ABEKHIT 33:11 - AMÜSÜH HÜM CL Bible (BSI)

¹¹ Mihtsürünü müyamrü ki asukachihkhi nangde Atungpuhnü Mosa ki miro le miro asukachihde alakheah. Jushu Mosanü binkheampung lim alode yü, tüshe api rungbuh Nun tsührü athrününgtsüng Jihusua a khimyam chingnü makhin.

ABEKHIT 33:11 Iomraidhean Croise

THRÜNTAN 32:30

Jakobnü ju dangpung mung Peniel de ji: “Tümüde inü mironü miro Thrünpuh ngüdo, tüshe I rhangdung aninga lah.”

2 KIUTHSÜYUKHEAN 20:7

O isa Thrünpuh, nünü ha lomi ching larü nü mihtsürü Israel müngühnü yankhit, tüsho ju nü müyambuh Abraham tsühsoniusobo kilim lün thsungkheak jihkhi yung de?

JOB HU H T ANYU 16:21

Mihtsürünü müyamrü thsungkheak mushukhi nangde khürünü I thsungkheak Thrünpuh ki mushujihkhülaa.

ABEKHIT 17:9

Tüsho Mosanü Jihusua ki tha, “ Mihtsürü khürü mokhitang tüsho wukhiukbah Amalekrü bede keochihang. Shido Thrünpuh tso I khah ching shuhbah awung mujuk kheak zhipbah.”

ABEKHIT 24:13

Jumonü Mosanü api rungbuh Jihusua bebah tsahmusu tüsho Atungpuh müzüng kheak wutu.

ABEKHIT 32:17

Küyimki Jihusuanü mihtsürü alanajikhi sokhea, apinü Mosa ki tha, “Binkheampung ching thirithsü düsheak lah.”

ABEKHIT 33:10

Küyimki mihtsürübonü amo dungto khimyam ripit ki zhipde angübanü, arü alala nihbuh khimyam ripit ki wusurü tüsho kingaün.

ABEKHIT 33:9

Küyimki Mosa khimyam ching yüzahbanü, amo dungto akibah khimyam ripit ki zhip tüsho Atungpuhnü Mosa ki asukachih.

ISAIA 42:8

I Atungpuh ah, ju I mung; I müretahkhi püpürü kilim, yungsho I mungshi sangthsübo kilim müjih.

WÜHKHE 11:28

Tüsho Nun tsührü Jihusua athunu kim chingnü Mosa rungrü, apinü amokhitkhi mihtsürünü tha, “ I tungpuh Mosa, arübo zhipdoang.”

WÜHKHE 12:7

I yamlarü Mosa ki a ju ruk yung; inü api Israel mihtsürü athrünkhi kurungkheak zojihlah.

WÜHKHE 12:8

Jumonü inü api kheak mironü miro khipkhitde asukachih, neamneamde yung; tüsho apinü Atungpuh pang she ngüdo. Jumonü tümüde nükenü I yamlarü Mosa azhihde athapü mütrekhea?”

JOHAN 11:11

Apinü harü tha, tüsho ju dunglim arü ki tha, “Isa müyamrü Lazar yapa lah, tüshe inü api yihmusupü thsüde ayübah.”

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

YUZÜNGTHALO 31:14

Atungpuhnü Mosa ki tha, “Kheahang, nü ashepü nimung khiungchoh; Jihusua jiang tüsho ashorupung khimyam ching bebah arang, junangde inü api kheak rhimo nimkihanü.” Jumonü Mosa le Jihusua anenü ashorupung khimyam ching yü.

YUZÜNGTHALO 34:10

Tüshe Jushu a Israel ching Atungpuhnü mironü miro mükheahkhi Mosa nangde wukihrü masürü,

YUZÜNGTHALO 5:4

Awung kheak mo phulungnü Atungpuhnü nüsa ki mironü miro ki asukachih.

JAKOB 2:23

tüsho amüsühyu dünjide tha, “Abrahamnü Thrünpuh kin, tüsho api kilim thiyuro-lungki khejih”; tüsho api ju Thrünpuh müyambuh de ji.