ABEKHIT 33:14 - AMÜSÜH HÜM CL Bible (BSI)

¹⁴ Tüsho apinü tha, “I nü lung yübah tüsho inü nü sühakhim jihbah.”

ABEKHIT 33:14 Iomraidhean Croise

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

MUNGSHIKHÜN 95:11

Jumonü inü I mulong zhipzhip ching thiyuchihchim thsü, ‘ Arünü I sühakhim ching müyüzah.’ ”

ABEKHIT 13:21

Tüsho Atungpuhnü arü müngüh animung amo dungtonü limro bepü tüsho azhing ching mo dungtonü arü kilim ayin jihpü yü, junangde animung tüsho are tsahpü lakheah.

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

JEREMIA 31:2

Atungpuhnü ha thachoh: Mihtsürü sherü nukshang chingnü tsokhidünü sunglo ching mihmüthsüm ngüdo; küyimki Israelnü sühakhim yimkhea,

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

DANIEL 12:13

Tüshe nü, nü limro ching yüang, tüsho sühakhimang; akheam nimungbo ching nü thsambah leangkhia lupü nü asürübah.”

MATHI 11:28

Nüsa rozhakrü tüsho hahmülang hanrübo alala I kilim arang, tüsho inü nüsa kilim sühakhim jihbah.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

YUZÜNGTHALO 12:10

Tüshe küyimki nüsa Jordan hode yübah Atungpuh nüsa Thrünpuhnü yamrüplurüp jihkhi ching, apinü nüsa mühirü thiriribo kheaknü sühakhimshihde nüsa akhümkhit ching labanü,

YUZÜNGTHALO 25:19

Apinü nüsa kilim yamrüplurüp jihkhi lo ching küyimki Atungpuh nüsa Thrünpuhnü mühirü thiriri kheaknü sühakhimshihbanü, nüsanü Amalekrü lümkhitpü thüning bukkhüp chingnü nankhita bahang; nüsanü dümih.

YUZÜNGTHALO 3:20

ju Atungpuhnü nüsa ruk nüsa keoniorü sühakhim müjih khiungde, tüsho arünü she Atungpuh nüsa Thrünpuhnü Jordan mungyean mümükühyi khiungde; jushu nüsa mihtsürü abannü nüsa kilim inü ajihkhi lo ching alode arübah.

YUZÜNGTHALO 31:8

Atungpuhnü nü bebah tüsho nü lung labah. Apinü nü müdükhe yungsho mübahyuk; dütre yungsho mulong dünini.”

YUZÜNGTHALO 4:37

Tümütüsho apinü nüsa bebuhrü muzho, jumonü apinü arü dunglim tsühsoniusobo mokhit; tüsho api wunü nüsa Ijip chingnü bekhit.

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

JIHUSUA 21:44

Arü jipürü ki tangzüngkhi nangde Atungpuhnü lomi mühi alala ching mungtsü jih. Arü riri shenü lang she arü azhihde müzhipkhuk, tümüde thiriri alala Atungpuhnü Israelrü khah ching jih.

JIHUSUA 22:4

Kheakü, apinü thiyuchihchimkhi nangde, Atungpuh nüsa Thrünpuhnü nüsa keoniorü Israelrü kilim mungtsü jihdo. Jumonü Jordan thripkhüh lim Atungpuh yamlarü Mosanü ajihkhi küpü nüsa yamalo la, ju ching nihbuh yam yimde yüang.

JIHUSUA 23:1

Atungpuhnü Israelrübo arü mühi thiriribo khah chingnü khümkhitbah kim ashang dunglim, küyimki Jihusua ashinbuhrü kamkhea,