ABEKHIT 32:15 - AMÜSÜH HÜM CL Bible (BSI)

¹⁵ Mosanü rholobah müzüng chingnü aki, tüsho thiyuzüng lungbeak mahne api khah ching lakheah. Lungbeakbo ju thrip aban thrütkih-a lakheah.

ABEKHIT 32:15 Iomraidhean Croise

MUNGSHIKHÜN 19:7

Atungpuh yakzan ju banthsanglah, hanü sühmüh aso jihchoh; Atungpuh yukhümbo ju mulonglambe, amülarü kilim lümlung jihchoh.

ABEKHIT 16:34

Atungpuhnü Mosa ki thiyukhüm jihkhi nangde, azokhukpü thsüde manna ju tangzüng sangdan miki yuka zo.

ABEKHIT 24:12

Atungpuhnü Mosa ki tha, “I kilim müzüng kheak atuang tüsho ju ching aleangang; tüsho inü nü kilim inü athrütkhi lungbeakbo, yakzan tüsho thiyukhümbo nünü arü ki thsangyushihpü jihbah.”

ABEKHIT 24:18

Jumonü Mosanü amo phulung ju yüzah tüsho müzüng kheak wutu. Tüsho Mosa ju nimung yirü tüsho tsüngre yirü müzüng kheak lakheah.

ABEKHIT 31:18

Tüsho küyimki apinü Sinai Müzüng kheak Mosa ki asukachihkhamkhea, apinü anihbuh kilim Thrünpuhnü thiyukhüm thrütkihkhi lungbeak mahne jih.

ABEKHIT 32:16

Lungbeakbo ju Thrünpuh rhimo lakheah, tüsho lungbeakbo kheak Thrünpuh khahthrüt thrütkih-a lakheah.

ABEKHIT 34:29

Küyimki Mosa Sinai Müzüng kheaknü khah ching thiyuzüng lungbeak mahne shuhbah akikhea, api miro zhingzhingkhi anihbuhnü mümükheah, tümütüsho apinü Atungpuh lung asukachih.

ABEKHIT 40:20

Apinü lungbeak mahne ju lubah tangzüng sangdan ching yuk, sangdan phuhpho ching akhrihbebo yuk, tüsho sangdan mikheak mihmüthsüm binkiu yihkih.

2 KORINT 3:3

tüsho nüsa ju isanü tankihkhi chingnü, dokenü yungde arhang Thrünpuh Menü, lungbeakbo kheak yungde mihtsürü mulongbo kheak thrütkhi Khrista kilimnü kihüm ah de nüsanü huhchoh.

2 KORINT 3:7

Kheakü asheshihbe yakzan lungbeak kheak thrütkihkhi, akheambe thsüa lalashe, azhingzhingkhinü Israelrünü Mosa miro mükheahkhukde, müretahde arükheasho,

YUZÜNGTHALO 5:22

“Atungpuhnü ha yubo alala awung ching mo phulung, amo, azhingdokhi ching düsheak atonü nüsa amukhungrü alala ki thado; tüsho apinü püpü tümü mütha. Tüsho apinü jurübo lungbeak mahne kheak thrütbahle I kilim jih.

YUZÜNGTHALO 9:15

“Jumonü I rholobah müzüng chingnü aki tüsho müzüng ju monü takde alakheah; tüsho tangzüng lungbeak mahne ju I khah ching lakheah.

IBRI 9:4

Ju ching rhümthünea takbe suna kingaün sadam tüsho sunanü alüpdokhi tangzüng sangdan lakheah. Ha sangdan ching ju manna zahkhi suna pangjiphüh, apungkhi Aron tso, tüsho tangzüng lungbeakbo lakheah;

AMIKHEAKAKHIUKKHI 5:1

Tüsho kiulongthsü-binkiu kheak binbuh khah tsülim ching, thripkhüh thripkhüh thrütkhi küpqiu, mütsanyüm thünenü yümbah inü ngü;