ABEKHIT 32:4 - AMÜSÜH HÜM CL Bible (BSI)

⁴ Apinü arü khah chingnü suna leangkhi tüsho akheanbenü thsüde moshipung-nunu khülang zünkhitjih. Judüki arünü tha, “O Israel, ha nüsa Ijip lomi chingnü abekhitkhi nüsa thrünpuh ah!”

ABEKHIT 32:4 Iomraidhean Croise

1 KIULONG THSÜRÜ 12:28

Jumonü kiulongthsüpuhnü lümkhi lu tüsho suna moshi nunu mahne thsü. Apinü mihtsürübo ki tha, “Nüsa Jirusalem lim khide shude wutudo. O Israel, nüsa Ijip lo chingnü bekhitkhi nüsa thrünpuhbo ha kheak lah.”

1 KIULONG THSÜRÜ 12:32

Jeroboamnü Juda ching lakhi thünio nangde khinu tizheah nimung thürükheak phüngü nipü thünio mungpü akhukhit, tüsho apinü kingaün sadam kheak laksah-a kingaünkhibo jih; junangde apinü athsükhi moshi nunubo kilim Bethel ching laksah-a kingaün. Tüsho apinü athsükhi awung achangbo amükeamrübo ju Bethel ching zojih.

2 KIULONG THSÜRÜ 10:20

Jehunü thiyukhüm jih, “Baal ki wüntre jihde amukhung khülang lapü jiang.” Jumonü arünü ju zhiyuk.

2 KIULONG THSÜRÜ 10:29

Tüshe Jehunü Nebat tsührü Jeroboam neakbo chingnü murholode, apinü Bethel tüsho Dan ching thsükhi suna moshi nunubo kingaünde Israel neak yihbeakshih.

2 KIUTHSÜYUKHEAN 11:15

tüsho achang dangpungbo, mihnurimri, tüsho apinü athsükhi moshi nunubo thsungkheak anihbuh yo amükeamrübo moyuk.

2 KIUTHSÜYUKHEAN 13:8

“Tüsho kheakü David tsührübo khah ching Atungpuh kiulongthsü azhihkhukbah de nüsanü lümlah, tümütüsho nüsa mih hihlah tüsho Jeroboamnü nüsa thsungkheak suna moshi nunu thsükhi thrünpuhbo nüsa lung lah.

NEHEMIA 9:18

Arünü sangthsü moshi nunu pang yande thsü tüsho ju thrünpuhnü arü Ijip chingnü bekhit de tha! Arünü küdükhüh mükhemükimde, Atungpuh !

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 20:23

Nüsanü I kheak atrude shotoyinchi thrünpuhbo, suna thrünpuhbo nüsa thsungkheak tümü düthsü.

ABEKHIT 20:4

“Nünü nü thsungkheak thüning, yungsho alo kheak lakhi, yungsho ke ching lakhi tümükhüh kiphahde sangthsü düthsü;

ABEKHIT 28:11

Mütsanyüm kheak dokihkhi nangde lung kheak dokihbenü Israel tsührübo mung lung mahne kheak kheande dokihang. Nünü jurübo sunanü züt thsüjang,

ABEKHIT 28:9

Jushu nünü lungmütri mahne luang tüsho jurü kheak Israel tsührübo mung kheande dokihang:

ABEKHIT 32:1

Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

ABEKHIT 32:24

Tüsho inü arü ki tha, ‘Sherü suna lanü arünü yihkhitshang.’ Jumonü arünü I kilim jih, tüsho inü ju mo ching jipyuk tüsho ha moshipungnunu akhiuk.”

ABEKHIT 32:3

Jumonü mihtsürü alalanü arü nüpübo yihkhita Aron kilim lubah arü.

ABEKHIT 32:35

Jumonü Atungpuhnü mihtsürübo kheak arüm khülang arüshih, tümütüsho arünü Aron athsunga suna moshipung-nunu thsüshih.

