ABEKHIT 32:34 - AMÜSÜH HÜM CL Bible (BSI)

³⁴ Kheakü inü athakhi dangpung ching mihtsürübo bede yüang, tüsho I yunirü nü müngüh yübah. Judüalalashe, küyimki thsümüchipü kim arübanü, inü arü neak dünkheak arübo thsümüchibah.”

ABEKHIT 32:34 Iomraidhean Croise

MUNGSHIKHÜN 99:8

Nünü arü ki alojih, O Atungpuh isa Thrünpuh; nünü arü rhimobo kheak royima lalashe nü a arü ki neak bahjihrü Thrünpuh lakheah.

ABEKHIT 15:17

Nünü arü bede yüzahbah nü wung kheak khimbah, O Atungpuh , nünü nü lapung thsükhi dangpung, O Atungpuh , nü khahnü athsükhi arüngakopung.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ABEKHIT 23:20

“Kheahang, nüsa limro ching kümshihpü tüsho inü tsanglungkhi dangpung ching nüsa bede yüzahshihpü nüsa müngüh yunirü khülang thiyichoh.

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 33:12

Mosanü Atungpuh ki tha, “Harü mihtsürü bepü nünü I ki thade la, tüshe I lung shepü yübanü nünü I ki mümükheahshih. Inü nü mungnü mükheahlah tüsho I miki mihmüthsüm ngüdo de nünü tha.

ABEKHIT 33:2

Inü yunirü khülang nüsa müngüh yüshihbah tüsho Kananrü, Amorrü, Hitrü, Perizrü, Hivrü tüsho Jebusrü yankhitshihbah.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

JEREMIA 14:10

Ha mihtsürü dünkheaknü Atungpuhnü ha thachoh: Tsükjide arünü rümde atsahpü muzhodo, arünü arü jing mutuklo; jumonü Atungpuhnü arü müleangkhi, kheakü apinü arü mülimkhibo lümkhitbah tüsho arü neakbo dünkheak thsümüchibah.

JEREMIA 23:2

Jumonü Atungpuh Israel Thrünpuhnü, I mihtsürü kümrü yakzanshuhrübo dünkheak ha thachoh: Nüsanü I mihtsürübo müküm; nüsanü arübo yanmüzüt tüsho yana tsoshihdo. Jumonü nüsa rhimo amütsü thsungkheak inü nüsa thsümüchibah. Atungpuhnü thachoh.

JEREMIA 5:29

Hadürü thsungkheak inü arü müthsümüchibea de? Atungpuhnü thachoh, tüsho hadürü trükshih kheak inü romüyimbea de?

JEREMIA 5:9

Hadürü dünkheak inü arü müthsümüchiba de? Atungpuhnü thachoh; tüsho hadürü hode inü trükshih kheak romüyimba de?

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

AMOS 3:14

Inü Israelnü alakmihkhi dün thsümüchi nimung, inü Bethel kingaün sadambo thsümünimbah, tüsho kingaün sadam juhbo lipkhibah tüsho alo ching keambah.

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

WÜHKHE 20:16

Küyimki isanü Atungpuh ki zhikhea, apinü isa düsheak sobah yunirü thiyi tüsho isa Ijip chingnü bede akhiuk; kheakü isa nü lomi aredung yean, Kadesh kiuto ching lah.

MATHI 23:35

junangde thiyuro-lungkirü Abel thiyih kheaknü nüsanü arüngyam le kingaün sadam dükeak laksahkhi Berekia tsührü Zekaria thiyih khiungde, alomi ching thiyuro-lungkirü thiyih bukkhi alala nüsa kheak arübah.

YUZÜNGTHALO 32:35

Royimpü tüsho ashaklopü I yo, akhukhi kim ching arü jing lihbah; tümüde arü thsümüchipü nimung thüninde lah, tüsho arü kiuyuk aphüni lah.