnü Israelrü ki tha, “Nüsanü arü lung düyihluachih; tümüde tsükjide arünü nüsa mulong bephülapa arü thrünpuhbo yanshihbah”; judüalalashe Solomonnü arü kheak muzhode mürip.

2 KIULONG THSÜRÜ 17:10

arünü arü thsungkheak awung abande tüsho sangdung aban khüp dungjingbo tüsho Ashera sangthsübo khima zo;

2 KIUTHSÜYUKHEAN 24:18

Arünü Atungpuh arü jipürü Thrünpuh yam bahyuk, tüsho Ashera sangthsübo tankih. Tüsho arü amülim ha dünkheaknü Juda tüsho Jirusalem kheak Thrünpuh bukakhiukkhi arü.

MUNGSHIKHÜN 106:36

arünü arü sangthsübo tankih, ju arü ki qimürip kamabah.

WÜHKHE 33:52

nüsanü ju lo ching larü alala yankhitbah lungnü kikiukkhi sangthsübo, tüsho dangpungbo alala thsümünimjang;

YUZÜNGTHALO 20:18

jude yungsho arünü arü thrünpuhbo ki rhimokhi athraneanbebo yande arhimoshihpü nüsa ki thsangyubah tüsho Atungpuh nüsa Thrünpuh azhihde nüsanü neak yihbeakbah.

YUZÜNGTHALO 31:5

Tüsho Atungpuhnü arübo nüsa kilim jihbah, tüsho inü nüsa ki thiyukhüm jihkhi nangde nüsanü arü kheak rhimobah.

YUZÜNGTHALO 7:16

Tüsho Atungpuh nüsa Thrünpuhnü nüsa kilim jihkhi mihtsürübo nüsanü adükheakshihbah, nüsa müknü arü kheak mümuzho; yungsho nüsanü arü thrünpuhbo mütankih, tümüde nüsa thsungkheaknü ju qimürip labah.

YUZÜNGTHALO 7:2

tüsho küyimki Atungpuh nüsa Thrünpuhnü arübo nüsa khah ching jihbanü arübo shahde adükheakkhambah. Nüsanü arü kheak tümü tangzüng düthsü yungsho mihmüthsüm dühuh.

JIHUSUA 9:7

Tüshe Israelrübonü Hivrü ki tha, “ Tümüde isanü nüsa kheak binthrüm thsüpü? Khükijua nüsa a le aphüni larü labah.”

MAHKHAPRÜ 6:10

tüsho inü nüsa ki tha, ‘I Atungpuh nüsa Thrünpuh; nüsanü nüsa lakhi lo ching Amorrü thrünpuhbo ki wüntre müjihbeah.’ Tüshe nüsanü I yu mani.”

MAHKHAPRÜ 8:27

Gideonnü sunanü sangthsü khülang thsüa api lapung kiuto, Ophra ching zo. Israel alalanü Thrünpuh bahyuk tüsho yübah sangthsü kingaün. Gideon tüsho api yamkhün thsungkheaknü ju qimürip kamabah.