ABEKHIT 32:14 - AMÜSÜH HÜM CL Bible (BSI)

¹⁴ Jumonü Atungpuhnü api mihtsürü thsümünimpü chingnü lümalo.

ABEKHIT 32:14 Iomraidhean Croise

THRÜNTAN 6:6

Tüsho apinü alomi kheak mihtsürü thrünkhi dünkheak Atungpuhnü mulong ashide lüm, tüsho api mulong rozhakde alakheah.

2 SAMUEL 24:16

Tüshe küyimki yunirünü athsümünimpü Jirusalem lim akhah chungkhea, Atungpuhnü amütsü dünkheak lümlo, tüsho mihtsürü bolung athsümünimpü hanbah arürü yunirü ki ju tha, “Ha suhdo, kheakü nü khah tukloang.” Judüki Atungpuh yunirü ju Jebusrü Arauna hinitpung ching lakheah.

1 KIUTHSÜYUKHEAN 21:15

Tüsho Jirusalem thsümünimshihpü Thrünpuhnü yunirü khülang yüshih; tüshe küyimki apinü athsümünimpü thsükhea, Atungpuhnü thsümütsü dünkheak lümalo; apinü athsümünimrü yunirü ki tha, “Suhdo! Nü khah tukloang.” Judüki Atungpuh yunirü ju Jebusrü Arauna hinitpung ki zhipde alakheah.

MUNGSHIKHÜN 106:23

Küyimki Thrünpuhnü api mihtsürü thsümünimpü thakhea, apinü mokhitkhi yamlarü Mosanü Thrünpuh reanglode zhip tüsho arü thsümünimpü api bukakhiukkhi tukloshih.

MUNGSHIKHÜN 106:45

tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

ABEKHIT 33:13

Jumonü inü tamkhüntamnüchoh, I nü miki mihmüthsüm lasho, kheakü I ki nü limro huhang, junangde inü nü mükheahbah tüsho nü miki I mihmüthsüm ngübah. Tüsho ha trükshih nü mihtsürü ah de lümang.”

JEREMIA 18:8

tüshe inü athakhi trükshihnü amütsü chingnü rholosho, inü thsümütsü handarüpü lakhi chingnü I lümkhi müthribah.

JEREMIA 26:13

Kheakü jumonü nüsa limrobo tüsho nüsa rhimobo thsüphuloang, tüsho Atungpuh nüsa Thrünpuh yu aniang, tüsho Atungpuhnü nüsa azhihde athakhi thsümütsü alala dünkheak api lümkhi müthribah.

JEREMIA 26:19

Juda kiulongthsüpuh Hezekia tüsho Juda alalanü atsütsü api sheshihkhea de? Apinü Atungpuh mütrekhea de tüsho Atungpuh amuzho thsungkheak mumushu de, tüsho apinü arü azhihde athakhi thsümütsü dünkheak Atungpuh lümkhi mümüthrikhea de? Tüshe isa a isa kheak thsümütsü ato handarüpü thsüchoh!”

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

AMOS 7:3

Atungpuhnü ha dünkheak lümalo; “Ha jude müthsü,” Atungpuhnü tha.

AMOS 7:6

Ha dünkheak Atungpuhnü lümalo; “Ha she jude müthsü,” Atungpuh Thrünpuhnü tha.

JONA 3:10

Küyimki arünü arhimokhi, arü amütsü limrobo chingnü rholokhi Thrünpuhnü angükhea, apinü arü kheak thsümütsü hande arüpü thakhi Thrünpuhnü api lüm müthri; tüsho apinü ju mürhimo.

JONA 4:2

Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

WÜHKHE 14:20

Tüsho Atungpuhnü tha, “Nü yu yande, inü neak bahjihdo;

YUZÜNGTHALO 10:10

“Akhuhlim rhimokhi nangde, inü müzüng ching nimung yirü tüsho tsüngre yirü mung; ju kim ching she Atungpuhnü I ki anijihdo, tüsho apinü nüsa dükheakshihpü mumulongde kam.

YUZÜNGTHALO 32:26

Inü hade thakhülaa, Inü arü ashang ching hiumüzütshihbah, inü arü mihtsürü bolungnü alümkhitpü arün thsüshihbah,

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

MAHKHAPRÜ 2:18

Küyimki Atungpuhnü arü thsungkheaknü mahkhaprü arüshihkhea, Atungpuh ju mahkhaprü lung la, tüsho apinü arübo mahkhaprü nimungbo alala ching arü riri khah chingnü khümkhit; tümütüsho arü junode thsümüchirü dünkheaknü tüzhochoki Atungpuhnü mihmuzho huh.

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.