ABEKHIT 33:4 - AMÜSÜH HÜM CL Bible (BSI)

⁴ Küyimki mihtsürübonü ha lümthsünü yubo sokhea, arünü atüzhopü tankih tüsho shenü she zülu müyih.

ABEKHIT 33:4 Iomraidhean Croise

2 SAMUEL 19:24

Saul tsührü-tsührü Mephiboshet kiulongthsüpuh shorupü aki; kiulongthsüpuh Jirusalem chingnü atsokhi nimungnü tsüde alodarü khiungde apinü ajing muniuh, yungsho mükhühnam mümüwah, yungsho akhimmih mümüsühde alakheah.

1 KIULONG THSÜRÜ 21:27

Küyimki Ahabnü thiyu jurü sokhea, apinü akhim thorüp tüsho apang keangkeang kheak shungliukhim yuk; apinü khümkeak thsüde shungliukhim ching yap, tüsho mulong rozhakde mükamde tsah.

2 KIULONG THSÜRÜ 19:1

Küyimki kiulongthsüpuh Hezekianü ju sokhea, apinü akhim thorüpbah shungliukhim phuyu, tüsho Atungpuh yam ching yüzah.

EZRA 9:3

Inü küyimki ha sokhea, inü I khim thorüp tüsho I kuyü le I münnam thokhibah tüzhode bin.

JOB HU H T ANYU 1:20

Judüki Jobnü asürü, api yo shulünkhim thorüp, api ku hüt, tüsho alo kheak khukningbah kingaün.

JOB HU H T ANYU 2:12

Küyimki arünü api limshu chingnü angükhea, arünü api mükheahmütsan, arünü arü düsheak akhiuk tüsho achangnü trip; arünü atüzhokhi huhpü arü shulünkhimbo thorüp tüsho arü ku kheak asungthulung kamkih.

ABEKHIT 33:6

Jumonü Israelrünü Horeb müzüng kheak arü zülu alala khukkhi.

ISAIA 32:11

Niukang, nüsa keamramde lakhi liberübo, ajanang, nüsa reangkeamde larübo; nüsa khimmih yihkhitang, tüsho nüsa chim kheak shungliukhim yihang.

EZEKIEL 24:17

Mükhihde düsüknimang; asherü thsungkheak midütrip. Nü kuhingbe hingang, tüsho nü jingbo ching jingkhümpübo yukang; nü münküp achangbe düyihdo yungsho mahmi-jimpung dütsüh.

EZEKIEL 24:23

Kuhingbebo nüsa kubo kheak labah tüsho jingkhümpübo nüsa jing kheak labah; nüsanü mimütrip yungsho mütrip, tüshe nüsa mülimkhibo ching nüsa sühkeakeabah tüsho khülangnü khülang ki ashearabah.

EZEKIEL 26:16

Judüki keto yakzanshuhrübo alalanü arü kiulongthsü-binkiu chingnü akibah; arü shulünkhimbo tüsho arü yakkhokhi khimmihbo yihkhitbah. Arünü nihbuh zangrü ajankhinü khim thsübah alo kheak binbah; arünü kim aban ajanbah tüsho nü ki müyinsahbah.

HOSEA 7:14

Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

LEVI 10:6

Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

JONA 3:6

Küyimki thiyusheakbo ju Nineve kiulongthsüpuh khiungkhea, apinü anihbuh kiulongthsü-binkiu chingnü asürü, api shulünkhim yihkhit, shungliukhimnü anihbuh lüpdo, tüsho awah ching bin.

ZEKARIA 7:3

tüsho Wuto Atungpuh yam amükeamrü tüsho wukihrübo ki keokhipü, “ Inü kam ahihdo thsükhi nangde khinu phüngü ching tüzhode khümkeak thsüba shi?”

ZEKARIA 7:5

Lomi mihtsürü alala tüsho amükeamrübo ki thaang: Nüsanü ha kam nerü khinu phüngü tüsho thüne ching khümkeak thsükhi tüsho tüzhokhi ju I thsungkheak lakhea de?

WÜHKHE 14:1

Judüki boto alalanü düsheak achangnü zhi; tüsho mihtsürübo ju re trip.

WÜHKHE 14:39

Küyimki Mosanü Atungpuh yu Israelrü mihtsürübo ki thakhea, mihtsürübonü khitode tüzho.

1 SAMUEL 6:19

Beth-shemesh mihtsürübonü Atungpuh sangdan ching abinyuka kheahmonü arü kheak apinü shik; apinü arü mihtsürü 70 laksah. Mihtsürübonü tüzho tümütüsho Atungpuhnü mihtsürü bolung muliuhde laksah.