ABEKHIT 33:13 - AMÜSÜH HÜM CL Bible (BSI)

¹³ Jumonü inü tamkhüntamnüchoh, I nü miki mihmüthsüm lasho, kheakü I ki nü limro huhang, junangde inü nü mükheahbah tüsho nü miki I mihmüthsüm ngübah. Tüsho ha trükshih nü mihtsürü ah de lümang.”

ABEKHIT 33:13 Iomraidhean Croise

2 SAMUEL 15:25

Judüki kiulongthsüpuhnü Zadok ki tha, “Thrünpuh sangdan hanlobah kiuto ching yüzahang. Atungpuh miki I mihmuzho ngüsho, apinü I belode arübah tüsho ju le azopung dangpung ane chido ngüloshihbah.

MUNGSHIKHÜN 103:7

Apinü api limrobo Mosa ki, api rhimobo Israel mihtsürübo ki mükheahshih.

MUNGSHIKHÜN 119:33

O Atungpuh , nü yakzanbo amütsan I ki thsangyuang, tüsho inü ju akheam khiungde azobah.

MUNGSHIKHÜN 25:4

I ki nü limro mükheahshang, O Atungpuh ; I ki nü limrobo thsangyuang.

MUNGSHIKHÜN 27:11

I ki nü limro thsangyuang, O Atungpuh ; I riribo hihlale I limro amukhiung ching beang.

MUNGSHIKHÜN 51:13

Judüki inü athsümünimrü ki nü limrobo thsangyubah. Tüsho aneakrübo nü kilim rholobah.

MUNGSHIKHÜN 86:11

I ki nü limro thsangyuang, O Atungpuh ; inü nü thiyuro ching tsahbah; nü mung trepü thsüde I mulong arihshang.

ABEKHIT 3:10

Jumonü kheakü Ijip lomi chingnü I mihtsürübo bekhitpü inü nü Pharao kilim yüshihchoh.”

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ABEKHIT 32:12

Tümüde Ijiprünü, ‘Apinü arübo thsümünimpü, müzüngbo chingnü alaksahpü, tüsho alomi kheaknü dükheakshihpü bekhita lah’ de athashihpü? Nü bukakhiukkhi chingnü rholoang, tüsho nü mihtsürü thsümünimpü chingnü lümaloang.

ABEKHIT 32:14

Jumonü Atungpuhnü api mihtsürü thsümünimpü chingnü lümalo.

ABEKHIT 32:7

Tüsho Atungpuhnü Mosa ki tha, “Yükiang, tümütüsho nünü Ijip lomi chingnü bekhitkhi nü mihtsürü müneana lah.

ABEKHIT 34:9

Apinü tha, “O Atungpuh , I nü miki mihmüthsüm ngüa lasho, isa anihnih mihtsürü thsüa lalashe Atungpuh isa lung yüang de inü tamkhüntamnüchoh; isanü alakmihkhi tüsho isa neak bahjang tüsho nü yamrüplurüp nangde isa luang.”

ABEKHIT 5:1

Ju dunglim Mosa tüsho Aron Ijip kiulongthsüpuh kilim yübah tha, “Israel Thrünpuh, Atungpuhnü hade thachoh, ‘I mihtsürübo yüshang, junangde arünü sunglo ching I thsungkheaknü thünio thsübah.’”

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

ISAIA 63:17

Tümüde, O Atungpuh , nünü isa nü limro chingnü tsoshihcho tüsho isanü nü mütrepü thsüde isa mulong müküpshihcho? Nü yamlarübo mung chingnü, nü yamrüplurüp trükbo mung chingnü rholoang.

ISAIA 63:19

Isa ashangkhüh nünü yakzan mushuhkhi nangde, nü mungnü müjirü nangde lado.

JOEL 2:17

Mükü tüsho kingaün sadam dükeak ching Atungpuh tankihrü, amükeamrübonü tripshang. Arünü thashang, “ Nü mihtsürübo aninga lashang, O Atungpuh , tüsho nü yamrüplurüp ha trükshih bolung keangrümüne, münedung dükamshih. Tümüde mihtsürü bolung ha thashihpü, ‘ Arü Thrünpuh küching la?’”

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

ROMRÜ KILIM PAULNÜ ATHRÜTKHI KIHÜM HUHTANYU 11:28

Tümütüsho arünü thiyusheak atsü bahyukkhinü nüsa khiungkerü dünlimnü Jihudarü ju Thrünpuh riribo. Tüshe Thrünpuhnü amokhitkhi, arü jipürübo dünlimnü api müyamrübo ah.

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

YUZÜNGTHALO 9:26

Tüsho inü Atungpuh ki tamkhüntamnü, O Wuto Atungpuh , nü tokhinü rhokhitkhi, nü khah sühmüh atonü Ijip chingnü abekhitkhi, nü mihtsürü tüsho nü yamrüplurüp düdükheakshih.

YUZÜNGTHALO 9:29

Judüalalashe arübo, nü wu-sühmüh tüsho nü khah chunghuhde abekhitkhi, nü mihtsürü tüsho nü yamrüplurüp ah.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.