ABEKHIT 32:11 - AMÜSÜH HÜM CL Bible (BSI)

¹¹ Judüki Mosanü Atungpuh api Thrünpuh ki mushude tha, “ATUNGPUH , tümü thsükhi nünü nü wu ato tüsho wuto khahnü Ijip lomi chingnü bekhitkhi nü mihtsürü kheak bukakhiukcho?

ABEKHIT 32:11 Iomraidhean Croise

THRÜNTAN 18:27

Abrahamnü alo tüsho tha, “Kheakü I asungthulung tüsho awahnü mulong tode Atungpuh ki asukchoh:

1 KIULONG THSÜRÜ 8:51

(tümüde arübo ju Ijip ching, yinchi niuthünakbe dang chingnü nünü abekhitkhi nü mihtsürü tüsho yamrüplurüp ah.)

NEHEMIA 1:10

“Atungpuh , harü ha nü wu ato tüsho nü khah sühmüh hode akhümkhitkhi nü yamlarübo nü mihtsürübo ah.

MUNGSHIKHÜN 106:23

Küyimki Thrünpuhnü api mihtsürü thsümünimpü thakhea, apinü mokhitkhi yamlarü Mosanü Thrünpuh reanglode zhip tüsho arü thsümünimpü api bukakhiukkhi tukloshih.

ABEKHIT 32:7

Tüsho Atungpuhnü Mosa ki tha, “Yükiang, tümütüsho nünü Ijip lomi chingnü bekhitkhi nü mihtsürü müneana lah.

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ABEKHIT 8:8

Judüki Pharaonü Mosa le Aron jibah tha, “I tüsho I mihtsürübo kheaknü kheangbo lude atsopü Atungpuh ki tamkhüntamnüang; tüsho inü mihtsürübo Atungpuh ki laksah-a kingaünpü yüshihbah.”

ISAIA 63:17

Tümüde, O Atungpuh , nünü isa nü limro chingnü tsoshihcho tüsho isanü nü mütrepü thsüde isa mulong müküpshihcho? Nü yamlarübo mung chingnü, nü yamrüplurüp trükbo mung chingnü rholoang.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

TÜZHOKHI 2:20

Kheahang, O Atungpuh , tüsho lümakheahang! Shepü ki nünü ha rhimokhea? Azoberübonü arünü azübekhi tsührü tsühba shi? Amükeamrü tüsho wukihrübo Atungpuh arüngyam ching laksahba de?

EZEKIEL 20:9

Tüshe I mung chingnü arü lapung trükshihbo miki mümüneanpü inü rhimo tüsho arü mikinü Israelrü Ijip chingnü bekhitde I akhiuka huh.

DANIEL 9:15

Kheakü, O Atungpuh isa Thrünpuh, shepünü khah ato hode nü mihtsürü Ijip chingnü bekhit tüsho khihni ha khiungde nü mung thude kamshihkhea, isanü neak yihbeakdo, isanü amülim thsüdo.

JOEL 2:17

Mükü tüsho kingaün sadam dükeak ching Atungpuh tankihrü, amükeamrübonü tripshang. Arünü thashang, “ Nü mihtsürübo aninga lashang, O Atungpuh , tüsho nü yamrüplurüp ha trükshih bolung keangrümüne, münedung dükamshih. Tümüde mihtsürü bolung ha thashihpü, ‘ Arü Thrünpuh küching la?’”

WÜHKHE 11:11

Mosanü Atungpuh ki tha, “Nünü tümüde nü yamlarü kheak masühde rhimocho? Tümüde I nü mük ki tsüde müngücho, tüsho harü mihtsürü hahmülang I kheak akihshihcho?

WÜHKHE 14:13

Tüshe Mosanü Atungpuh ki tha, “ Judüasho Ijiprübonü ha dünkheak sobah, tümüde nü sühmüh hode harü mihtsürü arü bolungnü bede atu,

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 21:7

Jumonü mihtsürübonü Mosa kilim arübah tha, “ Isanü Atungpuh tüsho nü azhihde athakhi hode neak yihbeakdo; isa kheaknü phuruto tsoabahshihpü Atungpuh ki tamkhüntamnüjang.” Jumonü Mosa nü mihtsürübo thsungkheak tamkhüntamnü.

WÜHKHE 27:4

Api tsührü athrürü mülale de, isa abuh mung nihbuh guk chingnü yihkhita bahpü? Jumonü isa abuh keoniorü lung isa kilim she yamrüplurüp jihang.”

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.