ABEKHIT 32:12 - AMÜSÜH HÜM CL Bible (BSI)

¹² Tümüde Ijiprünü, ‘Apinü arübo thsümünimpü, müzüngbo chingnü alaksahpü, tüsho alomi kheaknü dükheakshihpü bekhita lah’ de athashihpü? Nü bukakhiukkhi chingnü rholoang, tüsho nü mihtsürü thsümünimpü chingnü lümaloang.

ABEKHIT 32:12 Iomraidhean Croise

THRÜNTAN 6:6

Tüsho apinü alomi kheak mihtsürü thrünkhi dünkheak Atungpuhnü mulong ashide lüm, tüsho api mulong rozhakde alakheah.

1 KIULONG THSÜRÜ 8:51

(tümüde arübo ju Ijip ching, yinchi niuthünakbe dang chingnü nünü abekhitkhi nü mihtsürü tüsho yamrüplurüp ah.)

EZRA 10:14

Thrünpuh bukakhiukkhi isa kheaknü mutsoloyi khiungde, isa torübonü Jirusalem ching mukhungbah isa boto thsungkheak akeanangshang; tüsho shepü khiungkeberü lulanü kim dükdü ching limberübo le kiuto mahkhaprü lung arüshang.”

MUNGSHIKHÜN 106:45

tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

MUNGSHIKHÜN 74:18

O Atungpuh , thiririnü keangrümünechoh, tüsho makharü mihtsürünü nü mung mükhemükimdo de lümkhitang.

MUNGSHIKHÜN 78:38

Tüshe api amüthsümnü mide arü mülimkhibo neak bahjih, tüsho arü müdükheakshih. Kim aban api bukakhiukkhi tuklo, tüsho api mulong müzhipzhip.

MUNGSHIKHÜN 85:3

Nünü nü mulong zhipzhip alala lude tso; nünü nü bukmükekhi chingnü rholo.

MUNGSHIKHÜN 90:13

Rholoang, O Atungpuh ! Külokhüh? Tüsho nü yamlarübo kheak amuzho laang.

ABEKHIT 32:14

Jumonü Atungpuhnü api mihtsürü thsümünimpü chingnü lümalo.

ABEKHIT 33:13

Jumonü inü tamkhüntamnüchoh, I nü miki mihmüthsüm lasho, kheakü I ki nü limro huhang, junangde inü nü mükheahbah tüsho nü miki I mihmüthsüm ngübah. Tüsho ha trükshih nü mihtsürü ah de lümang.”

ISAIA 64:7

Nü mung jirü she müla, yungsho nü ramlopü mürangrü müla; tümüde nünü nü miro isa kheaknü jikabah, tüsho isa neak dünkheaknü isa bahyuk.

ISAIA 64:8

Tütüshe, O Atungpuh , nü a isa Abuh; isa ju alo, tüsho nü isa phühdamrü; isa alala nü khah rhimo ah.

JEREMIA 28:16

Jumonü Atungpuhnü ha thachoh: Inü nü alomi kheaknü yihkhita bahpü thsüchoh. Ha kam ching nü ashebah, tümütüsho nünü Atungpuh azhihde asukdo.”

EZEKIEL 20:14

Tüshe I mung chingnü rhimode trükshihbo miki mümüneanshihpü inü arü mikinü inü arübo bekhit.

EZEKIEL 20:22

Tüshe inü I khah tuklo, tüsho I mung chingnü arü mikinü arü bekhitkhi trükshihbo miki mümüneanshihpü inü rhimo.

EZEKIEL 20:9

Tüshe I mung chingnü arü lapung trükshihbo miki mümüneanpü inü rhimo tüsho arü mikinü Israelrü Ijip chingnü bekhitde I akhiuka huh.

JOEL 2:17

Mükü tüsho kingaün sadam dükeak ching Atungpuh tankihrü, amükeamrübonü tripshang. Arünü thashang, “ Nü mihtsürübo aninga lashang, O Atungpuh , tüsho nü yamrüplurüp ha trükshih bolung keangrümüne, münedung dükamshih. Tümüde mihtsürü bolung ha thashihpü, ‘ Arü Thrünpuh küching la?’”

AMOS 7:3

Atungpuhnü ha dünkheak lümalo; “Ha jude müthsü,” Atungpuhnü tha.

AMOS 7:6

Ha dünkheak Atungpuhnü lümalo; “Ha she jude müthsü,” Atungpuh Thrünpuhnü tha.

JONA 3:9

Shenü mükheahla? Thrünpuhnü lümalobah tüsho api lüm müthribah; api buk müshakde akhiukkhi chingnü apinü atuklobah, junangde isa müdükheak.”

ZEKARIA 8:14

Tümüde Wuto Atungpuhnü ha thachoh: Nüsa jipürünü I bukakhiukshihchoki, inü mülümalode nüsa kheak thsümütsü hande arükhi nangde, Wuto Atungpuhnü thachoh,

WÜHKHE 14:19

Nü mihmüthsüm tokhi tüsho Ijip chingnü kheakü khiungde harü mihtsürü neak bahjihkhi nangde, harü mihtsürü neak bahjang de inü tamkhüntamnüchoh.”

WÜHKHE 16:21

“Nüke boto chingnü atrütang, tüsho inü arübo khülangkiyu thsüde akheamshihbah.”

YUZÜNGTHALO 13:17

Jumonü nüsa shepünü she muthrumüneankhi kukruk nüsa khah ching aninga düzo, junangde Atungpuhnü api bukakhiukkhi chingnü atuklobah tüsho nüsa ki mihmüthsüm huhbah, nüsa kheak muzhobah tüsho apinü nüsa jipürü ki thiyuchihchimkhi nangde nüsa wüh bubah,

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

YUZÜNGTHALO 9:28

jude yungsho nünü isa bebah arüpung lonü athabah, Tümütüsho Atungpuhnü arü ki thiyuchihchimkhi lo ching arü bebah müyü, tümütüsho apinü arü thranean, apinü arü sunglo chingnü alaksahpü bekhit.

JIHUSUA 7:26

Arünü api kheak lung ashang rhungkih, ju khihni khiungde lah. Judüki Atungpuhnü api bukakhiukkhi chingnü rholo. Jumonü ju dangpung ki Akor Dükhün de jichoh.

JIHUSUA 7:9

Kananrü tüsho lomi ching larübonü ha sobah isa zündobah, tüsho alomi chingnü isa mung dükheakshihbah. Dale nü mung ato thsungkheaknü nünü tümü rhimoba?”

1 SAMUEL 12:22

Tümüde api mung ato dünkheaknü Atungpuhnü amihtsürübo mübahyuk, tümütüsho nüsabo api mihtsürü thsüpü Atungpuhnü asühdo.