ABEKHIT 33:17 - AMÜSÜH HÜM CL Bible (BSI)

¹⁷ Judüki Atungpuhnü Mosa ki tha, “Nünü athakhi inü arhimobah; tümüde nü I miki mihmüthsüm ngüdo, tüsho inü nü mungnü mükheahlah.”

ABEKHIT 33:17 Iomraidhean Croise

THRÜNTAN 18:32

Apinü tha, “Atungpuh bukdakhiuk, tüsho inü khülang ki asukbah: Mürangkhüh ju ching thürü ngükhülaa küde?” Tüsho apinü alo, “Thürü thsülimnü inü ju müdükheakshih.”

THRÜNTAN 19:19

Kheakü nüsa yamlarü nüsa miki amuzho ngüdo, tüsho I rhangdung khümkhitkhi huhde nüsanü amüthsüm alü kamshihdo; inü awungbo ching tsokhide müyükhuk; ha thsümütsünü I yanphuhbah tüsho I ashebah.

THRÜNTAN 19:21

Tüsho apinü anihbuh ki tha, “Khide tsülah, inü ha she amülüjihbah; nünü athakhi kiuto inü müdükheakshih.

THRÜNTAN 6:8

Tüshe Noa a Atungpuh miki amüthsüm ngü.

ABEKHIT 33:12

Mosanü Atungpuh ki tha, “Harü mihtsürü bepü nünü I ki thade la, tüshe I lung shepü yübanü nünü I ki mümükheahshih. Inü nü mungnü mükheahlah tüsho I miki mihmüthsüm ngüdo de nünü tha.

ISAIA 45:3

Inü amiting chingnü rahpungbo tüsho rama lakhi dangpungbo chingnü lakhitbo nü jihbah, junangde I Atungpuh de nünü mükheahbah, Israel Thrünpuh, shepünü nü mungnü jicho.

ISAIA 65:24

Arünü müjiyide inü alobah, arü asukachihde lachoki inü asobah.

JOHAN 16:23

Tüsho ju nimung nüsanü I ki tümü mükheang. Atsütsü inü nüsa ki thachoh, nüsanü tümüpürü I mung chingnü I Buh ki kheangbanü apinü nüsa kilim jihbah.

YUZÜNGTHALO 9:19

Tümüde Atungpuhnü nüsa dükheakshihpü nüsa azhihde bukakhiukkhi tüsho khide masühkhi inü trede alakheah. Tüshe ju kim ching she Atungpuhnü I ki anido.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.