ABEKHIT 32:5

Küyimki Aronnü ju ngükhea, apinü ju miki kingaün sadam khülang thsü Tüsho Aronnü zhiyukde tha, “Shido Atungpuh ki thünio khülang labah.”

ABEKHIT 32:7

Tüsho Atungpuhnü Mosa ki tha, “Yükiang, tümütüsho nünü Ijip lomi chingnü bekhitkhi nü mihtsürü müneana lah.

ABEKHIT 32:8

Inü arü ki thiyukhüm jihkhi chingnü nahde rholode tsodo tüsho arü thsungkheak moshipungnunu mejak khülang thsüa lah. Arünü ju miki mükhümde laksah-a kingaün tüsho tha, ‘O Israel, harü ha nüsa Ijip lomi chingnü bekhitkhi nüsa thrünpuhbo ah.’”

ISAIA 30:22

Judüki nüsanü shotoyinchinü alüpdokhi sangthsübo tüsho sunanü alüpdokhi sangthsübo müneanbah. Thiyih müneankhi khim nangde nüsanü hiumüzüta bahbah; nüsanü arü ki thabah, “Tsoabahang!”

ISAIA 46:6

Sherünü qiuqiununu chingnü suna yihkhita jihcho, tüsho wuhzhin kheaknü shotoyinchi adüncho– arünü thrünpuh thsürü sunakingrü mulochoh; jushu arünü khukningchoh tüsho kingaünchoh!

EZEKIEL 23:8

Alibenü Ijip ching müzammüram rhimokhi mutuklo; tümüde anünüchoki athrününgtsüng mihtsürübonü anihbe lung yap tüsho anihbe atsangkhit treangbo neamjih tüsho arü künkhi anihbe kheak dungkihjih.

HOSEA 10:5

Samaria ching larü ju Beth-aven moshi nunu dünkheaknü ajanchoh. Mihtsürübonü ha dünkheak tüzhobah, tüsho ha kheaknü müretah tsokhi dünkheak ju kingaünrü amükeamrübonü mitripbah.

HOSEA 13:2

Tüsho kheakü arünü alü neak yihbeakchoh tüsho arü anikhitkhi yande shotoyinchinü sangthsübo thsüchoh, arü alala rhimorünü athsükhi rhimobo lah, “Harü ki laksah-a kingaünang,” arünü tha. Mihtsürübonü moshi nunubo müthsüpchoh.

YUNIRÜBO RHIMO 17:29

Jumonü Thrünpuh tsührübo a le, isanü aphü ju suna, shotoyinchi, lung, kikiukkhi tüsho mihtsürü lümkhi nangde ah de mülümbeah.

YUNIRÜBO RHIMO 7:41

Arünü jurü nimungbo ching moshinunu khülang thsü, tüsho sangthsü kilim laksah-a kingaün jihde arü khahnü athsükhi ching asühachih.

1 KORINT 10:7

Arü khürü nangde sangthsü kingaünrü düthsü; ha thrüta lah, “Mihtsürübonü binbah tsühyung tüsho atsünpü wusu.”

YUZÜNGTHALO 9:16

Tüsho inü kheahshe, ju ching nüsanü Atungpuh nüsa Thrünpuh azhihde neak yihbeaka lakheah, tüsho nüsa thsungkheaknü sangthsü moshi nunu kiphahde thsü. Atungpuhnü thiyukhüm jihkhi limro chingnü nüsanü nahde akhin.

MAHKHAPRÜ 8:24

Tüsho Gideonnü arü ki tha, “Inü nüsa ki khülang mushuanü; nüsanü ayankhikhi shihcham chingnü I kilim mihbüm abannü suna nüpü jihang.” (Arübo suna nüpübo lakheah, tümütüsho arübo Ishmaelrü lakheah.)

MAHKHAPRÜ 8:27

Gideonnü sunanü sangthsü khülang thsüa api lapung kiuto, Ophra ching zo. Israel alalanü Thrünpuh bahyuk tüsho yübah sangthsü kingaün. Gideon tüsho api yamkhün thsungkheaknü ju qimürip kamabah.