ABEKHIT 33:12 - AMÜSÜH HÜM CL Bible (BSI)

¹² Mosanü Atungpuh ki tha, “Harü mihtsürü bepü nünü I ki thade la, tüshe I lung shepü yübanü nünü I ki mümükheahshih. Inü nü mungnü mükheahlah tüsho I miki mihmüthsüm ngüdo de nünü tha.

ABEKHIT 33:12 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

2 SAMUEL 15:25

Judüki kiulongthsüpuhnü Zadok ki tha, “Thrünpuh sangdan hanlobah kiuto ching yüzahang. Atungpuh miki I mihmuzho ngüsho, apinü I belode arübah tüsho ju le azopung dangpung ane chido ngüloshihbah.

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

ABEKHIT 3:10

Jumonü kheakü Ijip lomi chingnü I mihtsürübo bekhitpü inü nü Pharao kilim yüshihchoh.”

ABEKHIT 3:4

Mosa thüninde arükhi küyimki Atungpuhnü angükhea, sangrung phulung chingnü Atungpuhnü Mosa jide tha, “ Mosa! Mosa!” Apinü alo, “I ha kheak lah.”

ABEKHIT 32:34

Kheakü inü athakhi dangpung ching mihtsürübo bede yüang, tüsho I yunirü nü müngüh yübah. Judüalalashe, küyimki thsümüchipü kim arübanü, inü arü neak dünkheak arübo thsümüchibah.”

ABEKHIT 33:1

Atungpuhnü Mosa ki tha, “Nü tüsho nünü Ijip lomi chingnü bekhitkhi mihtsürübo ha dangpung chingnü chamachihang, tüsho inü Abraham, Isak, Jakob tüsho arü tsühsoniusobo jihpü alokhikhi lomi ching yüang.

ABEKHIT 33:17

Judüki Atungpuhnü Mosa ki tha, “Nünü athakhi inü arhimobah; tümüde nü I miki mihmüthsüm ngüdo, tüsho inü nü mungnü mükheahlah.”

ABEKHIT 33:2

Inü yunirü khülang nüsa müngüh yüshihbah tüsho Kananrü, Amorrü, Hitrü, Perizrü, Hivrü tüsho Jebusrü yankhitshihbah.

ABEKHIT 34:9

Apinü tha, “O Atungpuh , I nü miki mihmüthsüm ngüa lasho, isa anihnih mihtsürü thsüa lalashe Atungpuh isa lung yüang de inü tamkhüntamnüchoh; isanü alakmihkhi tüsho isa neak bahjang tüsho nü yamrüplurüp nangde isa luang.”

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 45:3

Inü amiting chingnü rahpungbo tüsho rama lakhi dangpungbo chingnü lakhitbo nü jihbah, junangde I Atungpuh de nünü mükheahbah, Israel Thrünpuh, shepünü nü mungnü jicho.

JEREMIA 1:5

“ Inü nü nuyam ching müthrünchokinü inü nü mükheahlah, tüsho nü müzübeyide inü nü müsühkhit; inü nü trükshihbo kilim wukihrü khülang thsüpü mokhit.”

HAGGAI 2:5

nüsa Ijip chingnü akhiukchoki inü nüsa ki alokhikhi nangde. I me nüsa lung lah; dütre.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”