ABEKHIT 32:5 - AMÜSÜH HÜM CL Bible (BSI)

⁵ Küyimki Aronnü ju ngükhea, apinü ju miki kingaün sadam khülang thsü Tüsho Aronnü zhiyukde tha, “Shido Atungpuh ki thünio khülang labah.”

ABEKHIT 32:5 Iomraidhean Croise

1 KIULONG THSÜRÜ 21:9

Alibenü kihümbo ching thrüt, “ Khümkeak thsüpü zhiyukang, tüsho amukhungrü bolung Naboth ju adungtobe thsüde binshang;

2 KIULONG THSÜRÜ 10:20

Jehunü thiyukhüm jih, “Baal ki wüntre jihde amukhung khülang lapü jiang.” Jumonü arünü ju zhiyuk.

2 KIULONG THSÜRÜ 16:11

Amükeambuh Urianü kingaün sadam thsü; junangde amükeambuh Urianü kingaün sadam ju ruk thsü tüsho Damaska chingnü Ahaz malodarüyide thsükham.

2 KIUTHSÜYUKHEAN 30:5

Junangde mihtsürübonü arübah Jirusalem ching Atungpuh Israel Thrünpuh kilim phungho-thünio mungpü Beersheba chingnü Dan khiungde Israel alala ching zhiyukpü arünü yakzan thsü; tümüde thrüta lakhi nangde arünü mihhihde mümukhungde alakheah.

ABEKHIT 10:9

Tüsho Mosanü alo, “Isa azürü tüsho azorü alala tsobah; isa tsührübo le tsührübebo, mihnu le moshi boto bebah atsobah, tümütüsho isanü Atungpuh kilim thüniopü lah.”

ABEKHIT 12:14

Jumonü ha nüsanü mümihkhi nimung khülang labah; tüsho nüsa lünbo ching nüsanü Atungpuh ki akheam mülakhi yuzüng kamde thüniode alabah.

ABEKHIT 17:15

Tüsho Mosanü kingaün sadam khülang thsübah amung ji, Atungpuh ju I yo riphin.

ABEKHIT 32:4

Apinü arü khah chingnü suna leangkhi tüsho akheanbenü thsüde moshipung-nunu khülang zünkhitjih. Judüki arünü tha, “O Israel, ha nüsa Ijip lomi chingnü abekhitkhi nüsa thrünpuh ah!”

ABEKHIT 32:6

Ashidopü arünü mükikde asürübah taka kingaünbo, mungtsü kingaünbo jih; mihtsürübonü atsühpü tüsho ayungpü bin tüsho milimyulimnü apheande wusu.

HOSEA 8:11

Ephraimnü neak kingaün thsungkheak kingaün sadam ahihdo thsüthsü she, harübo api ki neak yihbeakpung kingaün sadambo kamdo.

HOSEA 8:14

Israelnü api Thrünrü mihdo, tüsho kiulongthsürü-yambo thsüa lah; tüsho Judanü kiuto ahihdo chipi ayündo; tüshe inü arü kiutobo kheak mo thsahkihbah, tüsho hanü api chipibo takabahbah.

LEVI 23:2

Israel trükbo ki thaang: Harü ha akhukhitkhi Atungpuh thüniobo, nüsanü amüsüh amukhung ah de azhiyukpü lah.

LEVI 23:21

Tüsho ju ninü nüsanü zhiyukjang; nüsanü amüsüh amukhung khülang labah; nüsanü rhimo achak tümü she mürhimo: ha nüsa lapung abande kamruhroro nüsa lün amuyung yakzan labah.

LEVI 23:37

Harü ha nüsanü Atungpuh thüniobo, amüsüh amukhung kim ah de azhiyukpü lah, ju Atungpuh kilim taka kingaünkhi tüsho hi kingaünkhi, shuhmülanga jihkhi tüsho yukhu kingaün, buh nimungmung akhukhitkhi yande ajihbe ah.

LEVI 23:4

Harü ha Atungpuh thüniobo, amüsüh amukhungbo, nüsanü akhukhitkhi kim ching zhiyukjihpü lah.

1 KORINT 5:8

Jumonü isanü lungchihkhi tüsho amütsü awün phaümnü yung tüshe atsangkhitkhi tüsho thiyuro phaüm muyukkhi yikhap bede thünio leangkhianü.

1 SAMUEL 14:35

Tüsho Saulnü Atungpuh kilim kingaün sadam khülang thsü; ha apinü Atungpuh kilim kingaün sadam thsükhi akhuhbe lakheah.